ଟାଙ୍କି ଅଛି, ପାଇଖାନା ନାହିଁ

ନୟାଗଡ଼ ଅଫିସ,୨୨।୧: ନୟାଗଡ଼ ଜିଲାରେ ସ୍ବଚ୍ଛ ଭାରତ ମିଶନ ଯୋଜନା ଏକପ୍ରକାର ଦିଗହରା ହୋଇଛି। ଏହି ଜିଲାର ଅଧିକାଂଶ ଗାଁରେ ପାଇଖାନା ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇନାହିଁ। ତଥାପି ବାହ୍ୟ ମଳମୁକ୍ତ ଗାଁ ଦର୍ଶାଇ ଅର୍ଥ ହଡ଼ପ କରାଯାଇଛି। ଏହାର ତଦାରଖ କରାଯାଉ ନ ଥିବାରୁ କେବଳ କାଗଜପତ୍ରରେ ଘୋଷିତ ବାହ୍ୟ ମଳମୁକ୍ତ ଗାଁ ପରିବେଶରୁ ଦୁର୍ଗନ୍ଧ ବାହାରୁଛି। ବିଭାଗୀୟ କାର୍ଯ୍ୟାନୁଷ୍ଠାନ ନ ଥିବାରୁ ଏପରି ଅବ୍ୟବସ୍ଥା ଉପରେ ଲଗାମ ରହୁନାହିଁ। ଯା’ର ନଜିର ନୂଆଗାଁ ବ୍ଲକ ମାଳିସାହି ପଞ୍ଚାୟତ ଚକାପଥର ଗାଁରେ ଦେଖିବାକୁ ମିଳୁଛି।
ଚକାପଥର ଗାଁର ଜଣେ ହିତାଧିକାରୀଙ୍କ ବାରିରେ ନିର୍ମାଣ ହୋଇଥିବା ପାଇଖାନାକୁ ସମ୍ପୂର୍ଣ୍ଣ କରାଯାଇନାହିଁ। ହେଲେ ୧୨ ହଜାର ଟଙ୍କା ବିଲ୍‌ ହୋଇଛି। କେତେଜଣ ହିତାଧିକାରୀଙ୍କ ବାରିରେ ପାଇଖାନା ନାହିଁ, କେବଳ ଟାଙ୍କି ନିର୍ମାଣ ହୋଇଛି। ଆଉ କାହା ବାରିରେ ଟାଙ୍କି ନିର୍ମାଣ ହୋଇଛି, ଅଥଚ ପାଇଖାନା ନିର୍ମାଣ ହୋଇନି। ଚକାପଥର ଗାଁରେ ପାଇଖାନା ନିର୍ମାଣ କରାଯାଇଥିବାବେଳେ ଫଳକରେ ଗାଁର ନାଁ ଢିପମାଳ ଲେଖାଯାଇଛି। ଏପରି ଅନିୟମିତତାକୁ ନେଇ ହିତାଧିକାରୀ ପ୍ରତିବାଦ କଲେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ।

