କଳିଙ୍ଗନଗର,୨ା୧(ଡି.ଏନ.ଏ.):ଯାଜପୁର ଗ୍ରାମ୍ୟ ଉନ୍ନୟନ ବିଭାଗ ଅଧୀନ ଯାଜପୁର ରୋଡ ଗ୍ରାମ୍ୟ ଉନ୍ନୟନ ସବ୍ଡିଭିଜନ ଅଧୀନରେ ଥିବା ଭିକିପୁର-ପହଙ୍ଗା ଗ୍ରାମ୍ୟ ଉନ୍ନୟନ ରାସ୍ତା ନିର୍ମାଣରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି ା ଏହି ରାସ୍ତା ଉପରେ ରସୁଲପୁର,କୋରେଇ ଏବଂ ଦାନଗଦୀ ବ୍ଲକର ଲୋକମାନେ ନିର୍ଭର କରିଥାନ୍ତିି ା ହେଲେ ଦୀର୍ଘଦିନ ହେବ ସେହି ରାସ୍ତାଟି ମରଣଯନ୍ତା ପାଲଟିଛି ା ଏନେଇ ସ୍ଥାନୀୟ ଲୋକେ ଅଭିଯୋଗ କରିବା ପରେ ବି କୌଣସି କାର୍ଯ୍ୟାନୁଷ୍ଠାନ ହୋଇ ନ ଥିଲା ା ଏ ସଂକ୍ରାନ୍ତରେ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ବିଭାଗୀୟ ତପତ୍ରତା ପ୍ରକାଶ ପାଇଥିଲା ା ଏନେଇ ୮ ଲକ୍ଷ ୮୪ ହଜାର ୬ଶହ ୮୪ଟଙ୍କାର ଟେଣ୍ଡର ଆହ୍ବାନ କରାଯାଇଥିଲା ା ଇତିମଧ୍ୟରେ ଟେଣ୍ଡର ଅବଧି ଶେଷ ହୋଇଛି ା ହେଲେ କାମ ଆରମ୍ଭ ହୋଇ ନ ଥିଲା ା ଅବଧି ଶେଷର ପ୍ରାୟ ଦୁଇ ମାସ ପରେ ତରବରିଆଭାବେ ଜଣେ ଠିକାଦାର ନିଜ ଇଛା ମୁତାବକ କାମ କରୁଥିବା ଅଭିଯୋଗ ହୋଇଛି ା ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା କାର୍ଯ୍ୟସ୍ଥଳରେ ବିଭାଗୀୟ ଯନ୍ତ୍ରୀ ଏବଂ ଏସ୍ଡିଓ କିମ୍ବା କର୍ମଚାରୀଙ୍କ ଉପସ୍ଥିତ ରହୁ ନାହାନ୍ତି ା ଏହାକୁ ନେଇ ସ୍ଥାନୀୟ ଅଞ୍ଚଳରେ ପ୍ରତିକ୍ରିୟା ପ୍ରକାଶ ପାଇଛି ା
ଗ୍ରାମ୍ୟ ଉନ୍ନୟନ ବିଭାଗ ଅଟକଳ ଅନୁଯାୟୀ, ଏହି ରାସ୍ତାର ଭଙ୍ଗା ପିଚୁ ଅଂଶକୁ ୫୦ ମିମି ଖୋଳି ୧୦୦୦ମିଟର ଦୂରତାରେ ପକାଇବାର ନିୟମ ରହିଛି ା ହେଲେ ଠିକାଦାର ଅଟକଳ ଅନୁଯାୟୀ ନ ଖୋଳି ତାକୁ ରାସ୍ତା କଡ଼ରେ ପକାଇଦେଇଛନ୍ତି। ସେହିପରି ଭିକିପୁର ପଟୁ ଆରମ୍ଭ କରାଯାଇଥିବା କାର୍ଯ୍ୟସ୍ଥଳର କିଛି ଢଳାଇ ଅଂଶ ପାଇପ ବିଛା ବେଳେ ଭାଙ୍ଗିଯାଇଥିଲା ା ତାକୁ ଅଣଦେଖା କରି ଠିକାଦାର ଏବଂ ବିଭାଗ କାର୍ଯ୍ୟ କରୁଛନ୍ତି ା ସବୁଠାରୁ ଗୁରୁତ୍ୱପୂର୍ଣ୍ଣ ପିଚୁ କାର୍ଯ୍ୟ କରାଯିବା ପୂର୍ବରୁ ରାସ୍ତାରୁ ଧୂଳି ସଫା କରିବା ଓ ଇମୁଲେଶନ ପ୍ରେସର ଡଷ୍ଟ୍ରିବୁଟର ମାଧ୍ୟମରେ ଟ୍ରାକ୍ କୋଟ ପକାଯିବାର ବିଭାଗୀୟ ନିର୍ଦ୍ଦେଶ ରହିଥିଲେ ମଧ୍ୟ ଠିକାଦାର ଏଥିପ୍ରତି କର୍ଣ୍ଣପାତ କରୁନାହାନ୍ତି ା ସେହିପରି ପିଚୁ ରାସ୍ତାରେ ବିଛାଇବା ନିମନ୍ତେ ମେକାନିକାଲ ପେଭର ଫିନିସରର ବ୍ୟବହାର ଓ ରାସ୍ତା ମରାମତି ପାଇଁ ଅଟକଳରେ ସ୍ବଷ୍ଟ ଭାବେ ଉଲ୍ଲେଖ ରହିଥିଲେ ମଧ୍ୟ ଠିକାଦାର ଟ୍ରଲି ମାଧ୍ୟମରେ ପରିବହନ କରି ମନଇଛା କାର୍ଯ୍ୟ କରୁଛନ୍ତି ା ସେହିପରି ରୋଲିଂ କାର୍ଯ୍ୟ ଠିକ୍ ଭାବେ ହେଉନାହିଁ ା ରାସ୍ତାର ଦୁଇ ପାର୍ଶ୍ୱରେ ମୋଟା ଭାଗ ପିଚୁ ପକାଇ ସଠିକ କାର୍ଯ୍ୟ କରାଯାଉଥିବା ଭଳି ଲୋକଙ୍କ ଧ୍ୟାନ କେନ୍ଦ୍ରିତ କରୁଛନ୍ତି ା ଗୁରୁତ୍ୱପୂର୍ଣ୍ଣ ପିଚୁ ବିଛା କାର୍ଯ୍ୟ ସମୟରେ ବିଭାଗୀୟ ଯନ୍ତ୍ରୀ କିମ୍ବା ଉପରିସ୍ଥ ଅଧିକାରୀଙ୍କ ଅନୁପସ୍ଥିତକୁ ନେଇ ସାଧାରଣରେ ବିରୋଧାଭାସ ସୃଷ୍ଟି ହୋଇଛି ା ଠିକାଦାର ଯନ୍ତ୍ରୀ ମଧୁଚନ୍ଦ୍ରିକାରେ ଏହି କାର୍ଯ୍ୟ କରାଯାଉଥିବା ଆଲୋଚନା ଜୋର ଧରିଛି ା ଗ୍ରାମ୍ୟ ଉନ୍ନୟନ ବିଭାଗ ଅଟକଳ ଅନୁଯାୟୀ ୦.୦୬ କ୍ୟୁ.ମି. ସିଲ ସହିତ ୬.୭ ମି.ମି.ର ଚିପ୍ସ ବ୍ୟବହାର କରି ରାସ୍ତା ନିର୍ମାଣ କରିବାର ଅଟକଳ ରହିଥିଲେ ମଧ୍ୟ ସମ୍ପୃକ୍ତ ଠିକାଦାର ମାତ୍ର ୨ ମି.ମି. ଅନୁସାରେ କାର୍ଯ୍ୟ କରି ବିଲ ହାତେଇନେବାକୁ ମସୁଧା ଚଳାଇଛି ା ଗ୍ରାମ୍ୟ ଉନ୍ନୟନ ବିଭାଗର କାର୍ଯ୍ୟ ଏପରି କରାଯାଉଛି ଯେ ରାସ୍ତାର ସ୍ଥାୟିତ୍ୱକୁ ନେଇ ଆରମ୍ଭରୁ ପ୍ରଶ୍ନ ଉଠିଛି ା ଏହି ରାସ୍ତାଟି ଏବର ରାଜ୍ୟ ସରକାରଙ୍କ ଗ୍ରାମ୍ୟ ଉନ୍ନୟନ ମନ୍ତ୍ରୀଙ୍କ ପୂର୍ବ ନିର୍ବାଚନମଣ୍ଡଳୀର ଏକ ଗୁରୁତ୍ୱପୂର୍ଣ୍ଣ ଏବଂ ବ୍ୟସ୍ତବହୁଳ ରାସ୍ତା ହୋଇଥିବାରୁ ସେ ଏ ଦିଗରେ ଧ୍ୟାନ ଦେବାକୁ ସାଧାରଣରେ ଦାବି ହେଉଛି ା ଏନେଇ ଯାଜପୁର ଗ୍ରାମ୍ୟ ଉନ୍ନୟନ ଅଧୀକ୍ଷଣ ଯନ୍ତ୍ରୀ ଜ୍ଞାନରଞ୍ଜନ ନାୟକଙ୍କୁ ଯୋଗାଯୋଗ କରାଯିବାରୁ ସେ ପ୍ରକାଶିତ ଖବରକୁ ମିଛ ବୋଲି କହିବା ସହ ଆମେ କାର୍ଯ୍ୟସ୍ଥଳରେ ରହିବାକୁ ବାଧ୍ୟ ନୁହଁ ବୋଲିି କହିଥିଲେ ା
