ଯାଜପୁର ଅଫିସ,୨୭। ୭: ବେଦାନ୍ତ କମ୍ପାନୀ ଦ୍ୱାରା ପରିଚାଳିତ ଯାଜପୁର ଜିଲା ଓସ୍ତପାଳ କ୍ରୋମାଇଟ୍ ଖଣିକୁ ଭାରତ ସରକାରଙ୍କ ଡାଇରେକ୍ଟର ଜେନେରାଲ ଅଫ୍ ମାଇନ୍ସ ସେଫଟି (ଡିଜିଏମ୍ଏସ୍) ପକ୍ଷରୁ ଅସ୍ଥାୟୀ ଭାବେ ବନ୍ଦ କରାଯାଇଛି। ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଏଭଳି ପଦକ୍ଷେପ ନିଆଯାଇଛି। ଏହି ମର୍ମରେ ଡିଜିଏମ୍ଏସ୍ ପକ୍ଷରୁ ପତ୍ର ସଂଖ୍ୟା ବିବିଆର/ପିଜି/୨୦୨୧/୩୮୧/୨୩ା ୭ା୨୦୨୧ରେ ଦକ୍ଷିଣ-ପୂର୍ବ ମଣ୍ଡଳ, ରାଞ୍ଚିର ଖଣି ସୁରକ୍ଷା ଉପନିର୍ଦ୍ଦେଶକଙ୍କୁ ସୂଚିତ କରାଯାଇଛି। ଏହାସହ ଡିଜିଏମ୍ଏସ୍ର ନିର୍ଦ୍ଦେଶକ ପତ୍ରସଂଖ୍ୟା ୧୬୨୭୨୧/୨୬ା୭ା୨୦୨୧ରେ ଅଭିଯୋଗକାରୀ ସୁରେଶ କୁମାରଙ୍କୁ ଏହି ନିର୍ଦ୍ଦେଶ
ବେଦାନ୍ତର ଓସ୍ତପାଳ…
ସଂକ୍ରାନ୍ତରେ ସୂଚିତ କରିଛନ୍ତି। ଓସ୍ତପାଳ କ୍ରୋମାଇଟ ଖଣି ଗୁରୁତର ଭାବେ ଅସୁରକ୍ଷିତ ହୋଇଥିବା ନେଇ ସୁରେଶ କୁମାର କେନ୍ଦ୍ର ସରକାରଙ୍କ ୱେବ୍ପୋର୍ଟାଲ ସେଣ୍ଟ୍ରାଲାଇଜଡ୍ ପବ୍ଲିକ ଗ୍ରିଭାନ୍ସ ରିଡ୍ରେସାଲ୍ ଆଣ୍ଡ ମନିଟରିଂ ସିଷ୍ଟମ ମାଧ୍ୟମରେ ୯ା୪ା୨୦୨୧ ଏବଂ ୧୬ା୪ା୨୦୨୧ରେ ଅଭିଯୋଗ କରିିଥିଲେ। ଉକ୍ତ ଅଭିଯୋଗରେ ଖଣିଠାରୁ ଉତ୍ତର ଦିଗକୁ ଥିବା ଡମ୍ପର ଦୂରତା ମାତ୍ର ୨୦ ମିଟର ଏବଂ ଦକ୍ଷିଣକୁ ରହିଥିବା ଡମ୍ପର ଦୂରତା ମାତ୍ର ୩୦ ମିଟର ବୋଲି ଦର୍ଶାଇଥିଲେ। ଏନେଇ ଧରିତ୍ରୀରେ ସବିଶେଷ ତଥ୍ୟ ଭିତ୍ତିକ ଖବର ପ୍ରକାଶ ପାଇବା ପରେ ଡିଜିଏମ୍ଏସ୍ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ଗତ ଜୁନ ୧୭ ଓ ୧୮ରେ ଡିଜିଏମ୍ଏସ୍ ଭୁବନେଶ୍ୱର କ୍ଷେତ୍ର ଡେପୁଟି ଡାଇରେକ୍ଟର ଇନୁମୁଲା ସତ୍ୟନାରାୟଣ ଅଭିଯୋଗ ସଂକ୍ରାନ୍ତରେ ତଦନ୍ତ କରିଥିଲେ।
