ସ୍ମାର୍ଟଫୋନ ବ୍ୟବହାରକାରୀଙ୍କ ପାଇଁ ଭାଇରସ ଆପ ଏକ ବଡ ସମସ୍ୟା ହୋଇଗଲାଣି। ଯଦି ଆପଣ ଜଣେ ଫେସବୁକ ବ୍ୟବହାରକାରୀ ତେବେ ଆପଣଙ୍କୁ ତୁରନ୍ତ ସତର୍କ ହେବା ଆବଶ୍ୟକ। ଅନୁସନ୍ଧାନକାରୀମାନେ ଗୁଗୁଲ ପ୍ଲେ ଷ୍ଟୋରରେ ୨୫ଟି ବିପଜ୍ଜନକ ଆଣ୍ଡ୍ରଏଡ ଆପ୍ ଚିହ୍ନଟ କରିଛନ୍ତି। ଏହି ଆପ୍ ଜରିଆରେ ଫେସବୁକ ବ୍ୟବହାରକାରୀଙ୍କ ପାସୱାର୍ଡ ଚୋରି କରି ଡାଟା ଆକ୍ସେସ କରୁଛି। ସବୁଠୁ ଚିନ୍ତାର ବିଷୟ ଯେ ଏହି ଆପ୍ଗୁଡ଼ିକ ବିଶ୍ୱରେ ୨.୩ ମିଲିୟନରୁ ଅଧିକଥର ଡାଉନଲୋଡ ହୋଇଛି। ସାଇବର ସୁରକ୍ଷା ବିଶେଷଜ୍ଞଙ୍କ ଅନୁଯାୟୀ ବିପଜ୍ଜନକ ଆପଗୁଡ଼ିକ ଷ୍ଟେପ କାଉଣ୍ଟର, ୱାଲପେପର କିମ୍ବା ମୋବାଇଲ ଗେମ ଭଳି ଆପ ଭାବରେ ନିଜକୁ ଉପସ୍ଥାପନ କରନ୍ତି। ଫ୍ରାନ୍ସର ଟେକ ଫାର୍ମ ଏଭିନାର ସାଇବର ସୁରକ୍ଷା ବିଶେଷଜ୍ଞମାନେ ଏହି ୨୫ଟି ନକଲି ଆପ ବିଷୟରେ ସୂଚନା ଦେଇଛନ୍ତି। ବିଶେଷଜ୍ଞମାନେ କହିଛନ୍ତି ଯେ ଏହି ଆପ୍ଗୁଡିକ ଉପଭୋକ୍ତାଙ୍କ ତଥ୍ୟକୁ କ୍ଷତି ପହଞ୍ଚାଉଛି। ହି ଆପ୍ସ ମାଧ୍ୟମରେ ହ୍ୟାକରମାନେ ବ୍ୟବହାରକାରୀଙ୍କ ଫେସବୁକ ବ୍ୟବହାରକାରୀ ନାମ ଏବଂ ପାସୱାର୍ଡ ଚୋରି କରୁଛନ୍ତି। ତେଣୁ ଏହି ଆପ୍ଗୁଡିକ ଡାଉନଲୋଡ କରିବା ପୂର୍ବରୁ ଚେକ୍ କରନ୍ତୁ ଏବଂ ଫେସ୍ବୁକ୍ ପାସଓ୍ବାର୍ଡ ବଦଳାନ୍ତୁ। ଏଭିନାର ସତର୍କତା ପରେ ଗୁଗୁଲ ଏହି ଆପ୍ଗୁଡ଼ିକୁ ତୁରନ୍ତ ପ୍ଲେ ଷ୍ଟୋରରୁ ହଟାଇ ଦେଇଛି।
