ଦାରିଙ୍ଗବାଡି, ୯।୮(ଅରୁଣ ସାହୁ ): ଶିଶୁଙ୍କ ଶିକ୍ଷା ସହ ସ୍ବାସ୍ଥ୍ୟରେ ଉନ୍ନତି ଆଣିବା ଅପପୁଷ୍ଟି ରୋକିବା ଦିଗରେ ସରକାରଙ୍କ ପକ୍ଷରୁ ଅନେକ ଯୋଜନା କରାଯିବା ସହ ସେମାନଙ୍କ ପାଇଁ ମାଗଣା ଛତୁଆ, ଅଣ୍ଡା ସହ ବିଭିନ୍ନ ପୁଷ୍ଟିକର ଖାଦ୍ୟ ଯୋଗାଇଦିଆଯାଉଛି। ଏହି ସବୁ ଯୋଜନା ଅଙ୍ଗନବାଡି କେନ୍ଦ୍ରରେ ଶିଶୁ ଓ ପ୍ରସୂତି ମହିଳାଙ୍କ ପାଇଁ ବ୍ୟବସ୍ଥା କରାଯାଇଛି ହେଲେ କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଦୁର୍ଗମ ହାତୀମୁଣ୍ଡା ପଞ୍ଚାୟତ ପୀଡଡ଼ମା ଅଙ୍ଗନବାଡି କେନ୍ଦ୍ରରେ ଅବ୍ୟବସ୍ଥାକୁ ନେଇ ଅସନ୍ତୋଷ ଦେଖାଯାଇଛି। ଅଙ୍ଗନବାଡି କର୍ମୀ ନିମନ୍ତି ବଳିୟାରସିଂ ବିଭିନ୍ନ କାର୍ଯ୍ୟ ଦେଖାଇ କେନ୍ଦ୍ରକୁ ନିୟମିତ ଆସନ୍ତି ନାହିଁକି ଶିଶୁଙ୍କ ପାଇଁ ସରକାର ଦେଉଥିବା ବିଭିନ୍ନ ଅନୁଦାନ ଯଥା ପାଠ୍ୟ ସାମଗ୍ରୀ, କେନ୍ଦ୍ରକୁ ସୌନ୍ଦର୍ଯ୍ୟକରଣ ପାଇଁ ୱାଲ ପେଣ୍ଟ କରାଇବା ଆଦି ଅବହେଳା କରନ୍ତି ଓ ଅନୁଦାନକୁ ତୋସାରପାତ କରୁଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଗ୍ରାମବାସୀ ଏନେଇ ତାଙ୍କୁ ପଚାରିଲେ କୁଆଡେ କର୍ମୀ ଜଣକ ଧମକଚମକ ଦେଉଥିବା ଗ୍ରାମବାସୀ ଅଭିଯୋଗ କରିଛନ୍ତି। ଶିଶୁଙ୍କୁ କେନ୍ଦ୍ରକୁ ନିୟମିତ ଆସିବାପାଇଁ ଆକୃଷ୍ଟ କରାଯିବା ପାଇଁ କେନ୍ଦ୍ରରେ ୱାଲ ପେଣ୍ଟ ସହ ବିଭିନ୍ନ ଚିତ୍ର, ପାଠ୍ୟ ଉପକରଣ ନ ଥିବାରୁ ଶିକ୍ଷାରେ ବାଧାପ୍ରାପ୍ତ ହେବା ସହ କେବଳ ସହାୟକ ମାଧ୍ୟମରେ କେନ୍ଦ୍ର ପରିଚାଳନା ହେଉଛି। ଏନେଇ ଅଙ୍ଗନବାଡି କର୍ମୀ ନିମନ୍ତି ବଳିୟାରସିଂ କୁହନ୍ତି, ସେ ନିୟମିତ ଆସନ୍ତି ହେଲେ ଦୁର୍ଗମ ଅଞ୍ଚଳ ହୋଇଥିବାରୁ ଇଣ୍ଟରନେଟ ବ୍ୟବସ୍ଥା ନ ଥିବାରୁ ମୋତେ ଅନେକ ସମୟରେ ଇଣ୍ଟରନେଟ ପାଇଁ ବାହାରକୁ ଯିବାକୁ ପଡୁଛି ବୋଲି କହିଛନ୍ତି। ମୁଁ କେନ୍ଦ୍ର ଠାରୁ ଦୂରରେ ରହୁଥିବାରୁ କେନ୍ଦ୍ରରେ ବିଳମ୍ବରେ ପହଞ୍ଚିଛି ବୋଲି କହିଛନ୍ତି। ଏନେଇ ଦାରିଙ୍ଗବାଡି ସିଡିପିଓ ଅଞ୍ଜଳି ମହାପାତ୍ର କହିଛନ୍ତି , ଏ ସମ୍ପର୍କରେ ସେ ତଦନ୍ତ କରିବେ ଯଦି କେନ୍ଦ୍ର ଅନିୟମିତତାରେ ଚାଲିଥିବ ତେବେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।
