ସୋସିଆଲ ମିଡିଆରେ ଏମିତି ଏକ ଭିଡିଓ ଭାଇରାଲ ହୋଇଛି, ଯାହାକୁ ଦେଖିଲେ ହସି ହସି ଗଡ଼ିବେ। ଜଣେ କନ୍ୟାଙ୍କ ବିବାହ ପାଇଁ ହଳଦୀ ସେରିମନି କରାଯାଉଛି। ଏଥିରେ କିଛି ମହିଳା କନ୍ୟାଙ୍କୁ ପେଣ୍ଟ୍ ରୋଲର ବ୍ରଶ୍ ସାହାଯ୍ୟରେ ହଳଦୀ ଲଗାଉଥିବାର ନଜର ଆସିଛି। ଲୋକେ ଏହି ଭିଡିଓଟିକୁ ପସନ୍ଦ କରିବା ସହ ମଜାଳିଆ କମେଣ୍ଟ ମଧ୍ୟ ଦେଉଛନ୍ତି।
ଲକ୍ଡାଉନ୍ ପରେ ଅଟକି ଯାଇଥିବା କାମ ସବୁ ଲୋକେ କରୁଛନ୍ତି। ଘରୁ ବାହାରି କାମ କରୁଛନ୍ତି ସତ କିନ୍ତୁ ସଚେତନତାକୁ ଭୁଲିନାହାନ୍ତି। ଲକ୍ଡାଉନ୍ ଯୋଗୁ ଯେଉଁମାନଙ୍କର ବିବାହ ଅଟକିଥିଲା ଏବେ ସାବଧାନତା ସହକାରେ ବିବାହ କରାଯାଉଛି। ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳିଛି, ଜଣେ କନ୍ୟାଙ୍କୁ କିଛି ମହିଳା ହଳଦୀ ଲଗାଇ ଦେଉଛନ୍ତି। ତାହା ପୂଣି ସାମାଜିକ ଦୂରତା ରକ୍ଷା କରି। ଏକ ପେଣ୍ଟ୍ ରୋଲର ବ୍ରଶ୍ ସାହାଯ୍ୟରେ ଏହି ହଳଦୀ ଲଗା ପର୍ବ କରାଯାଉଛି। ଏହା ଦେଖି ୟୁଜରମାନେ ହସିବା ସହ ମଜାଳିଆ କମେଣ୍ଟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ହଳଦୀ ପାଇଁ ବ୍ରଶ୍ ବ୍ୟବହାର ଆଉ ମଙ୍ଗଳସୂତ୍ର ପିନ୍ଧବାରେ ବୋଧେ ଡ୍ରୋନ୍ର ସାହାଯ୍ୟ ନିଆହେବ। ଏମିତି ଅନେକ ମଜାଳିଆ କମେଣ୍ଟ୍ ସବୁ ଦେଖିବାକୁ ମିଳିଛି।
Social distancing Haldi ceremony. 🤣🤣 pic.twitter.com/OPa7zA6hid
— payal bhayana 🇮🇳 (@payalbhayana) September 26, 2020
ଭିଡିଓଟି ସେପ୍ଟେମ୍ବର ୨୬ରେ ଶେୟାର କରାଯାଇଛି। ବର୍ତ୍ତମାନ ସୁଦ୍ଧା ୬୧ ହଜାରରୁ ଅଧିକ ଲୋକ ଦେଖିସାରିଲେଣି। ୫୦୦ରୁ ଅଧିକ ଲୋକ ରିଟୁଇଟ୍ ମଧ୍ୟ କରିସାରିଛନ୍ତି।
