ମୃତଦେହ ରଖିବାକୁ ମର୍ଚୁରି ନାହିଁ

କାମାକ୍ଷାନଗର, ୩୧।୫(ଡି.ଏନ.ଏ.) ଢେଙ୍କାନାଳ ଜିଲା କାମାକ୍ଷାନଗର ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରରେ ମର୍ଚୁରି ନାହିଁ। ଫଳରେ ଅକସ୍ମାତ ମୃତ୍ୟୁ ଘଟୁଥିବା ରୋଗୀ ଏବଂ ପରିଚୟ ନ ଥିବା ମୃତଦେହଗୁଡ଼ିକ ଘଣ୍ଟାଘଣ୍ଟା ଧରି ବାହାରେ ପଡ଼ିରହୁଛି। ଏହାକୁ ନେଇ ଅପ୍ରୀତିକର ପରିସ୍ଥିତି ସୃଷ୍ଟି ହେଉଥିବାବେଳେ ସ୍ବାସ୍ଥ୍ୟକେନ୍ଦ୍ରକୁ ଆସୁଥିବା ରୋଗୀ ଏବଂ ସେମାନଙ୍କ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି।
ଢେଙ୍କାନାଳ ଜିଲାର ପ୍ରମୁଖ ସ୍ବାସ୍ଥ୍ୟ ପ୍ରତିଷ୍ଠାନ ମଧ୍ୟରେ କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ଅନ୍ୟତମ। ଏହା ଉପରେ କଙ୍କଡ଼ାହାଡ଼, ଭୁବନ ସମେତ ବହୁ ଗ୍ରାମାଞ୍ଚଳର ଶତାଧିକ ଜନସାଧାରଣ ନିର୍ଭର କରିଥାନ୍ତି। ବିଶେଷ କରି ହାତୀ ଆକ୍ରମଣର ଶିକାର ହେଲେ କିମ୍ବା ଦୁର୍ଘଟଣା ଘଟିଲେ ରୋଗୀ ଏଠାକୁ ବୁହା ହୋଇ ଆସିଥାଆନ୍ତି। ସେହିପରି କଙ୍କଡ଼ାହାଡ଼ ଭଳି ଆଦିବାସୀ ଅଧ୍ୟୁଷିତ ବ୍ଲକର ଗର୍ଭବତୀ, ପ୍ରସୂତିଙ୍କ ଲାଗି କାମାକ୍ଷାନଗର ଉପଖଣ୍ଡ ସ୍ବାସ୍ଥ୍ୟକେନ୍ଦ୍ର ଆଶା ଭରସା ପାଲଟିଛି। ହେଲେ ଚିକିତ୍ସାଳୟରେ ମୃତଦେହ ସଂରକ୍ଷଣ ଲାଗି ସ୍ବତନ୍ତ୍ର ଗୃହ ନ ଥିବାରୁ ଅଧିକାଂଶ ସମୟରେ ଅସ୍ବାଭାବିକ ପରିସ୍ଥିତି ସୃଷ୍ଟି ହେଉଛି। କୌଣସି କାରଣରୁ ରୋଗୀଙ୍କ ମୃତ୍ୟୁ ହେଲେ କେତେବେଳେ ଡାକ୍ତରଖାନା ବାରଣ୍ଡାରେ ତ ଆଉ କେବେ ଗଛମୂଳେ ରଖାଯାଉଛି। ଅନେକ ସମୟରେ ଡ୍ରେସିଂ ରୁମ୍‌ ନିକଟରେ ମୃତଦେହ ଦିନ ଦିନ ଧରି ରହିବା ଫଳରେ ପୂତ୍ତିଗନ୍ଧମୟ ପରିବେଶ ସୃଷ୍ଟି ହେଉଛି। କରୋନା ସମୟରେ ସ୍ବାସ୍ଥ୍ୟକେନ୍ଦ୍ରଗୁଡ଼ିକୁ ପରିଷ୍କାର ପରିଚ୍ଛନ୍ନ ରଖିବା ଉପରେ ସରକାର ଗୁରୁତ୍ୱ ଦେଉଥିବାବେଳେ ଏଠାରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି। ସେହିପରି ଅଚିହ୍ନା ମୃତଦେହଗୁଡ଼ିକ ତୁରନ୍ତ ଚିହ୍ନଟ ହୋଇ ନ ପାରିଲେ ଡାକ୍ତରଖାନା କର୍ତ୍ତୃପକ୍ଷ ପୋଲିସ ସହାୟତାରେ ପୋତି ଦେଉଛନ୍ତି। ପରିବାର ଲୋକେ ଆସିବା ପରେ ପୁନର୍ବାର ଖୋଳାଯାଇ ଶବ ବାହାର କରାଯାଉଛି, ଯାହାକୁ ନେଇ ମେଡିକାଲ କର୍ତ୍ତୃପକ୍ଷଙ୍କ ସମେତ ମୃତକଙ୍କ ସମ୍ପର୍କୀୟ ନାହିଁ ନ ଥିବା ହଇରାଣ ହେଉଛନ୍ତି। ଅପରପକ୍ଷେ ଶବଗୁଡ଼ିକ ଏଣେତେଣେ ରଖାଯିବା ଦ୍ୱାରା ରୋଗୀ ଏବଂ କୋମଳମତି ଶିଶୁଙ୍କ ମନରେ ଭୟ ସୃଷ୍ଟି ହେଉଛି। ଯନ୍ତ୍ରାଂଶ, ଉପକରଣ ଥିବା ସତ୍ତ୍ୱେ ଆବଶ୍ୟକ ଭିତ୍ତିଭୂମି ଅଭାବରୁ ଡାକ୍ତରଖାନା ପରିସରରେ ମର୍ଚୁରି କାର୍ଯ୍ୟକ୍ଷମ ହୋଇପାରୁନାହିଁ। ଗତ ଶନିବାର ଡାକ୍ତରଖାନାରେ ବିଭିନ୍ନ କାରଣରୁ ୪ଜଣଙ୍କ ମୃତ୍ୟୁ ଘଟିଥିଲା। ତନ୍ମଧ୍ୟରୁ ୩ ମୃତଦେହ ଡ୍ରେସିଂ ରୁମ ସମ୍ମୁଖରେ ଥିବା ୩ଟି ଶଯ୍ୟାରେ ରଖାଯାଇଥିଲା। ଅନ୍ୟ ଗୋଟିଏ ଡାକ୍ତରଖାନା କ୍ୟାମ୍ପସରେ ଥିବା ଏକ ଗଛମୂଳେ ରଖାଯାଇଥିଲା। ମୃତଦେହଗୁଡ଼ିକ ଏଭଳି ରଖାଯିବା ଦ୍ୱାରା କର୍ମଚାରୀ ଏବଂ ରୋଗୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା।
ସୂଚନାଯୋଗ୍ୟ, କାମାକ୍ଷାନଗରରେ ୧୮୫୬ରେ ଏକ ଚାଳ ଘରେ ପ୍ରଥମେ ଡାକ୍ତରଖାନା ଆରମ୍ଭ ହୋଇଥିଲା, ଯାହା ଏବେକାର ଚିକିତ୍ସାଳୟଠାରୁ ୩୦ ମିଟର ଦୂରରେ ଅବସ୍ଥିତ ଥିଲା। ତେବେ ଉକ୍ତ ସ୍ଥାନକୁ କେତେଜଣ ମୁଷ୍ଟିମେୟ ଲୋକ ଜବରଦଖଲରେ ରଖିଛନ୍ତି। ୧୯୨୬ରେ ନୂତନ ଡାକ୍ତରଖାନାର କୋଠା ସ୍ଥାପିତ ହୋଇଥିଲା। ଇତିମଧ୍ୟରେ ସ୍ବାସ୍ଥ୍ୟକେନ୍ଦ୍ରର କଳେବର ବଦଳିଛି। ପ୍ରତିବର୍ଷ ଭିତ୍ତିଭୂମି ବିକାଶ ନାମରେ ବହୁ ଲକ୍ଷ ଟଙ୍କା ଖର୍ଚ୍ଚ ହେଉଥିବାବେଳେ ଡାକ୍ତରଖାନାର ବଡ଼ ଆବଶ୍ୟକତା ‘ମର୍ଚୁରି’ ନିର୍ମାଣ ନ ହେବା ଜନଅସନ୍ତୋଷ ବଢ଼ାଉଛି।

