ଓ୍ବାଶିଂଟନ୍,୨୭।୧: ଆମେରିକାର ସୈନ୍ୟବାହିନୀ ଉତ୍ତର ସୋମାଲିଆରେ ଇସଲାମିକ ଷ୍ଟେଟ ଆତଙ୍କବାଦୀ ବିଲାଲ ଅଲ-ସୁଦାନୀ ଏବଂ ତାଙ୍କର ପ୍ରାୟ ୧୦ ସହଯୋଗୀଙ୍କୁ ନିପାତ କରିଛନ୍ତି। ବାଇଡେନ ପ୍ରଶାସନର ଦୁଇ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି।
ପ୍ରତିରକ୍ଷା ସଚିବ ଲଏଡ୍ ଅଷ୍ଟିନ ଏକ ବିବୃତ୍ତିରେ କହିଛନ୍ତି, ଉତ୍ତର ସୋମାଲିଆର ଏକ ପାର୍ବତ୍ୟ ପାର୍ଶ୍ୱରେ ଥିବା ଗୁମ୍ଫା କମ୍ପ୍ଲେକ୍ସରୁ ବିଲାଲ ଅଲ-ସୁଦାନୀ ଆଫ୍ରିକାରେ ଆଇଏସଆଇଏସ ବିସ୍ତାର ତଥା ଅନ୍ୟାନ୍ୟ କାର୍ଯ୍ୟକଳାପ ଯୋଜନା କରୁଥିଲେ।
ଜାନୁଆରୀ ୨୫ରେ, ରାଷ୍ଟ୍ରପତିଙ୍କ ନିର୍ଦ୍ଦେଶରେ ଆମେରିକାର ସୈନ୍ୟବାହିନୀ ଉତ୍ତର ସୋମାଲିଆରେ ଏକ ଅପରେଶନ ଆରମ୍ଭ କରିଥିଲେ। ଏଥିରେ ବିଲାଲ ଅଲ-ସୁଦାନୀଙ୍କ ସମେତ ଅନେକ ଇସଲାମ ଷ୍ଟେଟ ସଦସ୍ୟଙ୍କ ମୃତ୍ୟୁ ଘଟିଥିଲା। ଆଫ୍ରିକାରେ ଆଇଏସଆଇଏସର ବଢୁଥିବା ଉପସ୍ଥିତିକୁ ବୃଦ୍ଧି କରିବା ଏବଂ ଆଫଗାନିସ୍ତାନ ସମେତ ସମଗ୍ର ବିଶ୍ୱରେ ଗୋଷ୍ଠୀର କାର୍ଯ୍ୟକଳାପକୁ ଆର୍ଥିକ ସହାୟତା ଦେବା ପାଇଁ ଅଲ-ସୁଦାନୀ ଦାୟୀ ଥିଲେ। ଏହି ଅପରେଶନ ସମୟରେ କୌଣସି ସାଧାରଣ ନାଗରିକଙ୍କର କ୍ଷତି ହୋଇ ନାହିଁ ବୋଲି ଆମେରିକାର ପ୍ରତିରକ୍ଷା ମନ୍ତ୍ରୀ ସ୍ପଷ୍ଟ କରିଛନ୍ତି।