ଅନ୍ୟପକ୍ଷରେ ଡିଜିଏମ୍ଏସ୍ ଭୁବନେଶ୍ୱର କ୍ଷେତ୍ରରୁ ୧୦ା୬ା୨୦୨୧ରେ ସୁରେଶ କୁମାରଙ୍କୁ ଆରଟିଆଇ ଜରିଆରେ ମିଳିଥିବା ସୂଚନା ମୁତାବକ ଓସ୍ତପାଳ ଖଣି କାର୍ଯ୍ୟର ଉପର ଧାରରୁ ୩୦ ମିଟରରୁ ୧୫୦ ମିଟର ଦୂରରେ ଡମ୍ପ ରହିଥିଲା। ଏହାବାଦ ୧୬ା୨ା୨୦୨୧, ୧୫ା୯ା୨୦୧୬ ଓ ୧୯ା୯ା୨୦୧୮ରେ ବେଞ୍ଚ/ଡମ୍ପ ଭୁଶୁଡ଼ିଥିଲା, ଯାହାକି ସାଂଘାତିକ ନ ଥିଲା। ତେଣୁ କୌଣସି ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିଲା। ତେବେ ଓସ୍ତପାଳ କ୍ରୋମାଇଟ ଖଣିର ପରିଚାଳନା କର୍ତ୍ତୃପକ୍ଷଙ୍କୁ ଖଣି ଓ ଡମ୍ପର ଦୂରତା ଅନୂ୍ୟନ ୧୦୦ ମିଟର ଏବଂ ଡମ୍ପର ଉଚ୍ଚତା ଅତି ବେଶିରେ ୬୦ ମିଟର ମଧ୍ୟରେ ରଖିବାକୁ ପରାମର୍ଶ ଦିଆଯାଇଥିବା ଆରଟିଆଇ ତଥ୍ୟରେ ଉଲ୍ଲେଖ ରହିଥିଲା। ହେଲେ ଡିଜିଏମ୍ଏସ୍ର ଉକ୍ତ ପରାମର୍ଶକୁ ବେଦାନ୍ତ ଭ୍ରୂକ୍ଷେପ ନ କରି ୬ ମାସ ମଧ୍ୟରେ ଖଣି ଏବଂ ଡମ୍ପର ଦୂରତାକୁ ୨୦ ମିଟର ପର୍ଯ୍ୟନ୍ତ ଖସେଇ ଦେଇଛି ବୋଲି ସୁରେଶ କୁମାର ଅଭିଯୋଗ କରିଥିଲେ। ଏହାକୁ ଦୃଷ୍ଟିରେ ରଖି ଡିଜିଏମ୍ଏସ୍ ପକ୍ଷରୁ ପତ୍ରସଂଖ୍ୟା ୧୮୦୦୨୦/ଏସ୍ଇଜେଡ୍ /୨୮ା୫ା୨୦୨୧ରେ ତଦନ୍ତ ନିର୍ଦ୍ଦେଶ ହୋଇଥିଲା। ତଦନୁଯାୟୀ ମେଟାଲିଫେରିୟସ ମାଇନ୍ସ ରେଗୁଲେଶନ ଆକ୍ଟ ୧୯୬୧ର ୧୦୬(୨)(ବି) ଅନୁଯାୟୀ ବେଦାନ୍ତ ଦ୍ୱାରା ପରିଚାଳିତ ଫେରୋ ଆଲଏଜ କର୍ପୋରେଶନ ଲିମିଟେଡ୍ (ଫାକର)ର ଓସ୍ତପାଳ କ୍ରୋମାଇଟ ଖଣିକୁ ଅସ୍ଥାୟୀ ଭାବେ ବନ୍ଦ କରାଯାଇଥିବା ନିର୍ଦ୍ଦେଶରେ ଦର୍ଶାଯାଇଛି।