ଏନେଇ ଚକାପଥର ଗାଁର ଅମର ପ୍ରଧାନ କୁହନ୍ତି, ମୋ ପାଇଖାନା ନିର୍ମାଣ ହୋଇନି। ପାଇଖାନା ଟାଙ୍କି ନନ୍ଦରେ ତିଆରି ହୋଇଥିଲା। ଏବେ ସେହି ଟାଙ୍କି ପୋତି ହେବାକୁ ବସିଛି। ପାଇଖାନା ନ ଥିବାରୁ ଆମ ପରିବାର ଲୋକେ ବାହାରେ ମଳତ୍ୟାଗ କରୁଛନ୍ତି। ଅନ୍ୟପକ୍ଷେ ମୋର ପାଇଖାନା ନିର୍ମାଣ ହୋଇ ନ ଥିଲେ ହେଁ ୧୨ ହଜାର ଟଙ୍କା ବିଲ୍‌ ହୋଇଛି। ଗାଁର ଅନ୍ତର୍ଯ୍ୟାମୀ ପ୍ରଧାନ ଓ ବୈକୁଣ୍ଠ ପ୍ରଧାନ କୁହନ୍ତି, ୨୦୧୯-୨୦ ଆର୍ଥିକ ବର୍ଷରେ ଆମ ବାରିରେ ପାଇଖାନା ନିର୍ମାଣ ହୋଇଥିଲା। ହେଲେ ଆଜି ପର୍ଯ୍ୟନ୍ତ ଟାଙ୍କି ନିର୍ମାଣ ହୋଇନି। ତେଣୁ ପାଇଖାନା କାମରେ ଲାଗୁନି। ଗାଁରେ ଆଦିବାସୀ ଓ ଅନ୍ୟ ସଂପ୍ରଦାୟର ୩୦ ପରିବାରର ୨୩୦ରୁ ଊର୍ଦ୍ଧ୍ୱ ଲୋକ ବାସ କରନ୍ତି। ସେମାନଙ୍କ ମଧ୍ୟରୁ କେବଳ ଜଣେ ୱାର୍ଡ ମେମ୍ବରଙ୍କ ପାଇଖାନା ନିର୍ମାଣ ସମ୍ପୂର୍ଣ୍ଣ ହୋଇଛି। ଅନ୍ୟ କାହାରି ପାଇଖାନା ନିର୍ମାଣ ଶେଷ ହୋଇନି। ୨ ଜନପ୍ରତିନିଧି କାମ କରିବା ନାଁରେ ପାଇଖାନା ଟଙ୍କା ହଡ଼ପ କରିଛନ୍ତି, ଯାହାକି ତଦନ୍ତସାପେକ୍ଷ ବୋଲି ସେମାନେ କହିଛନ୍ତି। ଏନେଇ ବାରମ୍ବାର ଅଭିଯୋଗ ପରେ ବି କେହି କାମ ସମ୍ପୂର୍ଣ୍ଣ କରୁନାହାନ୍ତି। ଆମେ ଆନ୍ଦୋଳନ କରିବାକୁ ନିଷ୍ପତ୍ତି ନେଇଛୁ। ଫେବୃୟାରୀ ଦ୍ୱିତୀୟ ସପ୍ତାହରେ ଆମେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେବାକୁ ନିଷ୍ପତ୍ତି ନେଇଛୁ ବୋଲି ସେମାନେ କହିଛନ୍ତି। ମଥୁରା କଅଁର କୁହନ୍ତି, ମୋ ଗାଁ ନାଁ ଚକାପଥର। ଆମ ଗାଁରେ ଯେତେସବୁ ପାଇଖାନା ନିର୍ମାଣ ହୋଇଛି, ସେଥିରେ ଠିକଣା ଢିପମାଳ ଲେଖାଅଛି। ଗାଁର ନାଁ ଭୁଲ୍‌ କାହିଁକି ଲେଖାଯାଉଛି କହିବାରୁ ଆମ କଥା କେହି ଶୁଣିଲେ ନାହିଁ। ଯଦି ଭୁଲ୍‌ ହୋଇଥିଲା ତା’ର ସଂଶୋଧନ କରାଗଲା ନାହିଁ କାହିଁକି। ତାହା ପଛରେ ଅନିୟମିତତା ଲୁଚି ରହିଥିବା ଜଣାପଡୁଛି।

ଏ ସଂକ୍ରାନ୍ତରେ ତଦନ୍ତ କରାଯାଉ। ସରପଞ୍ଚ ପର୍ଶୁରାମ ସ୍ବାଇଁ କୁହନ୍ତି, ଗାଁ ନାଁ ଢିପମାଳ ହେଉ କି ଚକାପଥର, ସେଥିରେ କିଛି ଅସୁବିଧା ନାହିଁ। ସବୁ ଲୋକଙ୍କ ପାଇଖାନା ନିର୍ମାଣ ଶେଷ ହୋଇଛି। ଆପଣ ଗାଁକୁ ଆସି ଦେଖିପାରନ୍ତି। ସବୁ ଠିକ୍‌ ଅଛି। ଆରଡବ୍ଲ୍ୟୁଏସ୍‌ଏସ୍‌ର ନିର୍ବାହୀ ଯନ୍ତ୍ରୀ ରାଜୀବ ପାଣିଗ୍ରାହୀ କୁହନ୍ତି, ଆମର ସେଥିରେ କିଛି କରିବାର କ୍ଷମତା ନାହିଁ। ଏନେଇ ବିଡିଓ ଓ ପିଡି ଡିଆରଡିଏଙ୍କୁ ପଚାରନ୍ତୁ। ସେହି ଯୋଜନାର କାମ ଶେଷ ହୋଇସାରିଛି। ପିଡି ଡିଆରଡିଏ ସୁବାସ ଚନ୍ଦ୍ର ରାୟ କୁହନ୍ତି, ଚକାପଥର ଗାଁରେ ନିର୍ମାଣ ହୋଇଥିବା ପାଇଖାନା କାମରେ ଏପରି ଅନିୟମିତତା ହୋଇଥିବା ସଂକ୍ରାନ୍ତରେ ଅବଗତ ନ ଥିଲି। ଏନେଇ ବିଡିଓଙ୍କ ସହ ଆଲୋଚନା ପରେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ସେ କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

