ସମନ୍ବୟ ଅଭାବରୁ ୨ ଆସନ ହାତରୁ ଖସିଥିଲା

ଖୋର୍ଦ୍ଧା ଅଫିସ,୨୪।୭: ସମନ୍ବୟ ଅଭାବରୁ ୨୦୧୯ ସାଧାରଣ ନିର୍ବାଚନରେ ବିଜେଡିକୁ ଭୁବନେଶ୍ୱର ଏମ୍‌ପି ଏବଂ ଜଟଣୀ ବିଧାୟକ ଆସନ ହରାଇବାକୁ ପଡ଼ିଥିଲା। ଏଭଳି ଅଭିଯୋଗ ଆଣିଛନ୍ତି ଖୋର୍ଦ୍ଧା ଜିଲା ଯୋଜନା କମିଟି ଅଧ୍ୟକ୍ଷ ତଥା ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ। ଓଡ଼ିଶା ମୋ ପରିବାର ଅଧ୍ୟକ୍ଷ ତଥା ଭୁବନେଶ୍ୱର ଏମ୍‌ପି ଆସନରୁ ଲଢ଼ି ପରାଜିତ ହୋଇଥିବା ବିଜେଡି ନେତା ଅରୂପ ପଟ୍ଟନାୟକ ମଧ୍ୟ ଏହି ସମାନ କଥା କହିଛନ୍ତି। ଶୁକ୍ରବାର ଖୋର୍ଦ୍ଧା ଜିଲା ବିଜେଡି କାର୍ଯ୍ୟାଳୟରେ ଅନୁଷ୍ଠିତ ଦଳୀୟ ସାଙ୍ଗଠନିକ ବୈଠକରେ ଉକ୍ତ ନେତାଦ୍ୱୟ ଏଭଳି ମତ ରଖିଛନ୍ତି। ଏହାକୁ ପରୋକ୍ଷରେ ପୂର୍ବତନ ମନ୍ତ୍ରୀ ତଥା ଖୋର୍ଦ୍ଧା ଜିଲା ପର୍ଯ୍ୟବେକ୍ଷକ ଦେବୀ ପ୍ରସାଦ ମିଶ୍ର ସ୍ବୀକାର କରିଛନ୍ତି। ଖୋର୍ଦ୍ଧା ଜିଲା ହେଉଛି ବିଜେଡିର ଅଭେଦ୍ୟ ଦୁର୍ଗ। କେବଳ ଭୁବନେଶ୍ୱର ଏମ୍‌ପି ଏବଂ ଜଟଣୀ ବିଧାନସଭା ଆସନକୁ ବାଦ୍‌ ଦେଲେ ଅନ୍ୟ ବିଧାନସଭା ଆସନରେ ବିପୁଳ ଭୋଟରେ ଦଳ ବିଜୟ ଲାଭ କରିଥିଲା ବୋଲି ମିଶ୍ର ଗଣମାଧ୍ୟମକୁ କହିଛନ୍ତି।
ସାଙ୍ଗଠନିକ ବୈଠକରେ ଜିଲା ସଭାପତି ବିଭୂତି ବଳବନ୍ତରାୟ ଅଧ୍ୟକ୍ଷତା କରିଥିଲେ। ଖୋର୍ଦ୍ଧା ଜିଲା ପର୍ଯ୍ୟବେକ୍ଷକ ଦେବୀ ପ୍ରସାଦ ମିଶ୍ର ଓ ବିଞ୍ଝାରପୁର ବିଧାୟିକା ତଥା ପର୍ଯ୍ୟବେକ୍ଷିକା ପ୍ରମିଳା ମଲ୍ଲିକ ଯୋଗଦେଇଥିଲେ। ଖୋର୍ଦ୍ଧା ବିଧାୟକ ଜ୍ୟୋତିରୀନ୍ଦ୍ର ନାଥ ମିତ୍ର, ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ, ଜୟଦେବ ବିଧାୟକ ଅରବିନ୍ଦ ଢାଲିି, ଜିଲାପରିଷଦ ଅଧ୍ୟକ୍ଷ ପ୍ରଫୁଲ୍ଲ ଦଲାଇ ପ୍ରମୁଖ ମଞ୍ଚାସୀନ ଥିଲେ। ରାଜ୍ୟ ମହିଳା ମୋର୍ଚ୍ଚା ସାଧାରଣ ସମ୍ପାଦିକା ବାସନ୍ତି ମହାପାତ୍ର, ଜିଲା ମୋର୍ଚ୍ଚା ସଭାନେତ୍ରୀ ଗୀତା ପାଟ୍ଟଶାଣୀ, ଛାତ୍ର ବିଜେଡି ସଭାପତି ବିଶ୍ୱଦୀପ ପ୍ରଧାନ, ଯୁବ ବିଜେଡି ସଭାପତି ରାଜେଶ ପରିଡାଙ୍କ ସମେତ ସମସ୍ତ ବ୍ଲକ, ସହରାଞ୍ଚଳ ଓ ଜୋନସ୍ତରୀୟ କର୍ମକର୍ତ୍ତା