ମୁମ୍ବାଇ,୨୯।୧୨ : ବମ୍ବେ ହାଇକୋର୍ଟ କହିଛନ୍ତି ଯେ ବେଆଇନ ଗୋରୁ ଚାଲାଣ ମାମଲାରେ ବିଚାର ଶେଷ ନହେବା ପର୍ଯ୍ୟନ୍ତ ପ୍ରାଣୀଙ୍କର ପରିବହନ, ଚିକିତ୍ସା ତଥା ଯତ୍ନ ନେବା ପାଇଁ ହେଉଥିବା ଖର୍ଚ୍ଚ ଗାଡ଼ି ମାଲିକ ବହନ କରିବେ। ପ୍ରାଣୀ କ୍ରୁରତା ନିବାରଣ ଆଇନ ଅନୁଯାୟୀ ଏଭଳି କରାଯିବ ବୋଲି କୋର୍ଟ କହିଛନ୍ତି।
ଜଷ୍ଟିସ ପ୍ରକାଶ ଡି ନାୟକ କହିଛନ୍ତି ଯେ କେବଳ ମାଧ୍ୟମ ଭାବରେ ବ୍ୟବହୃତ ଗାଡିର ମାଲିକ ହେବା ଦ୍ୱାରା ପ୍ରାଣୀ କ୍ରୁରତା ନିବାରଣ ଆଇନ ଅନୁଯାୟୀ ମାଲିକ ଏଭଳି ଦାୟିତ୍ୱରୁ ବଞ୍ଚିତ ହେବେ ନାହିଁ।
ଯଦିଓ ଆବେଦନକାରୀ ଗାଡିର ମାଲିକ ନିୟମ ଅନୁଯାୟୀ ପଶୁମାନଙ୍କର ରକ୍ଷଣାବେକ୍ଷଣ ତଥା ସୱାସ୍ଥ୍ୟ ଯାଞ୍ଚ ଦିଗରେ ଏହି ଅର୍ଥ ପ୍ରଦାନ କରିବେ। ଭବିଷ୍ୟତରେ ପ୍ରାଣୀଙ୍କ ପିଛା ପ୍ରତିଦିନ ୨୦୦ ଟଙ୍କା ପ୍ରଦାନ ପାଇଁ ଗାଡ଼ି ମାଲିକଙ୍କୁ ନିର୍ଦ୍ଦେଶ ଦିଆଯାଇପାରିବ ବୋଲି କୋର୍ଟ କହିଛନ୍ତି।
ମାଜିଷ୍ଟ୍ରେଟ କୋର୍ଟ ଏହି ଆଦେଶ ଦେଇଥିଲେ ଏବଂ ପରେ ସେସନ୍ସ କୋର୍ଟ ଏହାକୁ କାଏମ ରଖିଛନ୍ତି। ଆବେଦନକାରୀଙ୍କ ପ୍ରତିନିଧିତ୍ୱ କରୁଥିବା ଆଡଭୋକେଟ ଅର୍ଥବ ଦାଣ୍ଡେକର କହିଥିଲେ ଯେ ରକ୍ଷଣାବେକ୍ଷଣ ପରିମାଣ ପ୍ରଦାନ କରିବାକୁ ମାଜିଷ୍ଟ୍ରେଟଙ୍କ ନିର୍ଦ୍ଦେଶ ବେଆଇନ। ସେ ଆହୁରି ମଧ୍ୟ କହିଛନ୍ତି ଯେ ପୁରା ବ୍ୟବସାୟରେ ଜଡିତ ନ ଥିବାରୁ ଆବେଦନକାରୀ ମାଲିକଙ୍କ ଗାଡି ତାଙ୍କୁ ଫେରାଇ ଦିଆଯାଇଥିଲା, ତେଣୁ ସେ ରକ୍ଷଣାବେକ୍ଷଣ ଦେବାକୁ ବାଧ୍ୟ ହୋଇପାରିବେ ନାହିଁ।
ରାଜ୍ୟ ପାଇଁ ଅତିରିକ୍ତ ପବ୍ଲିକ ପ୍ରସିକ୍ୟୁଟର ଆର୍ ପାଟିଲ କହିଛନ୍ତି ଯେ ଟ୍ରକକୁ ଅଟକାଇ ଦେଖାଯାଇଥିଲା ଯେ, ବେଆଇନ ତଥା ନିଷ୍ଠୁର ଭାବରେ ପରିବହନ କରାଯାଉଥିଲ। ପ୍ରାଣୀ କ୍ରୁରତା ନିବାରଣ ଆଇନ ୫ ଅନୁଯାୟୀ। ପ୍ରାଣୀ ମାନଙ୍କର ପରିବହନ, ଚିକିତ୍ସା ଏବଂ ଯତ୍ନ ପାଇଁ ଗାଡ଼ି ମାଲିକ ଦାୟୀ ରହିବେ।
ହାଇକୋର୍ଟ ଉଲ୍ଲେଖ କରିଛନ୍ତି ଯେ ଅଧିନିୟମର ନିୟମ ୫ ସେସନ୍ସ ବିଚାରପତିଙ୍କ ଦ୍ୱାରା ବିଚାରକୁ ନିଆଯାଇଥିଲା ଏବଂ କହିଥିଲେ ଯେ, ଟ୍ରକର ମାଲିକ ହୋଇ ଆବେଦନକାରୀ, ପଶୁମାନଙ୍କର ପରିବହନ, ଚିକିତ୍ସା ଏବଂ ଯତ୍ନର ଖର୍ଚ୍ଚ ପାଇଁ ଦାୟୀ ରହିବେ।
