ଡେରାଡୁନ,୧୮।୧୧ : ଉତ୍ତରାଖଣ୍ଡର ଉତ୍ତରକାଶୀରେ ଟନେଲ ଭୁଶୁଡ଼ି ପଡ଼ି ମାଟି ତଳେ ରହିଥିବା ଶ୍ରମିକମାନଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଚାଲିଛି। ସମୁଦାୟ ୪୧ ଜଣ ଲୋକ ଆବର୍ଜନା ଭିତରେ ଫସି ରହିଛନ୍ତି। ପୂର୍ବରୁ ଖବର ଆସିଥିଲା ୪୦ ଜଣ ଲୋକ ଆବର୍ଜନା ଭିତରେ ଫସି ରହିଛନ୍ତି। ସିଲ୍କୟାରା ଟନେଲରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଏଠାରେ ଏକ ଉଚ୍ଚ ସ୍ତରୀୟ ବୈଠକ ଚାଲିଛି ଯାହା ଦ୍ୱାରା ଯଥାଶୀଘ୍ର ସେମାନଙ୍କୁ ଉଦ୍ଧାର କରାଯାଇପାରିବ। ଟନେଲରେ ଫସି ରହିଥିବା ଶ୍ରମିକଙ୍କ ନିକଟରେ ପହଞ୍ଚିବା ପାଇଁ ବନ ବିଭାଗ ଏକ ନୂତନ ପଦ୍ଧତି ଗ୍ରହଣ କରିଛି। ସିଲ୍କିୟାରା ଟନେଲକୁ ଉପରୁ କାଟିବା ପାଇଁ ବନ ବିଭାଗ ପକ୍ଷରୁ ଗଛ କଟା ମେଶିନ ବ୍ୟବହାର କରାଯିବାକୁ ଯୋଜନା କରାଯାଉଛି। ଏହା ବିପଜ୍ଜନକ। ତେବେ ଶ୍ରମିକଙ୍କୁ ଉଦ୍ଧାର କରିବା ପାଇଁ ଅନ୍ୟ କୌଣସି ବାଟ ନାହିଁ।
ପ୍ରଶାସନ ବର୍ତ୍ତମାନ ଟନେଲର ଉପର ଭାଗରୁ ଶ୍ରମିକମାନଙ୍କ ନିକଟରେ ପହଞ୍ଚିବାର ଯୋଜନା କରୁଛି। ଏଥିପାଇଁ ଭୂଲମ୍ବ ଡ୍ରିଲିଂର ପଦ୍ଧତି ଗ୍ରହଣ କରାଯିବ। ବିଭାଗ ଏଥିପାଇଁ ବିକଳ୍ପ ମାର୍ଗ ଉପରେ ବିଚାର କରାଯାଉଛି। ଏହାପୂର୍ବରୁ ବର୍ଜ୍ୟବସ୍ତୁ ହଟାଇବା ପାଇଁ ଦିଲ୍ଲୀରୁ ଏକ ଆମେରିକୀୟ ଆଗର୍ ମେଶିନ ଅଣାଯାଇଥିଲା। ଏହି ମେସିନ ୨୨ ମିଟର ପର୍ଯ୍ୟନ୍ତ ଖୋଳି ଚାରିଟି ପାଇପ ରଖିଥିଲା।
ଉତ୍ତରାଖଣ୍ଡ ଟନେଲ ଦୁର୍ଘଟଣାରେ ପୂର୍ବତନ ପିଏମଓ ଉପଦେଷ୍ଟା ଭାସ୍କର ଖୁଲବେ କହିଛନ୍ତି, ସମଗ୍ର ଅଞ୍ଚଳର ଶକ୍ତିସ୍ତରକୁ ବୃଦ୍ଧି କରିବାକୁ ଉଦ୍ୟମ କରାଯାଉଛି। ଯେଭଳି ଶ୍ରମିକଙ୍କ ନିକଟରେ ପହଞ୍ଚିବା ସମ୍ପୂର୍ଣ୍ଣ ସୁରକ୍ଷିତ ହୋଇ ପାରିବ।
ଅନ୍ୟ କେତେକ ବିକଳ୍ପ ଉପରେ ମଧ୍ୟ ଆଲୋଚନା କରାଯାଉଛି। ଟନେଲ ଉପରୁ ଚିହ୍ନଟ ହୋଇଥିବା ସ୍ଥାନରୁ ତଳ ପର୍ଯ୍ୟନ୍ତ ଏକ ଗାତ ଖୋଳାଯିବ। ଏହାର ଗଭୀରତା ୩ ରୁ ୩.୫ ମିଟର ହୋଇପାରେ। ଉଦ୍ଧାର କାର୍ଯ୍ୟ ଦିଆଯାଇଥିବା ଏଜେନ୍ସିଗୁଡିକ ମଧ୍ୟ ପୂର୍ବରୁ ଏପରି କାର୍ଯ୍ୟ କରିସାରିଛନ୍ତି। ସେମାନେ କହିଛନ୍ତି ଆମେ ଆଶା କରୁଛୁ ଯଥାଶୀଘ୍ର ଆମେ ସେହି ଶ୍ରମିକଙ୍କ ନିକଟରେ ପହଞ୍ଚିବୁ।
ଶ୍ରମିକମାନେ ୧୪୦ ଘଣ୍ଟାରୁ ଅଧିକ ସମୟ ଧରି ଅଟକି ରହିଛନ୍ତି। ଗତ ଏକ ସପ୍ତାହ ଧରି ସେମାନଙ୍କୁ ବାହାରକୁ ଆଣିବା ପାଇଁ ଉଦ୍ଧାର କାର୍ଯ୍ୟ ଚାଲିଛି, କିନ୍ତୁ ଏପର୍ଯ୍ୟନ୍ତ ଏହା ସଫଳ ହୋଇନାହିଁ। ଶ୍ରମିକଙ୍କ ପରିବାର ଏହାକୁ ନେଇ ବହୁତ ଚିନ୍ତିତ ଅଛନ୍ତି। ଉଦ୍ଧାର କାର୍ଯ୍ୟରେ ବିଳମ୍ବକୁ ନେଇ ସେମାନେ ଅସନ୍ତୋଷ ବ୍ୟକ୍ତ କରିଛନ୍ତି।
#WATCH उत्तराखंड: उत्तरकाशी सुरंग हादसे पर उत्तरकाशी DFO डी.पी. बलूनी ने बताया, "कुछ दूसरे विकल्प भी तलाशे जा रहे हैं… टनल के ठीक ऊपर जिस स्पॉट की पहचान की गई है वहां से बोरिंग करके नीचे के लिए गड्ढा किया जाएगा। इसकी गहराई 3 से 3.5 मीटर हो सकती है… जिन एजेंसियों को बचाव कार्य… pic.twitter.com/d4EjEkbEEj
— ANI_HindiNews (@AHindinews) November 18, 2023
