ଭୁବନେଶ୍ୱର,୧୭।୨:ଟାଟା ଷ୍ଟିଲ୍ ପକ୍ଷରୁ ଇଣ୍ଡୋ-ବାଂଲାଦେଶ ପ୍ରୋଟୋକଲ୍ ରୁଟ୍କୁ ବ୍ୟବହାରକରି ପଶ୍ଚିମବଙ୍ଗରୁ ତ୍ରିପୁରାକୁ ମଲ୍ଟି-ମୋଡାଲ ମାଧ୍ୟମରେ ଟିଏମ୍ଟି ବାର୍ ପରିବହନ କରାଯାଇଛି। ଏ ସମ୍ପର୍କରେ ଟାଟା ଷ୍ଟିଲ୍ର ଉପସଭାପତି ଜିଏସ୍ପି ଆଣ୍ଡ୍ ସପ୍ଲାଏ ଚେନ୍ ପୀୟୂଷ ଗୁପ୍ତା କହିଛନ୍ତି, ଅନ୍ତର୍ଦ୍ଦେଶୀୟ ଜଳପଥକୁ ବ୍ୟବହାର ପାଇଁ ଉଭୟ ଭାରତ ଓ ବାଂଲାଦେଶ ନିମନ୍ତେ ଇଣ୍ଡୋ-ବାଂଲାଦେଶ ପ୍ରୋଟୋକଲ୍ ରୁଟ୍ ଏକ ଭରସାଯୋଗ୍ୟ ସମନ୍ବିତ ଲଜିଷ୍ଟିକ୍ସ ସମାଧାନରେ ପରିଣତ ହୋଇଛି। ବିଶେଷ କରି ଉତ୍ତର ପୂର୍ବାଞ୍ଚଳରେ ବୃଦ୍ଧି ପାଉଥିବା ବଜାରକୁ ଭଲ ଭାବେ ସାମଗ୍ରୀ ଯୋଗାଇ ଗ୍ରାହକମାନଙ୍କ ନିକଟରେ ପହଞ୍ଚିବାରେ ଏହା ଆହୁରି ସହାୟକ ହୋଇପାରିବ। ପରିବହନର ମାଧ୍ୟମ ଓ ମଲ୍ଟିମୋଡାଲ ମାଲ ପରିବହନର ଏକ ମାଧ୍ୟମ ଭାବେ ଏହି ରୁଟ୍ ଏକ ଚମତ୍କାର ଉଦାହରଣ। ଏହା ପିଏମ୍ ଗତିଶକ୍ତି କାର୍ଯ୍ୟକ୍ରମକୁ ସମର୍ଥନ କରିବାର ଏକ ଉଦ୍ୟମ ଏବଂ କମ୍ପାନୀର ସ୍କୋପ୍ ୩ କାର୍ବନ ପରିମାଣ କମ୍ କରିବା ଦିଗରେ ଏକ ଅଭିଯାନ। ଏହା ଇସ୍ପାତ କ୍ଷେତ୍ରକୁ ଡିକାର୍ବନାଇଜ୍ କରିବାରେ ଯୋଗଦାନ ପ୍ରଦାନ କରିବ। ସେହିଭଳି ଟାଟା ଷ୍ଟିଲ୍ର ଚିଫ୍ ଗ୍ରୁପ୍ ଶିପିଙ୍ଗ୍ ରଞ୍ଜନ ସିହ୍ନା କହିଛନ୍ତି, ଏହି ପରିବହନ ଲାଗି ଟିଏମ୍ଆଇଏଲ୍ଏଲ୍ ଟିମ୍ ସହିତ ଟାଟା ଷ୍ଟିଲ୍ କରିଥିବା ଉଦ୍ୟମ ପ୍ରଶଂସାଯୋଗ୍ୟ। ନିଜ ଗ୍ରାହକଙ୍କୁ ସେବା ପ୍ରଦାନ କରିବା ଲାଗି ଏହି ସମୟକୁ ଆହୁରି ହ୍ରାସ କରିବାକୁ କମ୍ପାନୀ ଆଶା ରଖିଛି। ନଦୀ ପାର୍ଶ୍ୱବର୍ତ୍ତୀ ଅଞ୍ଚଳର ଅତିରିକ୍ତ ଓ ଛୋଟ ଅଞ୍ଚଳଗୁଡ଼ିକୁ ସେବା ପ୍ରଦାନ କରିବା ଲାଗି ଏହି ରୁଟ୍କୁ ବ୍ୟବହାର କରିବା ସମ୍ଭାବନା ରହିଛି।
