ରାଜକୋଟ,୧୯।୨ : ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ରାଜକୋଟ ଟେଷ୍ଟ ମ୍ୟାଚରେ ଭାରତ ଏକ ଐତିହାସିକ ବିଜୟ ପଞ୍ଜିକରଣ କରିଛି। ଇଂଲଣ୍ଡ ବିପକ୍ଷରେ ଇତିହାସରେ ସବୁଠାରୁ ବଡ ବିଜୟ ପଞ୍ଜିକରଣ କରିଛି ଭାରତ। ଭାରତ ବିପକ୍ଷ ଦଳକୁ ୪୩୪ ରନରେ ପରାସ୍ତ କରି ସିରିଜରେ ୨-୧ ଅଗ୍ରଣୀ ହାସଲ କରିଛି। ହାଇଦ୍ରାବାଦ ଟେଷ୍ଟରେ ପରାଜୟ ପରେ ଟିମ ଇଣ୍ଡିଆ ପାଇଁ ଏହା କ୍ରମାଗତ ଦ୍ୱିତୀୟ ବିଜୟ। ବିଶାଖାପଟ୍ଟନମ ଟେଷ୍ଟରେ ଭାରତ ପ୍ରଥମେ ଇଂଲଣ୍ଡକୁ ପରାସ୍ତ କରିଥିଲା, ତା’ପରେ ରାଜକୋଟରେ ବିରୋଧୀ ଦଳକୁ ମଧ୍ୟ ପରାସ୍ତ କରିଥିଲା। ଲଗାତାର ଦୁଇଟି ପରାଜୟ ଯୋଗୁଁ ଇଂଲଣ୍ଡ ଦଳ ହତାଶ ହୋଇଛି। ମ୍ୟାଚ ପରେ ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ କହିଛନ୍ତି ତାଙ୍କ ଦଳକୁ ପ୍ରତାରଣା କରାଯାଇଛି।
ସେ କହିଛନ୍ତି ମୁଁ ଭାବୁଛି ଅମ୍ପାୟାର କଲ ହଟାଯିବା ଉଚିତ। ଇଂଲଣ୍ଡ ବ୍ୟାଟ୍ସମ୍ୟାନ ଜ୍ୟାକ କ୍ରାଉଲିଙ୍କ ୱିକେଟ ନେଇ ଏହି ବିବାଦ ଆରମ୍ଭ ହୋଇଛି। ରାଜକୋଟ ଟେଷ୍ଟ ମ୍ୟାଚର ଚତୁର୍ଥ ଦିନ ଖେଳାଯାଉଥିଲା। ଇଂଲଣ୍ଡ ପାଇଁ ଭାରତ ୫୫୬ ରନ ଲକ୍ଷ୍ୟ ଧାର୍ଯ୍ୟ କରିଥିଲା। ପିଚର ସ୍ଥିତିକୁ ବିଚାରକୁ ନେଇ ଏହି ଟାର୍ଗେଟ କେବଳ ବଡ ନୁହେଁ ବରଂ ବହୁତ ବଡ ମଧ୍ୟ ଥିଲା, ଯେଉଁଥିପାଇଁ ଇଂଲଣ୍ଡ ଦଳ ଚାପରେ ଥିଲା।
ଯେତେବେଳେ ଇଂଲଣ୍ଡ ଖେଳାଳି ଜ୍ୟାକ କ୍ରାଉଲି ୧୧ ରନରେ ବ୍ୟାଟିଂ କରୁଥିଲେ, ବୋଲିଂ କରିବାକୁ ଆସିଥିବା ଜସପ୍ରୀତ ବୁମରା ଜ୍ୟାକ କ୍ରାଉଲିଙ୍କ ଏଳବିଡବ୍ଲ୍ୟୁ କରିଥିଲେ। ଯେତେବେଳେ ଅମ୍ପାୟାର ବ୍ୟାଟ୍ସମ୍ୟାନଙ୍କ ଆଉଟ କରିଥିଲେ, ଖେଳାଳି ସମୀକ୍ଷା ପାଇଁ କହିଥିଲେ। ଏହାକୁ ନେଇ ବିବାଦ ସୃଷ୍ଟି ହୋଇଥିଲା ।
ବେନ ଷ୍ଟୋକ୍ସ କହିଛନ୍ତି ଯେତେବେଳେ ତୃତୀୟ ଅମ୍ପାୟାରଙ୍କ ଦ୍ୱାରା ଯାଞ୍ଚ କରାଯାଇଥିଲା, ସେତେବେଳେ ସ୍ପଷ୍ଟ ଜଣାପଡିଥିଲା ବଲ ଷ୍ଟମ୍ପକୁ ମିସ୍ କରୁଥିଲା। ଏହା ସତ୍ତ୍ୱେ ଏହାର ଅମ୍ପାୟାର କଲ ଦିଆଯାଇଥିଲା ଏବଂ ଜ୍ୟାକ କ୍ରାଉଲିଙ୍କୁ ଆଉଟ ବୋଲି ଘୋଷଣା କରା ଯାଇଥିଲା। ମୁଁ ଏ ବିଷୟରେ କିଛି ବୁଝି ପାରିଲି ନାହିଁ । ଏହାର ପରିଣାମକୁ ପୁରା ଦଳକୁ ଭୋଗିବାକୁ ପଡିଥିଲା।
ଜ୍ୟାକ କ୍ରାଉଲିଙ୍କ ୱିକେଟ ପରେ ଇଂଲଣ୍ଡ କୋଚ ବ୍ରେଣ୍ଡନ ମ୍ୟାକକୁଲମ ମଧ୍ୟ ଅମ୍ପାୟାରଙ୍କ ସହ କଥାବାର୍ତ୍ତା ହୋଇଥିବା ଦେଖିବାକୁ ମିଳିଥିଲା। ବର୍ତ୍ତମାନ ଇଂଲଣ୍ଡ ଅଧିନାୟକ ଅମ୍ପାୟାର କଲ ଶେଷ କରିବା ପାଇଁ ଦାବି କରିଛନ୍ତି।
