ୱାଶିଂଟନ,୭ ।୧: ଗତ ନଭେମ୍ବରରେ ଆମେରିକାରେ ହୋଇଥିବା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କୁ ହରାଇଛନ୍ତି ଜୋ ବାଇଡେନ୍ । ହେଲେ ନିଜର ପରାଜୟକୁ ଏପର୍ଯ୍ୟନ୍ତ ସ୍ୱୀକାର କରିବାକୁ ପ୍ରସ୍ତୁତ ନୁହେଁ ଟ୍ରମ୍ପ । ଜୋ ବାଇଡେନଙ୍କ ବିଜୟକୁ ଅଫସିୟାଲି ଘୋଷଣା କରାଯିବା ପରେ ଟ୍ରମ୍ପଙ୍କ ପ୍ରଶଂସକ ହିଂସା ପରିସ୍ଥିତି ସୃଷ୍ଟି କରିଛନ୍ତି । ଏହାକୁ କାବୁ କରିବାକୁ ନ୍ୟାଶନାଲ ଗାଇଡ୍ସକୁ ମୁତୟନ କରିବାକୁ ପଡିଲା । ଏହାକୁ ଦେଖି ସୋସିଆଲ ମିଡିଆର ବଡ ବଡ କମ୍ପାନୀ ଟୁଇଟର, ଫେସବୁକ ଓ ଇନଷ୍ଟ୍ରଗ୍ରାମ ଟ୍ରମ୍ପଙ୍କ ଆକାଉଣ୍ଟକୁ ବନ୍ଦ କରି ଦେଇଛନ୍ତି । ଟୁଇଟର ଟ୍ରମ୍ପଙ୍କ ଆକାଉଣ୍ଟକୁ ୧୨ ଘଣ୍ଟା ପାଇଁ ବନ୍ଦ କରିଦେଇଛି । ଏହାସହ ଟ୍ରମ୍ପଙ୍କୁ ଚେତାବନୀ ଦିଆଯାଇଛି କି ଏହାପରେ ଯଦି ସେ ନିୟମର ଉଲ୍ଲଂଘନ କରନ୍ତି ତେବେ ସ୍ଥାୟୀ ଭାବେ ତାଙ୍କ ଆକାଉଣ୍ଟକୁ ବନ୍ଦ କରି ଦିଆଯିବ । ଟୁଇଟର ଟ୍ରମ୍ପକୁ ୩ଟି ଟୁଇଟ୍ ଡିଲିଟ୍ କରିବାକୁ କହିଛି ଯେଉଁ ୩ଟି ଟୁଇଟ୍ ଫଳରେ ହିଂସା ଉପୁଜିଛି । ସେହିପରି ଫେସବୁକ୍ ଓ ଇନଷ୍ଟାଗ୍ରାମ ଟ୍ରମ୍ପଙ୍କ ଆକାଉଣ୍ଟକୁ ୨୪ ଘଣ୍ଟା ପାଇଁ ବନ୍ଦ କରି ଦେଇଥିବା ଜଣାପଡିଛି ।
