ବେଜିଂ,୧୫।୪: କରୋନା ସଂକ୍ରମଣ ନେଇ ସାରା ପୃଥିବୀରେ ଆତଙ୍କ ଦେଖାଦେଇଛି। ୨୦୧୯ରେ ଚାଇନାର ଉହାନ ସହରରୁ କରୋନା ସଂକ୍ରମଣ ଆରମ୍ଭ ହୋଇଥିବା କୁହାଯାଉଥିଲେ ମଧ୍ୟ ଏବେ ଏହାର ପର୍ଦ୍ଦାଫାଶ୍ ହୋଇଛି। ଏକ ରିପୋର୍ଟ ଅନୁସାରେ ଚାଇନାରେ ୪ ବର୍ଷ ତଳେ ୨୦୧୬-୧୭ରେ କରୋନା ଭୁତାଣୁ ସଂକ୍ରମଣ ହୋଇଥିଲା। ତେବେ ଚାଇନା ଜାଣିଶୁଣି ଏହି ଖବରକୁ ଲୁଚାଇ ରଖିଥିଲା। ସେତେବେଳେ ଚାଇନାରେ ୨୫ ହଜାର ଘୁଷୁରିଙ୍କୁ ହତ୍ୟା କରାଯାଇଥିଲା। ମାତ୍ର ଏସମ୍ପର୍କରେ ପ୍ରଘଟ ନ କରିବାକୁ ପ୍ରଶାସନ ପକ୍ଷରୁ କଡ଼ା ତାଗିଦ୍ କରାଯାଇଥିଲା। ଏହାକୁ ସ୍ବାଇନ୍ ଆକ୍ୟୁଟ୍ ଡାଇରିହା ସିଣ୍ଡ୍ରୋମ୍ କରୋନା ଭାଇରସ୍-ଏସ୍ଏଡିଏସ୍-କୋଭ୍ ଭାବେ ନାମିତ କରାଯାଇଥିଲା। ତେବେ ଏଥିରେ ମନୁଷ୍ୟ ଆକ୍ରାନ୍ତ ହୋଇ ନ ଥିଲେ। କିନ୍ତୁ ବୈଜ୍ଞାନିକ ପ୍ରାଣୀଙ୍କଠାରେ ଥିବା ଭୁତାଣୁ ଦିନେ ଯେ ମହାମାରୀ ସୃଷ୍ଟି କରିବ ତାହାର ସୂଚନା ଦେଇଥିଲେ।