ଦୀର୍ଘଦିନର ସମସ୍ୟା
କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଶବ ସଂରକ୍ଷଣ ଗୃହ ନ ଥିବା ସମସ୍ୟା ଦୀର୍ଘଦିନର। ଉପଯୁକ୍ତ ସ୍ଥାନ ନ ଥିବାରୁ ଏହା ହୋଇପାରୁନାହିଁ। ମୃତଦେହ ସଂରକ୍ଷଣ କରି ରଖାଯିବା ସୁବିଧା ନ ଥିବାରୁ ତୁରନ୍ତ ବ୍ୟବଚ୍ଛେଦ ଲାଗି ପଠାଇବାକୁ ପଡୁଛି। କରୋନା ସମୟରେ କାର୍ଯ୍ୟ ଚାପ ଭିତରେ ଅସୁବିଧା ଅନୁଭବ କରୁଛୁ।
-ଡା. ରତ୍ନାକର ସାମଲ, ଉପଖଣ୍ଡ ଚିକିତ୍ସାଧିକାରୀ

ଇଚ୍ଛାଶକ୍ତିର ଅଭାବ
କାମାକ୍ଷାନଗର ଡାକ୍ତରଖାନା କର୍ତ୍ତୃପକ୍ଷଙ୍କ ଇଚ୍ଛାଶକ୍ତି ଅଭାବରୁ ‘ମର୍ଚୁରି’ କାର୍ଯ୍ୟକ୍ଷମ ହେଉନାହିଁ। ସ୍ବାସ୍ଥ୍ୟକେନ୍ଦ୍ର ପରିସରରେ ଅନେକ ଗୃହ ଅବ୍ୟବହୃତ ହୋଇ ପଡ଼ିଛି। ସେଥିରୁ ଗୋଟିଏକୁ ଶବ ସଂରକ୍ଷଣ ଗୃହ କରାଯାଇପାରିବ। ପ୍ରଶାସନ ଏବଂ ଡାକ୍ତରଖାନା କର୍ତ୍ତୃପକ୍ଷ ଚାହିଁଲେ ଏହା ସମ୍ଭବ।
-ରଶ୍ମିରଞ୍ଜନ ଦାସ, ଅଧ୍ୟାପକ

ଯନ୍ତ୍ରପାତି ଖତ ଖାଉଛି
କାମାକ୍ଷାନଗର ଡାକ୍ତରଖାନାରେ ଡାକ୍ତରଙ୍କ ଅଭାବଠାରୁ ଆରମ୍ଭ କରି ଅନେକ ସମସ୍ୟା ଲାଗିରହିଛି। କେବଳ ବଡ଼ ବଡ଼ କୋଠା ନିର୍ମାଣ ହେଉଛି। କିନ୍ତୁ ଆବଶ୍ୟକ ଯନ୍ତ୍ରପାତି କି କର୍ମଚାରୀ ନାହାନ୍ତି। କାର୍ଯ୍ୟକ୍ଷମ ହୋଇପାରି ନ ଥିବା ଯନ୍ତ୍ରପାତି ଖତ ଖାଉଛି।
-ଆର୍ଶାଦ ଅହମ୍ମଦ, ସାମାଜିକ କର୍ମୀ

ପରିତାପର ବିଷୟ
କାମାକ୍ଷାନଗର ଉପଖଣ୍ଡରେ ଶବ ସଂରକ୍ଷଣ ଗୃହ ନ ଥିବା ପରିତାପର ବିଷୟ। ରାଜନୈତିକ ଇଚ୍ଛାଶକ୍ତିର ଅଭାବରୁ ପ୍ରଶାସନିକ ଅଧିକାରୀମାନେ କାର୍ଯ୍ୟରେ ଅବହେଳା କରୁଛନ୍ତି। ପ୍ରଶାସନ ଦୃଷ୍ଟି ଦେଇ ସମସ୍ୟାର ତୁରନ୍ତ ସମାଧାନ କରିବା ଜରୁରୀ।
-ଡ. ଆଶୁତୋଷ ପାଣିଗ୍ରାହୀ, ଅନ୍ତର୍ଜାତୀୟ ଚିତ୍ରଶିଳ୍ପୀ


Enter your email to get our daily news in your inbox.

All Right Reserved By Dharitri.Com

ରାଜ୍ୟ ଯୋଜନା ବୋର୍ଡ ପୁନର୍ଗଠନ ଚର୍ଚ୍ଚା

ଭୁବନେଶ୍ୱର,୧୨।୮(ବ୍ୟୁରୋ): ରାଜ୍ୟ ସରକାର କେତେକ ପ୍ରମୁଖ ପରିଷଦ ଗୁଡ଼ିକର ପୁନର୍ଗଠନ କରିବାକୁ ଯାଉଛନ୍ତି। ଯୋଜନା ଓ ସଂଯୋଜନା ବିଭାଗ ପକ୍ଷରୁ ଏ ନେଇ ତତ୍ପରତା ପ୍ରକାଶ...

ଆମ ଗାଁ ଆମ ବିକାଶ ଯୋଜନାରେ ପଡ଼ି ରହିଛି କାର୍ଯ୍ୟ: ୩୧୪ରୁ ଆରମ୍ଭ ହୋଇନି ୨୦୦ରୁ ଊର୍ଦ୍ଧ୍ୱ ପ୍ରକଳ୍ପ

ନୂଆଗାଁ,୧୦।୮(ଡି.ଏନ.ଏ.): ରାଜ୍ୟରେ ପ୍ରଗତିକୁ ତ୍ୱରାନ୍ବିତ କରିବା ନିମନ୍ତେ ବିଭିନ୍ନ ଯୋଜନା ମଧ୍ୟରୁ ‘ଆମ ଗାଁ ଆମ ବିକାଶ’ ମାଧ୍ୟମରେ ଗ୍ରାମାଞ୍ଚଳର ବିକାଶ ନିମନ୍ତେ ବିଭିନ୍ନ କାର୍ଯ୍ୟକ୍ରମ...

