ବାରଙ୍ଗ,୨୭ା୨(ଲିଙ୍ଗରାଜ ରାଉତ):ତ୍ରିଶୂଳିଆ ବାଙ୍କୀ ମୁଖ୍ୟରାସ୍ତାର ଗୋଡ଼ିସାହି ବଜାର ପାଖରେ ସୋମବାର ଉଲଗ୍ନ ଅବସ୍ଥାରେ ଜଣେ ୫୦ ବର୍ଷୀୟ ବ୍ୟକ୍ତି ଖଣ୍ଡା ଧରି ପ୍ରାୟ ଅଧଘଣ୍ଟା କାଳ ଆତଙ୍କ ଖେଳାଇଥିଲେ। ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି। ପୋଲିସ ଉକ୍ତ ବ୍ୟକ୍ତିଙ୍କୁ କାବୁ କରି ଅଟକ ରଖି ପଚରାଉଚରା କରୁଛି। ଏଥିସହ ପୋଲିସ ତାଙ୍କଠାରୁ ଖଣ୍ଡା ଜବତ କରିଛି। ବ୍ୟକ୍ତି ଜଣଙ୍କ ଉକ୍ତ ଫାଣ୍ଡି ଅଧୀନ ରାମଦାସପୁର ଗ୍ରାମପଞ୍ଚାୟତ ବାରର୍ଷିଙ୍ଗା ଗ୍ରାମର ହାଡିବନ୍ଧୁ ଭୋଇ ବୋଲି ଜଣାପଡ଼ିଛି। ସୂଚନା ମୁତାବକ, ଦିନ ଦ୍ୱିପ୍ରହରରେ ରାସ୍ତା ଉପରେ ସେ ଉଲଗ୍ନ ଅବସ୍ଥାରେ ଖଣ୍ଡା ଚାଳନା କରିବାରୁ ଲୋକେ ନିରାପଦ ନ ମଣି ଗୋଡିସାହି ଫାଣ୍ଡି ପୋଲିସକୁ ଖବର ଦେଇଥିଲେ। ପୋଲିସ ସେଠାରେ ପହଞ୍ଚି ତାଙ୍କୁ କାବୁ କରିଥିଲା।
