ପାପଡାହାଣ୍ଡି,୨୨।୨ (ଡି.ଏନ୍.ଏ.): ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ପାପଡାହାଣ୍ଡି ବ୍ଲକର ଦୁଇ ୱାର୍ଡବାସୀ ଭୋଟ ବର୍ଜନ କରିବା ଦେଖିବାକୁ ମିଳିଛି । ଜିଲା ପରିଷଦ ଜୋନ୍ ୩ର ଘାଟଗୁଡା ପଞ୍ଚାୟତର କାଙ୍ଗମାଝୀ ଗୁଡାର ୧ ନମ୍ବର ୱାର୍ଡବାସୀର ୨୦୨ଭୋଟର ଭୋଟ ବର୍ଜନ କରିଛନ୍ତି। ଚଳିତ ନିର୍ବାଚନରେ ୱାର୍ଡର ଅନୁସୂଚିତ ଜାତି ରହିଛି, କିନ୍ତୁ ଲୋକେ ଅନୁସୂଚିତ ଜନଜାତି କରିବା ଲାଗି ଭୋଟର ଦାବି କରିଥିଲେ। ଏ ନେଇ ବିଡ଼ିଓଙ୍କୁ ମଧ୍ୟ ଜଣାଇଥିଲେ ମଧ୍ୟ କିଛି ପରିବର୍ତ୍ତନ ହେଇ ନ ଥିଲା। ଯେହେତୁ ୱାର୍ଡରେ ଆଦିବାସୀଙ୍କ ସଂଖ୍ୟା ଅଧିକ ତେଣୁ ସେମାନେ ପ୍ରଶାସନକୁ ଜଣାଇଥିଲେ । ଆଜି ଏ ନେଇ ଗୋଟିଏ ବି ଭୋଟର ଭୋଟ ଦେଇ ନାହାନ୍ତି। ସେହିପରି ଜୋନ୍ ୨ ମଇଦଲପୁର ପଞ୍ଚାୟତ ବୋରିପଦର ୱାର୍ଡ ୩ର ଭୋଟର ମୌଳିକ ସୁବିଧାରୁ ବଞ୍ଚିତ କରାଯାଇଥିବାରୁ ଭୋଟ ବର୍ଜନ କରିଛନ୍ତି । ୧୯୪ ଭୋଟର ଭୋଟ ବର୍ଜନ କରିଛନ୍ତି ।