ଉପସ୍ଥିତ ଥିଲେ। ଜିଲାର ସାଙ୍ଗଠନିକ ବିକାଶ ଉପରେ ଆଲୋଚନା ହୋଇଥିଲା। ଆଗକୁ ପଞ୍ଚାୟତ ଓ ପୌର ନିର୍ବାଚନ ରହିଛି। ଏହି ଦୁଇ ନିର୍ବାଚନରେ ବିପୁଳ ଭୋଟରେ ବିଜୟଲାଭ ସହ ତୃଣମୂଳ ସ୍ତରରେ ବିଜେଡିକୁ ମଜବୁତ କରିବା ଲାଗି ଉଭୟ ପର୍ଯ୍ୟବେକ୍ଷକ ଆହ୍ବାନ ଦେଇଥିଲେ। ଚିଲିକା ବିଧାୟକ କହିଥିଲେ, ଗତ ପଞ୍ଚାୟତ ନିବର୍ର୍ାଚନରେ ୩୦ଟି ଜିଲାପରିଷଦ ଜୋନ ମଧ୍ୟରୁ ଦଳ ୨୦ଟି ଜିତିଥିଲା। ଚଳିତ ବର୍ଷ ୨୫ଟି ଆସନ ସମେତ ସମସ୍ତ ବ୍ଲକରେ ବିଜୟ ଲାଗି ସେ ଗୁୁରୁତ୍ୱ ଦେଇଥିଲେ। ୨୦୧୯ ସାଧାରଣ ନିର୍ବାଚନରେ ଦଳ ପକ୍ଷରୁ ଭୁବନେଶ୍ୱର ଏମ୍‌ପି ଆସନକୁ ବିଶେଷ ଗୁରୁତ୍ୱ ଦିଆଗଲା ନାହିଁ। ଫଳରେ ଏହି ଆସନ ହରାଇବାକୁ ପଡ଼ିଲା। ସେହିପରି ଜଟଣୀ ବିଧାନସଭା ଆସନ ମଧ୍ୟ ହାତରୁ ଖସିଗଲା ବୋଲି ଜଗଦ୍ଦେବ କହିଥିଲେ। ଓଡ଼ିଶା ମୋ ପରିବାର ଅଧ୍ୟକ୍ଷ ଅରୁପ ପଟ୍ଟନାୟକ ଗତ ସାଧାରଣ ନିର୍ବାଚନରେ ଏମ୍‌ପି ସିଟ୍‌ରୁ ହାରିବାକୁ ନେଇ ପରୋକ୍ଷରେ ନିର୍ବାଚନ ପରିଚାଳନାଗତ ତ୍ରୁଟିକୁ ଦର୍ଶାଇଥିଲେ। ତେବେ ଆଗକୁ ସମସ୍ତଙ୍କ ସହଯୋଗରେ ଏହି ସିଟ୍‌ରେ ପୁଣି ବିଜେଡି ଜିତିବ ବୋଲି ସେ ଆଶା ପ୍ରକାଶ କରିଛନ୍ତି। ବିଧାୟକ ମିଶ୍ର କହିଥିଲେ, ପର୍ଯ୍ୟବେକ୍ଷକ ଦାୟିତ୍ୱ ପରେ ଏହା ମୋର ଖୋର୍ଦ୍ଧା ଜିଲାକୁ ପ୍ରଥମ ଗସ୍ତ। ଆଗକୁ ପଞ୍ଚାୟତ ନିର୍ବାଚନ ଆସୁଛି। ତେଣୁ ଏହି ବୈଠକରେ ରଣନୀତି ପ୍ରସ୍ତୁତି, ସାଙ୍ଗଠନିକ ଦକ୍ଷତା, ଦଳକୁ ସୁଦଢ଼ କରିବା ନିମନ୍ତେ ଆଲୋଚନା ହୋଇଛି। ଆଗକୁ ବିଭିନ୍ନ ଯୋଜନା ରହିଛି। ଆଗାମୀ ଦିନରେ ସହରାଞ୍ଚଳ, ବ୍ଲକ ଓ ପଞ୍ଚାୟତ ସ୍ତରରେ ବିଭିନ୍ନ କମିଟି ଗଠନ କରାଯିବ। ଦଳକୁ ତୃଣମୂଳ ସ୍ତରରେ ମଜଭୁତ କରିବା ଲାଗି ରୂପରେଖ ପ୍ରସ୍ତୁତ ହେବ।
ପୋଷ୍ଟର ମରାକୁ ନେଇ କନ୍ଦଳ
