ଟକ୍ସିକ୍‌ ରିଲେଶନ୍‌ଶିପ୍‌

ପ୍ରେମ ଏକ ନିଃସ୍ବାର୍ଥପର ଶାଶ୍ୱତ ସମ୍ପର୍କ, ଯାହା ଦୁଇଜଣଙ୍କୁ ଏକ ସୂତ୍ରରେ ବାନ୍ଧିରଖେ ଓ ଆନନ୍ଦ ଦିଏ। ହେଲେ ଆଜିର କେତେକ ଯୁବତୀ ଯୁବକଙ୍କ ପାଇଁ ଯେମିତି ଏହାର ପରିଭାଷା ବଦଳିଯାଇଛି। ସ୍ବାର୍ଥହାସଲ ପାଇଁ ସେମାନେ ନିଜେ ଗଢ଼ୁଛନ୍ତି ସମ୍ପର୍କ। ଆଉ ପରବର୍ତ୍ତୀ ସମୟରେ ଏହି ବିଷାକ୍ତ ସମ୍ପର୍କ ନା କେବଳ ଅନ୍ୟ ଜଣଙ୍କୁ ମାନସିକସ୍ତରରେ କଷ୍ଟ ଦେଉଛି ବରଂ ହତ୍ୟା, ଆତ୍ମହତ୍ୟା ଭଳି ଅଭାବନୀୟ ଘଟଣା ବି
ସମାଜରେ ବୃଦ୍ଧି ପାଉଛି…

ପ୍ରେମ ଏକ ଏଭଳି ସମ୍ପର୍କ, ଯେଉଁଥିରେ କେବେ ଭଲପାଇବା ତ ଆଉ ପୁଣି କେବେ ରାଗ, ରୁଷା, ଅଭିମାନ ବି ଥାଏ। ହେଲେ ଏଥିରେ ଯେବେ ସ୍ବାର୍ଥ ଓ ଛଳନା ଆସେ, ସେଇଠୁ ଆରମ୍ଭ ହୁଏ ମନାନ୍ତର। ଯାହାଫଳରେ ଦୁର୍ବ୍ୟବହାର, ଶାରୀରିକ ହିଂସା ଭଳି ଘଟଣା ଘଟିଥାଏ। ଆଉ ଏଭଳି ସମ୍ପର୍କରେ ରହିବା ଆଦୌ ନିରାପଦ ନୁହେଁ। କାରଣ ଏଭଳି ସମ୍ପର୍କରେ ମାର୍‌ପିଟରୁ ଆରମ୍ଭ କରି ହତ୍ୟା ଭଳି ବିଭିନ୍ନ ଘଟଣା ଏବେ ବଢ଼ୁଥିବାର ଦେଖିବାକୁ ମିଳୁଛି। ଗତବର୍ଷ ଦିଲ୍ଲୀରେ ଜଣେ ଯୁବକ ନିଜ ପ୍ରେମିକାଙ୍କୁ କାଟି ୩୫ଖଣ୍ଡ କରି ମାରିଥିବା ଘଟଣା ହେଉ ଅବା ଓଡ଼ିଶାରେ ଜଣେ ଯୁବ ମଡେଲ ଏବଂ ଆଉ ଜଣେ ଡିଜେ ଆତ୍ମହତ୍ୟା କରିଥିବା ଭଳି ଅନେକ ଘଟଣା ବେଶ୍‌ ଚାଞ୍ଚଲ୍ୟ ସୃଷ୍ଟି କରିଥିଲା। ତେଣୁ ଏଭଳି କୌଣସି ଟକ୍ସିକ୍‌ ରିଲେଶନ୍‌ଶିପ୍‌ରୁ ମୁକୁଳିବା ଲାଗି କେତୋଟି କଥା ପ୍ରତି ବିଶେଷ ଧ୍ୟାନ ଦେବା ନିହାତି ଆବଶ୍ୟକ….