ବାତ୍ୟା ଅକ୍ୱାନ; ୨୦ରେ ଲ୍ୟାଣ୍ଡଫଲ୍, ୧୩୦ କିମି ବେଗରେ ବହିବ ପବନ!

ଭୁବନେଶ୍ୱର, ୧୬ା୧୧: ଦକ୍ଷିଣ-ପୂର୍ବ ବଙ୍ଗୋପସାଗରରେ ସକ୍ରିୟ ଥିବା ସ୍ପଷ୍ଟ ଚିହ୍ନିତ ଲଘୁଚାପ ଅଧିକ ଘନୀଭୂତ ହୋଇ ରବିବାର ଅବପାତରେ ପରିଣତ ହୋଇଛି। ସୋମବାର ସନ୍ଧ୍ୟା ସୁଦ୍ଧା ଏହା…

ବିଳମ୍ବରେ ଉଠୁଛନ୍ତି କି? ହୋଇପାରେ ଏହି ବଡ଼ ସମସ୍ୟା

ଠିକ୍‌ ସମୟରେ ଖାଇବା ଏବଂ ଶୋଇବା ଆମକୁ ଅନେକାଂଶରେ ସୁସ୍ଥ ରଖିଥାଏ। ହେଲେ କେତେକ ବ୍ୟକ୍ତି ବିଳମ୍ବରେ ଖାଦ୍ୟ ଖାଇବା ଏବଂ ଶୋଇବାକୁ ଅଭ୍ୟାସରେ ପରିଣତ କରିଦେଇଥାଆନ୍ତି।…

ମୃତ୍ୟୁ ପୂର୍ବରୁ ନିଜ ଶ୍ରାଦ୍ଧ କରାଇଲେ ୮୦ ବର୍ଷୀୟ ବୃଦ୍ଧ; ୯୦୦ ଲୋକଙ୍କୁ ଦେଲେ ଭୋଜି, ଅଞ୍ଚଳରେ ଚର୍ଚ୍ଚା

ଲକ୍ଷ୍ନୌ,୧୬।୧୧: ସାଧାରଣତଃ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ଶ୍ରାଦ୍ଧ ଭୋଜିର ଆୟୋଜନ କରାଯାଏ । କିନ୍ତୁ ଉତ୍ତରପ୍ରଦେଶର ବାଗପତ ଜିଲା ଜୋହଡ଼ି ଗାଁରେ ଏକ ନିଆରା ଘଟଣା…

ବିବାହ ପାଇଁ କୋର୍ଟ କିମ୍ବା ପୁରୋହିତଙ୍କ ନିକଟକୁ ଯିବାର ଆବଶ୍ୟକତା ନାହିଁ! Self-Respect Wedding)କ’ଣ? ଯାହା ଏବେ ଟ୍ରେଣ୍ଡ କରୁଛି?

ନୂଆଦିଲ୍ଲୀ,୧୬।୧୧: ଆଜିକାଲିର ଆଧୁନିକ ଯୁଗରେ, ବିବାହ କେବଳ ପାରମ୍ପରିକ ‘ସାତ ଫେରା’ କିମ୍ବା ରୀତିନୀତି ମଧ୍ୟରେ ସୀମିତ ହୋଇ ରହିନାହିଁ; ବିବାହ କରିବାର ଧାରାରେ ପରିବର୍ତ୍ତନ ଆସୁଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?