ଭଣ୍ଡାରିପୋଖରୀ,୧୩।୮(ସ୍ବ.ପ୍ର.): ଲଘୁଚାପଜନିତ ବର୍ଷା ଯୋଗୁ ବୈତରଣୀ ନଦୀର ଜଳସ୍ତର ମଙ୍ଗଳବାର ରାତିଠାରୁ ବଢ଼ିବା ଆରମ୍ଭ କରିଥିଲା। ନଦୀର ଆଖୁଆପଦା ଆନିକଟଠାରେ ବିପଦ ସଙ୍କେତ ୧୭.୮୩ ମିଟର ଥିବାବେଳେ ଶୁକ୍ରବାର ଦିନ ଗୋଟାଏ ସୁଦ୍ଧା ଜଳସ୍ତର ୧୭.୭୩ ମିଟର ଛୁଇଁଥିଲା। ତେବେ ଅପରାହ୍ନ ୨ଟାଠାରୁ ଜଳସ୍ତର ହ୍ରାସ ପାଇଛି। ରାତି ୯ଟା ସୁଦ୍ଧା ୧୭.୬୨ ମିଟରକୁ ଖସିଛି। ଉପରମୁଣ୍ଡରେ ବର୍ଷା ଲାଗି ରହିଛି। ଗତ ୨୪ ଘଣ୍ଟା ମଧ୍ୟରେ ଆଖୁଆପଦାଠାରେ ସର୍ବନିମ୍ନ ୭.୮ ମିମି ଓ ଚମ୍ପୁଆଠାରେ ସର୍ବାଧିକ ୬୧.୨ ମିମି ବର୍ଷା ହୋଇଥିବା ରେକର୍ଡ କରାଯାଇଛି। ତେବେ ବୈତରଣୀରେ ଜଳସ୍ତର କମୁଥିବା ଆଖୁଆପଦା ଜଳସେଚନ ବିଭାଗ ଏସ୍ଡିଓ ଶଙ୍କର୍ଷଣ ବେହେରା ସୂଚନାଦେଇଛନ୍ତି।
