ୱାଶିଂଟନ,୧୫ ।୯: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବେଳେ ବେଳେ ତାଙ୍କ ବୟାନକୁ ନେଇ ଆସିଥାଆନ୍ତି ଚର୍ଚ୍ଚାକୁ । ଏଥର ବି ଏମିତି ଏକ ବୟାନ ତାଙ୍କ ପୁଣିଥରେ ଚର୍ଚ୍ଚାକୁ ନେଇ ଆସିଛି । ଜଳବାୟୁ ପରିବର୍ତ୍ତନକୁ ନେଇ ଏବେ ସେ ଯେଉଁ ବୟାନ ଦେଇଛନ୍ତି ତାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ସେ କହିଛନ୍ତି ଜଳବାୟୁ ପରିବର୍ତ୍ତନକୁ ନେଇ ବୈଜ୍ଞାନିକମାନେ ଯେଉଁ ତଥ୍ୟ ପ୍ରଦାନ କରୁଛନ୍ତି ତାହା ସଠିକ୍ ତଥ୍ୟ ନୁହେଁ । ଏହାପରେ କାଲିଫର୍ନିଆର ନ୍ୟାଚ୍ୟୁରାଲ ରିସୋରସେସ୍ର ସଚିବ ୱାଡେ କ୍ରୋଫୁଟ କହିଛନ୍ତି, ଆମେ ଆପଣଙ୍କ ସହ କାମ କରିବାବୁ ଚାହୁଁଛୁ । କାରଣ ଆମେ ଜାଣିଛୁ ଜଳବାୟ ପରିବର୍ତ୍ତନ ଜଙ୍ଗଲ ଉପରେ କି ପ୍ରଭାବ ପକାଇଥାଏ । ଏହାସହ ଆମେ ବୈଜ୍ଞାନିକଙ୍କ ସହ ମଧ୍ୟ କାମ କରିବାକୁ ପ୍ରସ୍ତୁତ ଅଛୁ । ଯଦି ଆମେ ବିଜ୍ଞାନକୁ ମାନୁନେ ତେବେ ଏହା କେବଳ ବାଲିରେ ମୁଣ୍ଡ ଘୋଷାଡିବା ଭଳି କାମ ହେବ । ଆଉ ଆମେ କାଲିଫର୍ନିଆର ଲୋକଙ୍କୁ ବଞ୍ଚାଇ ପାରିବା ନାହିଁ । ଏହାକୁ ନେଇ ଟ୍ରମ୍ପ କହିଛନ୍ତି ଏହା ଶୀଘ୍ର ଥଣ୍ଡା ପଡିଯିବ, ଆପଣ ଦେଖୁଥାଆନ୍ତୁ । ଏହାକୁ ନେଇ କ୍ରୋଫୁଟ କହିଛନ୍ତି ମୋର ଇଚ୍ଛା କି ବିଜ୍ଞାନ ଆପଣଙ୍କ ସହ ସହମତ ହେଉ । ତେବେ ଏହା ଉପରେ ବିଜ୍ଞାନକୁ କିଛି ଜଣା ନ ଥିବା ପାଲଟା ଉତ୍ତର ଦେଇଛନ୍ତି ଟ୍ରମ୍ପ । ଏହାପରେ କାଲିଫର୍ନିଆର ଗଭର୍ନର ଗାଭିନ ନ୍ୟୁସମ ଟ୍ରମ୍ପକୁ ଅନୁରୋଧ କରି କହିଛନ୍ତି ସେ ମତଭେଦର ଅସମାନତାକୁ ସମ୍ମାନ କରିବେ ।
