ବଲିଉଡ୍ରେ ଅନେକ ଅନ୍ସ୍କ୍ରିନ୍ ଯୋଡିକୁ ଆମେ ଦେଖିଛୁ। ହେଲେ ଏମିତି ଅନେକ ଅଭିନେତ୍ରୀ ରହିଛନ୍ତି ଯେଉଁମାନେ ପରଦା ଉପରେ ରିୟଲ୍ ବାପା-ପୁଅଙ୍କ ସହ ରୋମାନ୍ସ କରିିଛନ୍ତି। ଜାଣିବା ସେମାନଙ୍କ ବିଷୟରେ…
ମାଧୁରୀ ଦିକ୍ଷୀତ: ବଲିଉଡ୍ର ଧକ୍ ଧକ୍ ଗର୍ଲ କୁହାଯାଉଥିବା ମାଧୁରୀ ନିଜର ସୌନ୍ଦର୍ଯ୍ୟ ଏବଂ ନୃତ୍ୟ ମାଧ୍ୟମରେ ସମସ୍ତଙ୍କୁ ପାଗଳ କରିପାରିଛନ୍ତି। ସେ ଫିଲ୍ମ ‘ଦିଓ୍ବାନା’ ରେ ବିନୋଦ ଖନ୍ନାଙ୍କ ସହ ରୋମାନ୍ସ କରିଥିଲେ। ପରେ ମାଧୁରୀଙ୍କୁ ବିନୋଦଙ୍କ ପୁଅ ଅକ୍ଷୟ ଖନ୍ନାଙ୍କ ସହ ‘ମହବତ୍’ ଫିଲ୍ମରେ ଏକତ୍ର ଅଭିନୟ କରୁଥିବାର ଦେଖିବାକୁ ମିଳିଥିଲା।
ଡିମ୍ପଲ କପାଡିୟା: ଅଭିନେତ୍ରୀ ଡିମ୍ପଲ କପାଡିଆ ବିନୋଦ ଖନ୍ନା ଏବଂ ତାଙ୍କ ପୁଅ ଅକ୍ଷୟ ଖନ୍ନାଙ୍କ ସହ ଫିଲ୍ମରେ ରୋମାନ୍ସ କରିଛନ୍ତି। ଡିମ୍ପଲ ବିନୋଦଙ୍କ ସହ ଫିଲ୍ମ ‘ଖୁନ୍ କା କର୍ଜ’, ‘ବଟଓ୍ବାର’ ଆଦିରେ ଅଭିନୟ କରିଥିବା ବେଳେ ପୁଅ ଅକ୍ଷୟଙ୍କ ଫିଲ୍ମ ‘ଦିଲ୍ ଚାହତା ହୈ’ରେ ଅଭିନୟ କରିଛନ୍ତି। ସେହିପରି ୧୯୮୪ରେ ଫିଲ୍ମ ‘ମଞ୍ଜିଲ ମଞ୍ଜିଲ’ରେ ସେ ସନି ଦେଓଲଙ୍କ ସହ ଅଭିନୟ କରିଥିବା ବେଳେ ୧୯୯୧ରେ ଫିଲ୍ମ ‘ମସ୍ତ କଲନ୍ଦର’ରେ ବାପା ଧର୍ମେନ୍ଦ୍ରଙ୍କ ସହ ଅଭିନୟ କରିଥିଲେ।
ହେମା ମାଳିନି: ବଲିଉଡ୍ର ଡ୍ରିମ୍ ଗର୍ଲ ହେମା ମାଳିନିଙ୍କ ନାମ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ। ହେମା ଫିଲ୍ମ ‘ସପ୍ନୋ କେ ସୌଦାଗର’ରେ ରାଜ କପୁରଙ୍କ ସଂହ ରୋମାନ୍ସ କରିଥିଲେ। ସେହିପରି ସେ ତାଙ୍କ ପୁଅ ଋଷି କପୁରଙ୍କ ସହ ମଧ୍ୟ ଅନେକ ଫିଲ୍ମ କାମ କରିଛନ୍ତି।
ଜୟା ପ୍ରଦା: ଅଭିନେତ୍ରୀ ଜୟା ପ୍ରଦା ବଲିଉଡ୍କୁ ଅନେକ ସୁପରହିଟ୍ ଫିଲ୍ମ ଦେଇଛନ୍ତି। ଜୟା ଫିଲ୍ମ ଧର୍ମେନ୍ଦ୍ରଙ୍କ ସହ ‘ଗଙ୍ଗା ତେରେ ଦେଶ ମେଁ’, ଶେହଯାଦେ’ ଆଦି ଫିଲ୍ମରେ ରୋମାନ୍ସ କରିଥିଲେ। ସେହିପରି ସେ ଧର୍ମେନ୍ଦ୍ରଙ୍କ ପୁଅ ସନ୍ନି ଦେଓଲଙ୍କ ସହ ‘ଭିରତା’ ଏବଂ ’ଜବରଦସ୍ତ’ ରେ କାମ କରିଛନ୍ତି।
ରାଣୀ ମୁଖାର୍ଜୀ: ୨୦୦୧ରେ ରାଣୀ ଅଭିଷେକ ବଚ୍ଚନଙ୍କ ସହ ଫିଲ୍ମ ‘ବସ୍ ଇତ୍ନା ସା ଖ୍ବାବ ହୈ, ଯୁବା, ବଣ୍ଟି ଔର ବବ୍ଲି ଏବଂ କଭି ଅଲ୍ବିଦା ନା କେହନା ରେ କାମ କରିଥିଲେ। ଉଭୟଙ୍କ କେମେଷ୍ଟ୍ରିକୁ ଖୁବ୍ ପସନ୍ଦ ମଧ୍ୟ କରାଯାଇଥିଲା। ସେହିପରି ରାଣୀଙ୍କୁ ଅଭିଷେକଙ୍କ ବାପା ଅମିତାଭ ବଚ୍ଚନଙ୍କ ସହ ଫିଲ୍ମ ବ୍ଲାକରେ ମଧ୍ୟ କାମ କରିଛନ୍ତି।
