ନୂଆଦିଲ୍ଲୀ,୨୩।୪: IPL 2026ର ପ୍ରଥମ ଚାରି ଇନିଂସରେ ବୈଭବ ସୂର୍ଯ୍ୟବଂଶୀ ଚମତ୍କାର ବ୍ୟାଟିଂ କରିଥିଲେ। କିଛି ଦିନ ପାଇଁ ସେ ଅରେଞ୍ଜ କ୍ୟାପ ମଧ୍ୟ ରଖିଥିଲେ। କିନ୍ତୁ ତାଙ୍କ ବ୍ୟାଟରୁ ହଠାତ୍ ରନ ଆସିବା ବନ୍ଦ ହୋଇଯାଇଛି। ବିଫଳତା ଦେଖି ସେ ନିଜେ ମଧ୍ୟ କାନ୍ଦି ପକାଇଛନ୍ତି। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଲକ୍ଷ୍ନୌ ସୁପରଜାଏଣ୍ଟସ ବିପକ୍ଷ ମ୍ୟାଚରେ, ବୈଭବ ୧୧ ବଲରୁ ମାତ୍ର ୮ ରନ କରିପାରିଛନ୍ତି। ଫଳସ୍ବରୂପ ପୂର୍ବତନ କ୍ରିକେଟର ଆକାଶ ଚୋପ୍ରା ସୂର୍ଯ୍ୟବଂଶୀଙ୍କ ସବୁଠାରୁ ଗୁରୁତ୍ୱପୂର୍ଣ୍ଣ ବୈଷୟିକ ତ୍ରୁଟିଗୁଡ଼ିକୁ ଚିହ୍ନଟ କରିଛନ୍ତି।
ବୈଭବ IPL 2026ର ତାଙ୍କର ପ୍ରଥମ ଚାରି ଇନିଂସରେ ୨୦୦ ରନ କରିଥିବାବେଳେ, ପରବର୍ତ୍ତୀ ତିନୋଟି ଇନିଂସରେ ସେ କେବଳ ୫୪ ରନ କରିପାରିଛନ୍ତି। ଲକ୍ଷ୍ନୌ ବନାମ ରାଜସ୍ଥାନ ମ୍ୟାଚ ସମୟରେ କମେଣ୍ଟ୍ରି ଦେବା ସମୟରେ ଆକାଶ ଚୋପ୍ରା ଉଲ୍ଲେଖ କରିଛନ୍ତି ଯେ, ନିଃସନ୍ଦେହରେ ବୈଭବଙ୍କର ଚମତ୍କାର ବ୍ୟାଟ ସ୍ବିଙ୍ଗ ଅଛି। ତଥାପି ଏହି ବ୍ୟାଟ ସ୍ବିଙ୍ଗରେ ଏକ ବଡ଼ ତ୍ରୁଟି ରହିଛି। ହଠାତ୍ ପୁଲ ସଟ ଖେଳିବା ପାଇଁ ସେ ନିଜକୁ ପ୍ରସ୍ତୁତ କରିବା ଆବଶ୍ୟକ। ଅତିରିକ୍ତ ବାଉନ୍ସର ବଲ୍କୁ ମାରିବା ସମୟରେ ସେ ଭୁଲ୍ କରି ବସୁଛନ୍ତି। ଫଳରେ ବଲଟି ତାଙ୍କ ବ୍ୟାଟର ଧାର ନେଇ ଉଇକେଟକିପର କିମ୍ବା ସ୍ଲିପ୍ସ କର୍ଡନ ଆଡ଼କୁ ଯିବାର ସମ୍ଭାବନା ବଢ଼ିଯାଉଛି।
Dharitri – Odisha’s No.1 Odia Daily