ଆୟତ୍ତରେ ରଖିବା: ପ୍ରେମ ଏକ ଏଭଳି ନିବିଡ଼ ସମ୍ପର୍କ, ଯେଉଁଥିରେ ଜଣେ ଆଉ ଜଣଙ୍କୁ ହରେଇବାକୁ ଚାହେଁନି। ହେଲେ ଏହାର ଅର୍ଥ ନୁହେଁ ନିଜ ସାଥୀକୁ ସବୁବେଳେ ଆୟତ୍ତରେ ରଖିବା। ଅନେକେ ଏମିତି ଅଛନ୍ତି, ଯେଉଁମାନେ ନିଜ ସାଥୀ କେଉଁଆଡ଼େ ଗଲେ, କ’ଣ ପିନ୍ଧିଲେ, କ’ଣ କଲେ ଭଳି ପ୍ରତିଟି ଛୋଟ ବଡ଼ କଥାରେ ମୁଣ୍ଡ ଖେଳାଇଥା’ନ୍ତି। ଏମିତିକି ଅନ୍ୟ କାହା ସହ କଥା ହେଲେ ସହ୍ୟ କରିପାରନ୍ତି ନାହିଁ। ହେଲେ ପ୍ରତିଟି କଥାରେ ହସ୍ତକ୍ଷେପ କରିବା ଓ କେବଳ ନିଜ ଇଚ୍ଛା ଲଦିଦେବା ଏବଂ ପାର୍ଟନର ଏଥିରେ ରାଜି ନ ହେଲେ ରାଗିବା ଆଦି ଭଳି ଗୁଣ ଅନ୍ୟକୁ ଧୀରେ ଧୀରେ କଷ୍ଟ ଦେଇଥାଏ। ଆଉ ସେ ଏଭଳି ସମ୍ପର୍କରୁ ଦୂରେଇବାକୁ ଚେଷ୍ଟା କଲେ ଜଣେ ଜଣେ ପ୍ରତିଶୋଧ ପରାୟଣ ହୋଇ ପ୍ରେମିକା ବା ପ୍ରେମିକଙ୍କୁ କ୍ଷତି ପହଞ୍ଚାଇବାକୁ ବି ଭୁଲନ୍ତି ନାହିଁ। ତେଣୁ ନିଜ ସାଥୀଙ୍କର ଏଭଳି ଗୁଣ କଷ୍ଟ ଦେଉଥିଲେ ସମ୍ପର୍କ ଆଗକୁ ନ ବଢ଼ାଇ ପ୍ରଥମରୁ ହିଁ ଏଥିପ୍ରତି ସତର୍କ ହୋଇଯିବା ଭଲ।
ସପୋର୍ଟ ନ କରିବା: ପରସ୍ପରର କଥାକୁ ସମ୍ମାନ ଦେବା ଏବଂ ପ୍ରତିଟି କ୍ଷେତ୍ରରେ ସପୋର୍ଟ କରିବା ଏକ ଭଲ ସମ୍ପର୍କର ପରିଚୟ। ହେଲେ କେତେକ କ୍ଷେତ୍ରରେ ଜଣେ ଜଣେ ନିଜ ସାଥୀଙ୍କ ଭୁଲ୍‌ ବାଛିବାରେ ଅଧିକ ଗୁରୁତ୍ୱ ଦିଅନ୍ତି। ଏହାକୁ ନେଇ ଅନ୍ୟମାନଙ୍କ ଆଗରେ ହସିବା ବା ଅପମାନିତ କରିବାରେ ଆନନ୍ଦ ନିଅନ୍ତି। ହେଲେ ଏହି ଆଚରଣ ଯେ ତାଙ୍କୁ ମାନସିକ ଆଘାତ ଦେଉଥିବ, ସେ ଦିଗରେ ଆଦୌ ଧ୍ୟାନ ଦିଅନ୍ତି ନାହିଁ। ଯିଏ ପ୍ରଥମରୁ ସପୋର୍ଟ ନ କରୁଛନ୍ତି, ସେ ଭବିଷ୍ୟତରେ ଜଣେ ଭଲ ଜୀବନସାଥୀ ହୋଇ ପାରିବେ ତାହା କହିବା ସହଜ ନୁହେଁ। ତେଣୁ ଯଦି ଆପଣ ବି ନିଜ ସାଥୀଙ୍କ ଏହିଭଳି କାର୍ଯ୍ୟକୁ ନେଇ ଟେନ୍‌ସନ୍‌ରେ ରହୁଛନ୍ତି, ତେବେ ଯଥାଶୀଘ୍ର ଏଥିରୁ ନିଜକୁ ମୁକୁଳାଇ ନେବା ବୁଦ୍ଧିମତ୍ତାର କାର୍ଯ୍ୟ।
ଈର୍ଷା ଓ ସନ୍ଦେହ: କେତେଜଣ ନିଜ ସାଥୀଙ୍କୁ ଅନ୍ୟ ସହ କଥା ହେବାର ଦେଖିଲେ ଈର୍ଷା କରନ୍ତି। ଏମିତିକି ଏହାକୁ ନେଇ ସନ୍ଦେହ କରିବାକୁ ବି ପଛାନ୍ତି ନାହିଁ। ଯେଉଁଥିପାଇଁ ଅଯଥା ଯୁକ୍ତିତର୍କ ହୋଇଥାଏ। ଖାଲି ଏତିକି ନୁହେଁ, ନିଜ ପାର୍ଟନରର ଉନ୍ନତି ଦେଖିଲେ ଅବା କେହି ତାଙ୍କ ପ୍ରଶଂସା କଲେ ମଧ୍ୟ ଈର୍ଷାରେ ଏଣୁତେଣୁ କଥା କହିଥା’ନ୍ତି। ଭଲପାଇବା ଏବଂ ଈର୍ଷା ଉଭୟ ଭିନ୍ନ। ଏହାଦ୍ୱାରା ଅନ୍ୟକୁ ମାନସିକ ଚାପ ପଡ଼ିଥାଏ। ତେଣୁ ଏହି ସମ୍ପର୍କ ଧୀରେ ଧୀରେ ଅଧିକ ବିଷାକ୍ତ ହେବାରେ ଲାଗେ। ଯଦି ନିଜ ସାଥୀଙ୍କ ସହ ରିଲେଶନ୍‌ଶିପ୍‌ ଆପଣଙ୍କୁ ଖୁସି ଦେବା ପରିବର୍ତ୍ତେ ମାନସିକ ଚିନ୍ତା ବଢ଼ାଉଛି ତେବେ ବିଳମ୍ବ ନ କରି ଏଥିରୁ ଦୂରେଇଯିବା ଭଲ।
