ମୁମ୍ବାଇ,୧୬।୨: ଏମଏସ ଧୋନୀ ଦ ଅନଟୋଲ୍ଡ ଷ୍ଟୋରୀ ଏବଂ କେସରୀ ଭଳି ହିଟ ଫିଲ୍ମରେ କାମ କରିଥିବା ଅଭିନେତା ସନ୍ଦୀପ ନାହର ମୁମ୍ବାଇର ଗୋରେଗାଓଁରେ ନିଜ ବାସଭବନରେ ଆତ୍ମହତ୍ୟା କରିଛନ୍ତି। ମୁମ୍ବାଇ ପୋଲିସର ସୂଚନାନୁସାରେ, ଏନେଇ ଏକ ମାମଲା ରୁଜୁ ହୋଇଛି ଏବଂ ମାମଲାର ତଦନ୍ତ ଚାଲିଛି। ଆତ୍ମହତ୍ୟା କରିବା ପୂର୍ବରୁ ସନ୍ଦୀପ ନାହର ଫେସବୁକରେ ନିଜର ଏକ ଭିଡିଓ ପୋଷ୍ଟ କରି ଏକ ଆତ୍ମହତ୍ୟା ନୋଟ ଲେଖିଥିଲେ। ସେ ବ୍ୟକ୍ତିଗତ ଜୀବନ ଏବଂ ବୃତ୍ତିଗତ ଜୀବନର ସମସ୍ୟା ବିଷୟରେ ଉଲ୍ଲେଖ କରିଥିଲେ। ସସନ୍ଦୀପଙ୍କର ହଠାତ୍ ଆତ୍ମହତ୍ୟା ଶୁଣି ସମଗ୍ର ମନୋରଞ୍ଜନ ଜଗତ ଚକିତ ହୋଇଯାଇଛି।
ଫେସବୁକରେ ସନ୍ଦୀପଙ୍କ ପୂର୍ବରୁ ପୋଷ୍ଟ କରାଯାଇଥିବା ଭିଡିଓରେ ସେ ଆତ୍ମହତ୍ୟାର କାରଣ ବର୍ଣ୍ଣନା କରି କହିଛନ୍ତି, ହେଲୋ ହେଲୋ, ମୁଁ ସନ୍ଦୀପ ନାହର। ଆପଣ ନିଶ୍ଚୟ ମୋତେ ଅନେକ ଫିଲ୍ମରେ ଦେଖିଥିବେ ଏବଂ ଆଜି ମୋର ଏହି ଭିଡିଓ ତିଆରି କରିବା ପଛରେ ଏକ ଉଦ୍ଦେଶ୍ୟ ଅଛି, ମୋ କଥା ଶୁଣିବାକୁ ପ୍ରଥମେ ଆପଣ ଟିକେ ଅଜବ ଅନୁଭବ କରିବେ, କିନ୍ତୁ ମୋ ଜୀବନରେ ଅନେକ ସମସ୍ୟା ଅଛି, କିନ୍ତୁ ମୁଁ ଆଜି ସ୍ଥିର ନୁହେଁ, କାରଣ ମୋ ସ୍ତ୍ରୀ କାଞ୍ଚନ ଶର୍ମା … ମୁଁ ତାଙ୍କୁ (କାଞ୍ଚନ ଶର୍ମା) ବୁଝାଇ ବୁଝାଇ ଥକି ଯାଇଛି। ଅତୀତର ସମାନ କଥାକୁ ପୁନରାବୃତ୍ତି କରିବା, ପ୍ରତିଦିନ ଝଗଡା କରିବା, ୩୬୫ ଦିନ ମଧ୍ୟରେ ୨୦୦ ଥର ଆତ୍ମହତ୍ୟା ବିଷୟରେ କହିବା, ମୁଁ ମରିବି, ତୁମକୁ ଫାନ୍ଦରେ ପକାଇବି, ତୁମର କ୍ୟାରିଅରକୁ ନଷ୍ଟ କରିଦେବି, ମୁଁ ବହୁତ ଚିଡିଗଲିଲି ବୋଲି କହିଥିଲେ ସନ୍ଦୀପ। ପୋଲି ଏନେଇ କାଞ୍ଚନଙ୍କୁ ପଚରାଉଚରା କରୁଛି।
