ନବରଙ୍ଗପୁର,୧୦ା୩(ବି.ପ୍ର.) ୟୁକ୍ରେନ୍ରେ ଫସିଥିବା ନବରଙ୍ଗପୁରର ଡାକ୍ତରୀ ଛାତ୍ର ନୃସିଂହ ନାଥ ପାତ୍ର ଓ ସୌରଭ ସାହୁ ଘରକୁ ଫେରିଛନ୍ତି। ସେଠାକାର ଯୁଦ୍ଧ ବିଭୀଷିକା ଓ ବଞ୍ଚତ୍ବା ପାଇଁ ସେମାନେ କରିଥିବା ସଂଗ୍ରାମ ସମ୍ପର୍କିତ ଅନୁଭୂତି ବଖାଣିଥିଲେ।
ନବରଙ୍ଗପୁର ସହର କେଉଟ ସାହିର ରଜନୀ ପାତ୍ରଙ୍କ ପୁଅ ନୃସିଂହ ନାଥ ୟୁକ୍ରେନ୍ର ଟେରନାପିନ ନ୍ୟାଶନାଲ ମେଡିକାଲ ୟୁନିଭରସିଟିରେ ଡାକ୍ତରୀ ପାଠ ପଢୁଥିଲେ। ଚଳିତବର୍ଷ ତାଙ୍କର ପାଠ୍ୟକ୍ରମର ପଞ୍ଚମ ବର୍ଷ ଥିଲା। ପାଠ୍ୟକ୍ରମ ଶେଷ ହେବା ପୂର୍ବରୁ ଯୁଦ୍ଧ ପରିସ୍ଥିତି ସୃଷ୍ଟି ହୋଇଯିବାରୁ ଘରକୁ ଫେରିବା ପାଇଁ ନିଷ୍ପତ୍ତି ନେଇଥିଲେ। କିନ୍ତୁ ପ୍ରତ୍ୟାବର୍ତ୍ତନ ପୂର୍ବରୁ ୟୁକ୍ରେନ୍ ଉପରେ ହଠାତ୍ ଆକ୍ରମଣ କରିଥିଲା ରୁଷ। ଫଳରେ ଅନ୍ୟ ଭାରତୀୟଙ୍କ ସହିତ ନୃସିଂହ ନାଥ ମଧ୍ୟ ୟୁକ୍ରେନ୍ରେ ଫସି ଯାଇଥିଲେ। ସେ ୟୁକ୍ରେନ୍ ରାଜଧାନୀ କ୍ୱିଭ୍ରେ ଥିବା ଭାରତୀୟ ଦୂତବାସରେ ଆସି ୨ଦିନ ରହିଥିଲେ। ସେଠାରୁ ଟ୍ରେନ୍ ଯୋଗେ ୟୁକ୍ରେନ ବର୍ଡର ଅତିକ୍ରମ କରି ସ୍ଲୋଭାକିଆରେ ପହଞ୍ଚତ୍ଥିଲେ। ସେଠାରୁ ସୁରକ୍ଷିତ ଭାବେ କେନ୍ଦ୍ର ସରକାରଙ୍କ ପ୍ରଚେଷ୍ଟାରେ ଦିଲ୍ଲୀ-ବିଶାଖାପାଟଣା ହୋଇ ନବରଙ୍ଗପୁରରେ ପହଞ୍ଚତ୍ ଥିବା ନେଇ ନୃସିଂହ ନାଥ କହିଛନ୍ତି। ସେହିଭଳି ତେନ୍ତୁଳିଖୁଣ୍ଟି ବ୍ଲକ ଅଞ୍ଚଳଗୁମ୍ମା ଗାଁର ସୁବାସ ସାହୁଙ୍କ ଏକ ମାତ୍ର ପୁଅ ସୌରଭ ମଧ୍ୟ ୟୁକ୍ରେନ୍ର ମାଇକଲେଭରେ ଫସି ରହିଥିଲେ। ସେ ପେଟ୍ରୋ ମହିଲ ବ୍ଲାକ ସି ନ୍ୟାଶନାଲ ୟୁନିଭରସିଟିରେ ପଢୁଥିଲେ। ସେ ମାଇକଲିଭରୁ ତିନି ଦିନ ବସ ଯାତ୍ରା କରି ଓଡେଶା, ମାଲଦିଆ ହୋଇ ରୋମାନିଆରେ ପହଞ୍ଚତ୍ବା ପରେ କେନ୍ଦ୍ର ସରକାରଙ୍କ ଚେଷ୍ଟାରେ ମୁମ୍ବାଇରେ ପହଞ୍ଚତ୍ଥିଲେ। ସେଠାରୁ ଭୁବନେଶ୍ୱର ଆସିବା ପରେ ନବରଙ୍ଗପୁର ଅଭିମୁଖେ ବାହାରିଥିଲେ। ଯୁଦ୍ଧ ବିଭୀଷିକା ଭିତରେ ସେମାନେ କିପରି ବଞ୍ଚତ୍ବାକୁ ସଂଗ୍ରାମ କରୁଥିଲେ ସେ ସମ୍ପର୍କରେ ସୌରଭ କହିଛନ୍ତି। ଘରକୁ ଫେରିଲା ପରେ ବାପା ସୁବାସ କୁମାର ସାହୁଙ୍କ ସହ ମିଶି ନବରଙ୍ଗପୁର ଜିଲାପାଳଙ୍କ କାର୍ଯ୍ୟାଳୟକୁ ଆସି ଜରୁରୀକାଳୀନ ଅଧିକାରୀ ମୌସୁମୀ ନାୟକଙ୍କୁ ଭେଟିଥିଲେ। ସେମାନଙ୍କ ଭବିଷ୍ୟତ ଉପରେ ଜିଲା ପ୍ରଶାସନ ଦୃଷ୍ଟି ଦିଅନ୍ତୁ ବୋଲି ସୌରଭ ନିବେଦନ କରିଛନ୍ତି।