ସ୍ବାର୍ଥ: ପ୍ରେମ ସର୍ବଦା ନିଃସ୍ବାର୍ଥପର। ହେଲେ ବର୍ତ୍ତମାନ ସମୟରେ ଅନେକେ ଏହି ସମ୍ପର୍କକୁ ସ୍ବାର୍ଥ ପାଇଁ ବ୍ୟବହାର କରୁଛନ୍ତି। କାହାଠାରୁ ଟଙ୍କା, କୌଣସି ଜିନିଷ ଅବା କାର୍ଯ୍ୟହାସଲ ପାଇଁ ପ୍ରେମକୁ ଏକ ମାଧ୍ୟମ ଭାବେ ସେମାନେ ବ୍ୟବହାର କରୁଛନ୍ତି। ହେଲେ ଯେତେବେଳେ ଏହାର ସତ ଜଣାପଡ଼େ ଏବଂ ବିଶ୍ୱାସ ଭାଙ୍ଗେ, ସେତେବେଳେ ଏହି ପ୍ରତାରଣାର ବିଷାକ୍ତ ସମ୍ପର୍କ ଯେ ଅନ୍ୟଜଣଙ୍କୁ କେତେ କଷ୍ଟଦିଏ; ସେ ଦିଗରେ ସେମାନେ ଆଦୌ ସଚେତନ ନୁହନ୍ତି। ଯାହା ଫଳରେ ରାଗ, ଝଗଡ଼ା, ମାର୍‌ପିଟ୍‌, ହତ୍ୟା କିମ୍ବା ଆତ୍ମହତ୍ୟା ଭଳି ଅଭାବନୀୟ ଘଟଣା ସାମ୍ନାକୁ ଆସେ। ତେଣୁ ଯଦି ସାଥୀ ନିଜ ସ୍ବାର୍ଥ ପାଇଁ ଆପଣଙ୍କୁ ବ୍ୟବହାର କରୁଥାଏ, ତେବେ ଏଭଳି ସମ୍ପର୍କକୁ ଭାଙ୍ଗିଦେବା ଭଲ।
ସଂଯମତାର ଅଭାବ: ବର୍ତ୍ତମାନ ଅନେକ ଯୁବପିଢ଼ିଙ୍କଠାରେ ସଂଯମତାର ଅଭାବ ଦେଖିବାକୁ ମିଳୁଛି। କାହା ସହ ପ୍ରେମ ସମ୍ପର୍କ ଗଢ଼ି ଉଠିବା ମାତ୍ରେ କଥା ହେବା, ଫଟୋ, ଭିଡିଓ ଶେୟାର କରିବା ଏବଂ ଏକାଠି ବୁଲିଯିବା ଏକ ସାଧାରଣ କଥା ପାଲଟିଯାଉଛି। କେବଳ ଏତିକି ନୁହେଁ, କେହି କେହି ବିବାହ ପୂର୍ବରୁ ଏକାଠି ଲିଭ୍‌-ଇନ୍‌ରେ ରହୁଥିବା ବି ଦେଖିବାକୁ ମିଳୁଛି। ହେଲେ ପରବର୍ତ୍ତୀ ସମୟରେ ଅନ୍ୟ କାହା ସହ ମିଳାମିଶା କରିବା କିମ୍ବା ଉଭୟଙ୍କ ମଧ୍ୟରେ ମନ ନ ମିଶିବା କାରଣରୁ ବାରମ୍ବାର ଝଗଡ଼ା ହେବା ଭଳି ଘଟଣା ଦେଖିବାକୁ ମିଳୁଛି। କେହି କେହି ସମ୍ପର୍କ ବଞ୍ଚାଇବା ଲାଗି କଷ୍ଟରେ ରହୁଥିବା ବେଳେ ଆଉ କେହି ଆତ୍ମହତ୍ୟା କରିବାକୁ ବି ପଛାଉ ନାହାନ୍ତି। ହେଲେ ଏପରି କରିବା ପରିବର୍ତ୍ତେ ନିଜକୁ ଦୃଢ଼ କରି ଏଭଳି ରିଲେଶନ୍‌ଶିପ୍‌ଠୁ ନିଜକୁ ନିବୃତ୍ତ ରଖନ୍ତୁ। ତେବେ ଆଜିର ଦିନରେ ସବୁଠୁ ବଡ଼ କଥା ହେଉଛି କାହାକୁ ଆବଶ୍ୟକତାଠାରୁ ଅଧିକ ବିଶ୍ୱାସ କରନ୍ତୁ ନାହିଁ କିମ୍ବା ନିଜ ସଂଯମତା ରକ୍ଷା କରିବାକୁ ଭୁଲନ୍ତୁ ନାହିଁ।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?