ନୂଆଦିଲ୍ଲୀ,୩୦।୧: ପୂର୍ବ ବର୍ଷ ପରି ଚଳିତ ବର୍ଷ ମଧ୍ୟ କାଗଜ କଲମ ବଦଳରେ ମୋବାଇଲ ଆପ୍ ଜରିଆରେ ବଜେଟ ଉପସ୍ଥାପନ କରାଯିବ। ଦେଶବାସୀ ଓ ସରକାର ଡିଜିଟାଲ ସପକ୍ଷରେ ଥିବାରୁ ୨୦୨୨-୨୩ର ବଜେଟକୁ ମଧ୍ୟ ପେପରଲେସ୍ କରାଯାଉଛି, ଅର୍ଥାତ୍ ବଜେଟ ଦସ୍ତାବିଜ ଆଉ ଛପାଯିବ ନାହିଁ। ଫଳରେ ଏମ୍ପିଙ୍କଠାରୁ ସାଧାରଣ ଜନତା, ଯେଭଳି ବଜେଟ ସମ୍ପର୍କିତ ସମସ୍ତ ସୂଚନା ଏବଂ ଦସ୍ତାବିଜ ସହଜରେ ପାଇପାରିବେ ତାକୁ ଧ୍ୟାନରେ ରଖି ସରକାର ଏଭଳି ପଦକ୍ଷେପ ଗ୍ରହଣ କରିଛନ୍ତି। ସେହିଭଳି ସାଧାରଣ ବଜେଟ ଉପସ୍ଥାପନ ସମ୍ପର୍କିତ ମୋବାଇଲ ଆପ୍ଲିକେଶନର ମଧ୍ୟ ଶୁଭାରମ୍ଭ କରାଯାଇଛି। ଏହି ପରିପ୍ରେକ୍ଷୀରେ ଲୋକମାନେ ଚଳିତ ବର୍ଷର ବଜେଟ ସମ୍ପର୍କିତ ସମସ୍ତ ଦସ୍ତାବିଜ କେନ୍ଦ୍ରୀୟ ବଜେଟର ୱେବ୍ପୋର୍ଟାଲ (www.indiabudget.gov.in) ର ସହାୟତା ବା ଡାଉନ୍ଲୋଡ୍ କରିପାରିବେ।
