* ଭେଲ୍ଭେଟ୍ ବୁଟ୍ସ: ଶୀତଦିନେ ଷ୍ଟାଇଲିଶ୍ ଲୁକ୍ ଦେଇଥାଏ ଭେଲ୍ଭେଟ୍ ବୁଟ୍ସ। ଏହାର ଅନେକ ଭେରାଇଟି ମଧ୍ୟ ଆସିଥାଏ। ତନ୍ମଧ୍ୟରୁ ଆଙ୍କେଲ୍ ଲେଙ୍ଗ୍ଥ ବୁଟ୍ ହେଉଛି ଅନ୍ୟତମ; ଯାହାକୁ ଆଉଟିଂ ହେଉ ଅବା ପାର୍ଟିରେ ପିନ୍ଧା ଯାଇପାରେ। ନି ଲେଙ୍ଗ୍ଥ ଜିନ୍ସ ହେଉ ଅବା ଓ୍ବାନ୍ ଥାର୍ଡ କିମ୍ବା ଆଙ୍କେଲ୍ ଲେଙ୍ଗ୍ଥ ଜିନ୍ସ ସହ ଏହାକୁ ପିନ୍ଧିଲେ ଭଲ ମାନିଥାଏ। ଆଉ ଯେଉଁମାନେ ଟିକେ ମଡର୍ନ ଲୁକ୍ ଚାହାନ୍ତି, ସେମାନେ ସଟର୍ସ ସହ ମଧ୍ୟ ଏହାକୁ ଟ୍ରାଏ କରିପାରିବେ।
* ଫ୍ଲାଟ୍ କାଜୁଆଲ୍ ଭେଲ୍ଭେଟ୍ ଫୁଟ୍ଓ୍ବେର୍: କାଜୁଆଲ୍ ଲୁକ୍ ପାଇଁ ବକଲ୍ବାଲା ଫ୍ଲାଟ୍ ଭେଲ୍ଭେଟ୍ ଫୁଟ୍ଓ୍ବେର୍ ଏକ ଭଲ ଅପ୍ସନ। ଏହାକୁ ଜିନ୍ସ, ସ୍କର୍ଟ ଅବା ଡ୍ରେସେସ୍ ସହ ମଧ୍ୟ ମ୍ୟାଚିଂ କରି ପିନ୍ଧାଯାଇପାରେ।
* ଭେଲ୍ଭେଟ୍ ଲୋଫର୍ସ: କୁଲ୍ କାଜୁଆଲ୍ ଲୁକ୍ ଦେଇଥାଏ ଲୋଫର୍ସ। ଆଉ ଯଦି କଥା ଭେଲ୍ଭେଟ୍ ଲୋଫର୍ସର ଉଠେ, ତା’ହେଲେ ତ ଖୁସିର ସୀମା ରହେନାହିଁ। ଖାସ୍ କରି ଜିନ୍ସ ସହ ଏହି ମ୍ୟାଟେରିଆଲ୍ର ଲୋଫର୍ସ ପିନ୍ଧିଲେ ସ୍ମାର୍ଟ ଲୁକ୍ ମିଳିଥାଏ।
* ଭେଲ୍ଭେଟ୍ ସ୍ନିକର୍ସ: ଶୀତଦିନେ ଭେଲ୍ଭେଟ୍ ସ୍ନିକର୍ସ ଟ୍ରାଏ କରିପାରିବେ। ଏହା ଟ୍ରେଣ୍ଡି ଲୁକ୍ ଦେଇଥାଏ। ଏହିଦିନେ କୁଆଡ଼େ ବୁଲିବାକୁ ଗଲାବେଳେ ଭେଲଭେଟ୍ ସ୍ନିକର୍ସ ପିନ୍ଧିଲେ ପାଦକୁ ବେଶ୍ କମ୍ଫର୍ଟେବଲ୍ ମଧ୍ୟ ଲାଗିଥାଏ।
* ଭେଲ୍ଭେଟ୍ ଜୁତି: ଏଥିରେ ବେଶୀ ହିଲ୍ ନଥାଏ ସତ କିନ୍ତୁ ଦେଖିବାକୁ ବେଶ୍ ଆକର୍ଷଣୀୟ। ଏହି ଟାଇପ୍ର ଜୁତିକୁ ଏଥିନିକ୍ ଡ୍ରେସ୍ ସହିତ ମ୍ୟାଚିଂ କରି ପିନ୍ଧିଲେ ଲୁକ୍ ବେଶ୍ ଷ୍ଟାଇଲିଶ୍ ଲାଗେ। ବିଶେଷକରି କଳା, ସୁନେଲି, ନୀଳ, ଗୋଲାପୀ ତଥା ସବୁଜ ରଙ୍ଗର ଭେଲ୍ଭେଟ୍ ଜୁତିର ଅଧିକ ଚାହିଦା ରହୁଥିବା ଦେଖିବାକୁ ମିଳିଥାଏ।
