ଦଶମନ୍ତପୁର,୧୫ା୮ ( ଡି.ଏନ.ଏ.):୫ବର୍ଷର ଅବଧି ଶେଷ ହୋଇ ଯାଇଥିଲେ ହେଁ ନିର୍ମାଣ ସରୁନି ଚବେରି ନଦୀ ପୋଲ ନିର୍ମାଣ। ଜିଲା ଏବଂ ବ୍ଲକ ପ୍ରଶାସନର ଖାମଖିଆଲ ମନୋଭାବ ଯୋଗୁ ମଧୁବିଶାଳୀ ଗ୍ରାମବାସୀ ଜଳବନ୍ଦୀ ଜୀବନ ବିତାଉଛନ୍ତି । କୋରାପୁଟ ଜିଲା ଦଶମନ୍ତପୁର ବ୍ଳକରେ ଏପରି ଦେଖିବାକୁ ମିଳିଛି। ୭୬.୦୫ ମିଟର ବିଶିଷ୍ଟ ଏହି ହାଇଲେବଲ ପୋଲ ପାଇଁ ସରକାରଙ୍କ ପକ୍ଷରୁ ୨ କୋଟି ୭୭ ଲକ୍ଷ ୮୦ ହଜାର ଟଙ୍କା ବ୍ୟୟ ଅଟକଳ କରାଯାଇଛି। ନିର୍ମାଣ କାର୍ଯ୍ୟ ଏନବିସିସି ଠିକାସଂସ୍ଥାର ମା’ଭଗବତୀ କନଷ୍ଟ୍ରକସନ କରୁଛି। ଏହି ପୋଲ କାର୍ଯ୍ୟ ୭ା୮ା୨୦୧୭ରେ ଆରମ୍ଭ ହୋଇଥିବା ବେଳେ ୬ା୧୨୦୧୯ରେ ସରିବାକୁ ସୂଚନା ଫଳକରେ ଦର୍ଶାଯାଇଛି। ପୋଲ ନିର୍ମାଣରେ ମନ୍ଥରତା ଯୋଗୁ ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ ଏବଂ ଗମନାଗମନ ସହ ଅନ୍ୟାନ୍ୟ ଯୋଜନାରୁ ସେମାନେ ଉପକୃତ ହୋଇପାରୁ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ମଧୁବିଶାଳୀ ଗ୍ରାମ ଦେଇ ପୋଲ ଉପରେ ଯାତାୟାତ ଲାଗି ୭ ଖଣ୍ଡ ଗ୍ରାମବାସୀ ନିର୍ଭର କରୁଛନ୍ତି। ଏହି ନଦୀ ବ୍ୟତୀତ ଯାତାୟାତର ସୁବିଧା ଅନ୍ୟ କିଛି ନ ଥିବାରୁ ନଥିବାରୁ ଜରୁରୀ କାର୍ଯ୍ୟ ପଡ଼ିଲେ ବର୍ଷା ଦିନେ ନଦୀରେ ଜୀବନକୁ ବାଜି ଲଗାଇ ଲେକେ ଯାତାୟାତ କରିଥାନ୍ତି। ଗ୍ରାମରେ କୌଣସି ଗର୍ଭବତୀ ଓ ପ୍ରସୂତି ମହିଳା କିମ୍ବା ଅନ୍ୟକେହି ରୋଗରେ ପୀଡିତ ହେଲେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି ବୋଲି ଅଞ୍ଚଳବାସୀ ଅଭିଯୋଗ ଜଣାଇଛନ୍ତି। ତେବେ ଜିଲା ପ୍ରଶାସନ ଏବଂ ବିଭାଗୀୟ ଅଧିକାରୀ ଏଥିପ୍ରତି ଦୃଷ୍ଟି ଦେଇ ଖୁବ ଶୀଘ୍ର ପୋଲ ନିର୍ମାଣ କାର୍ଯ୍ୟ ଶେଷ କରିବାକୁ ଗ୍ରାମବାସୀ ଦାବି କରିଛନ୍ତି। ନଚେତ ସେମାନେ ଜିଲପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି। ଏ ସମ୍ପର୍କରେ ପଚାରିବାକୁ ବିଭାଗୀ ଅଧିକାରୀଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ଯୋଗାଯୋଗ ସମ୍ଭବ ହୋଇ ନ ଥିଲା। ସେହିପରି କାର୍ଯ୍ୟସ୍ଥଳରେ କର୍ଯ୍ୟ ତଦାରଖ କରୁଥିବା ସୁପରଭାଇଜରଙ୍କୁ ପଚାରିବାରୁ ସେ କ ମୁଁ କ’ଣ କରିବି ବୋଲି କହି ନିଜର ଅସହାୟତା ପ୍ରକାଶ କରିଥିଲେ।