ବୈଠକ ବେଳେ ପର୍ଯ୍ୟବେକ୍ଷକଙ୍କ ଉପସ୍ଥିତିରେ ପୋଷ୍ଟର ମରାକୁ କେନ୍ଦ୍ରକରି ବିଜେଡିରେ ଫାଟ ସୃଷ୍ଟି ହୋଇଛି। ପୋଷ୍ଟରରେ ଦୁଇ ପର୍ଯ୍ୟବେକ୍ଷକ, ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ଖୋର୍ଦ୍ଧା ବିଧାୟକ, ବିଜେଡି ଜିଲା ସଭାପତିଙ୍କ ଫଟୋ ରହିଥିଲା। ମାତ୍ର ଚିଲିକା ଓ ବେଗୁନିଆ ବିଧାୟକଙ୍କ ଫଟୋ ନ ଥିଲା। ଏହାକୁ ନେଇ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ବିରୋଧ କରିଥିଲେ। ପୋଷ୍ଟର ସୌଜନ୍ୟ ବିଜୁ ଜନତା ଦଳ, ଖୋର୍ଦ୍ଧା ଲେଖାଥିବାବେଳେ କାହିଁକି ଆମ ଫଟୋ ସ୍ଥାନ ଦିଆଯାଇନାହିଁ ବୋଲି ପଚାରି ସେ କର୍ମୀଙ୍କ ଉପରେ ବର୍ଷିଥିଲେ। ଅନ୍ୟପକ୍ଷରେ ଏକଥା ଜାଣି ନ ଥିବା କହି ଏହି ପ୍ରସଙ୍ଗକୁ ପର୍ଯ୍ୟବେକ୍ଷକ ବିଧାୟକ ମିଶ୍ର ଏଡ଼ାଇ ଯାଇଛନ୍ତି।
ବେଗୁନିଆ ବିଧାୟକଙ୍କ ଅନୁପସ୍ଥିତିକୁ ନେଇ ଚର୍ଚ୍ଚା
ବୈଠକରେ ବେଗୁନିଆ ଓ ବୋଲଗଡ ବ୍ଲକର କର୍ମକର୍ତ୍ତା ଉପସ୍ଥିତ ଥିବାବେଳେ ବେଗୁନିଆ ବିଧାୟକ ରାଜେନ୍ଦ୍ର ସାହୁ ଅନୁପସ୍ଥିତ ଥିଲେ। ଏହାକୁ ନେଇ ସାଧାରଣରେ ନାନା ଚର୍ଚ୍ଚା ଚାଲିଥିଲା। ଏପରି କି, ବିଜେଡିରେ ଫାଟ ସୃଷ୍ଟି ହୋଇଥିବା ଶୁଣିବାକୁ ମିଳିଥିଲା। ଅନ୍ୟପକ୍ଷରେ ବେଗୁନିଆ ବିଧାୟକ ନିଜ ନିର୍ବାଚନ ମଣ୍ଡଳୀରେ କୌଣସି କାର୍ଯ୍ୟରେ ବ୍ୟସ୍ତ ଥିବା କହି ପର୍ଯ୍ୟବେକ୍ଷକ ମିଶ୍ର ଏହି ପ୍ରସଙ୍ଗକୁ ଏଡ଼ାଇ ଯାଇଥିଲେ।
ଅଧାରୁ ଉଠିଗଲେ ଅରବିନ୍ଦ ଓ ପ୍ରଶାନ୍ତ
ଜରୁରୀ କାମ ଥିବା କହି ପ୍ରଥମେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ଓ ପରେ ଜୟଦେବ ବିଧାୟକ ଅରବିନ୍ଦ ଢାଲିି ବୈଠକ ଅଧାରୁ ଉଠି ଚାଲିଯାଇଥିଲେ। ଫଳରେ ବୈଠକକୁ ଗୁରୁତ୍ୱ ଦିଆଯାଇ ନ ଥିବା ଏକପ୍ରକାର ସ୍ପଷ୍ଟ ହୋଇଥିଲା। ଏହି ଘଟଣା ବିଜେଡିରେ କିପରି ସମନ୍ବୟ ରହିଛି ତାହାକୁ ପଦାରେ ପକାଇଥିଲା।
ବୁଝାମଣା ଅଭାବରୁ କନ୍ଦଳ
ଦୀର୍ଘଦିନ ଧରି ଖୋର୍ଦ୍ଧା ଜିଲା ବିଜେଡିରେ କନ୍ଦଳ ଲାଗି ରହିଛି। ଜିଲାରେ ଦଳୀୟ କର୍ମୀ ଓ ବିଧାୟକଙ୍କ ମଧ୍ୟରେ ଉତ୍ତମ ବୁଝାମଣା ନ ଥିବା ଚର୍ଚ୍ଚା ହେଉଛି। ଅନ୍ୟପକ୍ଷରେ ଏ ନେଇ ଜିଲା ସଭାପତି ବିଭୂତି ବଳବନ୍ତରାୟଙ୍କୁ ପଚାରିବାରେ କହିଛନ୍ତି, ଦଳରେ କୌଣସି କନ୍ଦଳ ନାହିଁ। ପରସ୍ପର ମଧ୍ୟରେ ଉତ୍ତମ ସମନ୍ବୟ ରହିଛି।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ବଢୁଛି ଶୀତ

