ଦାରିଙ୍ଗବାଡି,୭।୮(ଅରୁଣ ସହୁ):କନ୍ଧମାଳ ଜିଲା ଦାରିଙ୍ଗବାଡି ପଞ୍ଚାୟତ ସମିତି ସଭାଗୃହଠାରେ ୮୦ତମ ବ୍ଲକ ସ୍ତରୀୟ ସ୍ବାଧୀନତା ଦିବସ ପାଳନ ପାଇଁ ବିଡିଓ ପ୍ରୀତିରଞ୍ଜନ ରଥଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଚଳିତ ଥର ଏହି ଦିବସକୁ ବଡ଼ ଧୂମଧାମରେ ପାଳନ କରାଯିବାକୁ ନିଷ୍ପତି ହୋଇଛି। ବିଶେଷ କରି ବ୍ଲକସ୍ତରୀୟ ଛାତ୍ରୀଛାତ୍ରଙ୍କୁ ନେଇ କରାଯାଉଥିବା ପ୍ରତିଯୋଗିତା ଗୁଡିକରେ ଅବ୍ୟବସ୍ଥା ଓ ଅଭିଯୋଗର ସମାଧାନ ପାଇଁ ସିଆରସିସିମାନଙ୍କୁ ଦାୟିତ୍ୱ ବଣ୍ଟନ କରାଯିବାକୁ ନିର୍ଦ୍ଦେଶ ଦିଆଯାଇଛି।
ସେହିପରି ସାଂସ୍କୃତିକ କାର୍ଯ୍ୟକ୍ରମରେ ସଙ୍ଗୀତ, ନୃତ୍ୟ, ଏକାକୀ ନୃତ୍ୟ ଆଦି ପରିଚାଳନା କରିବା ପାଇଁ କମିଟି ଚୟନ କରାଯାଇଛି ସେହିପରି ସାମୂହିକ ପରେଡ,ଓ ବିଭିନ୍ନ ପରିଚାଳନା କମିଟି ପାଇଁ କର୍ମକର୍ତ୍ତା ଚୟନ କରାଯାଇଛି ଏହି ସବୁ କମିଟିରେ ପୁରାତନ କର୍ମକର୍ତ୍ତା ସହ କିଛି ନୂତନ କର୍ମକର୍ତ୍ତାଙ୍କୁ ସାମିଲ କରାଯାଇଥିବା ବିଡ଼ିଓ ପ୍ରୀତିରଞ୍ଜନ ରଥ କହିଛନ୍ତି । ସେହିପରି ବ୍ଲକ ଅଧ୍ୟକ୍ଷ ସୁଶାନ୍ତ ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଇ ପତ୍ତାକା ଉତ୍ତୋଳନ କରିବା ସହ ସାମୂହିକ ପରେଡରେ ଅଭିବାଦନ ଗ୍ରହଣ କରିବେ ବୋଲି ନିଷ୍ପତି ନିଆଯାଇଛି। ଏହି ବୈଠକରେ ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷ ସୁଶାନ୍ତ ପ୍ରଧାନ,ସିଡିପିଓ ସନ୍ଧ୍ୟାରାଣୀ ପଣ୍ଡା,ବିଏସଏସଓ ଆଲିଶା ବିଷୋୟୀ,ବନାଞ୍ଚଳ ଅଧିକାରୀ ଲଷ୍ମୀନାରାୟଣ ପଣ୍ଡା,ଏବିଇଓ କୌଶିକ ନାୟକ, ପୋଲିସ ଏଏସଆଇ ଅର୍ଜୁନ ଶବର,ଆଇଟିଆଇର ଅଧକ୍ଷ ସୁଶାନ୍ତ ଡାକୁଆ ପ୍ରମୁଖ ମଞ୍ଚାସୀନ ରହି ଆଲୋଚନା କରିଥିଲେ।
Dharitri – Odisha’s No.1 Odia Daily