କଂଗ୍ରେସ ଅଧ୍ୟକ୍ଷାଙ୍କ ବିରୋଧରେ ଅପମାନଜନକ ମନ୍ତବ୍ୟ, ମାମଲା ଦାୟର କଲେ ନରସିଂହ

ବଲାଙ୍ଗୀର ଅଫିସ, ୨୩ା୪-ମହାରାଷ୍ଟ୍ରର ପାଲଘର ମବ୍‌ ଲିଚିଂ ଘଟଣାର ପ୍ରସାରଣରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଓ କଂଗ୍ରେସ ଦଳ ବିରୋଧରେ ଅପମାନଜନକ ମନ୍ତବ୍ୟ ରଖିଥିଲେ...

ଭୋଟ ପୂର୍ବରୁ ଚାଲିଲାଣି ବାକ୍‌ଯୁଦ୍ଧ

ଭୁବନେଶ୍ୱର,୩୦ା୯(ବ୍ୟୁରୋ) : ବିଜେପୁର ଉପନିର୍ବାଚନ ନେଇ ୩ ପ୍ରମୁଖ ଦଳର ପ୍ରାର୍ଥୀ ଚୂଡ଼ାନ୍ତ ହୋଇଛି। ଶନିବାର ବିଜେଡି ପକ୍ଷରୁ ପୂର୍ବତନ ବିଧାୟିକା ରୀତା ସାହୁଙ୍କୁ ପ୍ରାର୍ଥୀ...

ଭିମ୍‌ସାରରେ ୧୦ ବ୍ଲାକ୍‌ ଫଙ୍ଗସ୍‌ ରୋଗୀ

ସମ୍ବଲପୁର,୭ା୬ (ବ୍ୟୁରୋ): ସମ୍ବଲପୁର ଜିଲା ବୁର୍ଲାସ୍ଥିତ ଭିମ୍‌ସାରରେ ବ୍ଲାକ୍‌ ଫଙ୍ଗସ୍‌ ରୋଗୀ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି । ସୋମବାର ମିଳିଥିବା ରିପୋର୍ଟ ମୁତାବକ,...

ନିରାଶ୍ରୟଙ୍କୁ ୫ ଟଙ୍କାରେ ଖାଦ୍ୟ ପୁଡ଼ିଆ

ଛତ୍ରପୁର,୨୫ା୩(ଡି.ଏନ୍‌.ଏ.)-କରୋନା ପ୍ରତିହତ ନିମନ୍ତେ ସତର୍କତାମୂଳକ ପଦକ୍ଷେପ ସ୍ବରୂପ ସମସ୍ତ ଆହାର କେନ୍ଦ୍ରକୁ ରାଜ୍ୟ ସରକାର ବନ୍ଦ କରିଛନ୍ତି। କେବଳ ମେଡିକାଲ ପରିସରରେ ଥିବା ଆହାର କେନ୍ଦ୍ର...

ଭୁବନେଶ୍ୱରରୁ ଆଜି ପୁଣି ୭୦ କରୋନା ପଜିିଟିଭ୍‌ ଚିହ୍ନଟ

ଭୁବନେଶ୍ୱର,୯।୧୧(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ସୋମବାର ଆଉ ୭୦ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ୱାରାଣ୍ଟାଇନ୍‌ରୁ ୨୦ ଜଣ ରହିଥିବା ବେଳେ ଲୋକାଲ କେସ୍‌...

ବିପଦସଙ୍କୁଳ ଅବସ୍ଥାରେ ସୋନପୁର ରାଜପ୍ରାସାଦ

ସୋନପୁର,୨୩।୧୦(ନି.ପ୍ର.): ମହାନଦୀ କୂଳରେ ଥିବା ସୋନପୁର ରାଜପ୍ରାସାଦ ରକ୍ଷଣାବେକ୍ଷଣ ଅଭାବରୁ ଏବେ ବିପଦସଙ୍କୁଳ ଅବସ୍ଥାରେ ଅଛି। ପ୍ରତିଦିନ ରାଜପ୍ରାସାଦରୁ ଇଟା ଓ କଂକ୍ରିଟ୍‌ ଖଣ୍ଡ ଖସୁଛି।...

Advertisement
Archives

Model This Week