ଭୁବନେଶ୍ୱର,୧୪।୧୨(ବ୍ୟୁରୋ): ରାଜ୍ୟରେ ଧିରେ ଧିରେ ପାରଦ କମିବା ସହିତ ଶୀତ ଫେରିଛି। ଦିନ ଏବଂ ରାତିର ତାପମାତ୍ରା ହ୍ରାସ ପାଉଥିବା ବେଳେ ରାଜ୍ୟରେ ଶୀତର ପ୍ରକୋପ...

‘୩୦ ସୁଦ୍ଧା ଆସିପାରେ ଟିକା’

ଭୁବନେଶ୍ୱର, ୫।୧(ବ୍ୟୁରୋ): ଚଳିତ ମାସରେ ଓଡ଼ିଶାକୁ କରୋନା ଟିକା ଆସିଯାଇପାରେ। ଏନେଇ ସୋମବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ ଦାସ ସୋମବାର ସୂଚନା...

କ୍ଷୁଦ୍ର, ନାମମାତ୍ର ଚାଷୀଙ୍କୁ ଖରିଫ ଋଣ ଦେବାକୁ ମନ୍ତ୍ରୀଙ୍କ ନିର୍ଦ୍ଦେଶ

ଭୁବନେଶ୍ୱର, ୧୩।୫(ବ୍ୟୁରୋ): କୃଷକଙ୍କ ଆୟ ବୃଦ୍ଧି ନିମନ୍ତେ ମୂଲ୍ୟ ସହାୟକ ଯୋଜନାରେ ରବିଧାନ, ଡାଲି ଓ ତୈଳବୀଜ ସଂଗ୍ରହ କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ସମବାୟ...

ଗଣ୍ଡଗୋଳ ବେଳେ ଗର୍ଭବତୀ ଆହତ ଅଭିଯୋଗ: ମୃତ ଶିଶୁ ଜନ୍ମ ପରେ ସ୍ବାସ୍ଥ୍ୟକେନ୍ଦ୍ରରେ ଉତ୍ତେଜନା

ଦାରିଙ୍ଗବାଡ଼ି,୮।୧୧(ଡି.ଏନ.ଏ)-ଦାରିଙ୍ଗବାଡ଼ି ଥାନା ପଞ୍ଚୁପଲ୍ଲି ଗ୍ରାମରେ ଜମିବାଡ଼ିକୁ ନେଇ ଶୁକ୍ରବାର ଗଣ୍ଡଗୋଳ ହୋଇଥିଲା। ଏଥିରେ ଜଣେ ଗର୍ଭବତୀ ରୋଜି ବଳିଆର ସିଂ ଆହତ ହୋଇଥିବା ଥାନାରେ ଅଭିଯୋଗ...

ଦୁଇଓଳି ଖାଦ୍ୟ ଯୋଗାଡ଼ ଚିନ୍ତା

ଖଇରା, ୧୫।୬(ଡି.ଏନ୍‌.ଏ.)-ରାତି ପାହିଲେ ଖାଦ୍ୟ ଚିନ୍ତା। ଯେଉଁ ବୟସରେ ମା’ ବାପାଙ୍କ ସ୍ନେହ ଶ୍ରଦ୍ଧା ମଧ୍ୟରେ ରହି ହସିଖେଳି ଦିନ କାଟିବା କଥା, ସେଠାରେ ସେମାନଙ୍କୁ...

୪୮ ବସ୍ତା ଗୁଟ୍‌ଖା ଜବତ, ଏଜେଣ୍ଟ ଗିରଫ, ୨ ମାଲିକ ଫେରାର

ବ୍ରହ୍ମପୁର ଅଫିସ,୧୦ା୮-ବ୍ରହ୍ମପୁର ସହର ଓ ସହରତଳି ଅଞ୍ଚଳରେ ଗଢି ଉଠିଥିବା ଗୁଟ୍‌ଖା କାରଖାନାଗୁଡିକରେ ପୋଲିସ ନିୟମିତ ଚଢାଉ କରି ବହୁ କୋଟି ଟଙ୍କାର ଗୁଟ୍‌ଖା ଜବତ...

ପିଲାଚୋର ସନ୍ଦେହରେ ଯୁବକଙ୍କୁ ନିସ୍ତୁକ ମାଡ଼

ଭଦ୍ରକ ଅଫିସ,୬।୨: ପିଲାଚୋର ସନ୍ଦେହରେ ସ୍ଥାନୀୟ ଲୋକେ ଜଣେ ଯୁବକଙ୍କୁ ବିଦ୍ୟୁତ୍‌ ଖୁଣ୍ଟରେ ବାନ୍ଧି ନିସ୍ତୁକ ମାଡ଼ ମାରିଛନ୍ତି। ଭଦ୍ରକ ଛପୋଲିଆ ନିକଟରେ ଶନିବାର ଏଭଳି...

କୋଇଲା ସଙ୍କଟ : ବନ୍ଦ ହେଲା ଓପିଜିସିର ୨ୟ ୟୁନିଟ୍‌, ବିଦ୍ୟୁତ୍‌ ଉତ୍ପାଦନ ବାଧାପ୍ରାପ୍ତ

ଝାରସୁଗୁଡ଼ା ଅଫିସ/ଲଖନପୁର, ୧୪/୧୯(ଡି.ଏନ.ଏ.): ଝାରସୁଗୁଡ଼ା ଜିଲା ବନହରପାଲିସ୍ଥିତ ଓଡ଼ିଶା ବିଦ୍ୟୁତ୍‌ ଉତ୍ପାଦନ ନିଗମ(ଓପିଜିସି)ର ଇବ୍‌ ତାପଜ ବିଦ୍ୟୁତ୍‌ କେନ୍ଦ୍ରର ୨ୟ ୟୁନିଟ୍‌କୁ କମ୍ପାନୀ କର୍ତ୍ତୃପକ୍ଷ ଗତ...

Advertisement
Archives

Model This Week