ଓ୍ବାଶିଂଟନ, ୧୬।୮: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସାନଭାଇ ରର୍ବଟ ଟ୍ରମ୍ପ୍ଙ୍କର ପରଲୋକ ହୋଇଯାଇଛି। ନ୍ୟୁୟର୍କରେ ଏକ ହସ୍ପିଟାଲରେ ଚିକିତ୍ସାଧରୀନ ଅବସ୍ଥାରେ ତାଙ୍କର ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ହୋଇଥିଲା। ରର୍ବଟଙ୍କ ସ୍ବାସ୍ଥ୍ୟାବସ୍ଥା ସଙ୍କଟ ଜନକ ଥିବାରୁ ଶୁକ୍ରବାର ଟ୍ରମ୍ପ୍ ତାଙ୍କୁ ଦେଖିବାକୁ ହସ୍ପିଟାଲ ଯାଇଥିଲେ। ରର୍ବଟଙ୍କ ମୃତ୍ୟୁରେ ଟ୍ରମ୍ପ୍ ଭାବୁକ ହୋଇ ଟୁଇଟ କରି କହିଛନ୍ତି ଯେ, ସେ ମୋର ଭାଇ ନ ଥିଲେ ବରଂ ମୋର ଜଣେ ଭଲ ବନ୍ଧୁଥିଲେ। ଟ୍ରମ୍ପ୍ ରର୍ବଟଙ୍କୁ ସ୍ନେହରେ ‘ହନି’ ବୋଲି ଡାକୁଥିଲେ। ଏହା ସହିତ ଟ୍ରମ୍ପ୍ ରର୍ବଟଙ୍କ ଆତ୍ମାର ସଦ୍ଗତି ହେଉ ବୋଲି ପ୍ରାର୍ଥନା କରିଛନ୍ତି
