ଦାରିଙ୍ଗବାଡି,୧।୭ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ଥାନା ଦେଇ ଯାଇଥିବା ୫୯ ନଂ ଜାତୀୟ ରାଜପଥର ସିମନବାଡି ପଞ୍ଚାୟତ ବୁଡ଼ାଗୁଡା ଛକରେ ଏକ କାର ଦୁର୍ଘଟଣାଗ୍ରସ୍ତ ହୋଇଛି। କାରରେ ଯାତ୍ରା କରୁଥିବା ୪ ଜଣ ଆହତ ହୋଇଛନ୍ତି। ତାଙ୍କୁ ସ୍ଥାନୀୟ ଲୋକ ପହଞ୍ଚି ଦାରିଙ୍ଗବାଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତରମାନେ ଆନ୍ଦୋଳନରେ ଥିବାରୁ ଆୟୁଷ ଡାକ୍ତର ପୁର୍ଣ୍ଣେନ୍ଦୁ ପାଢ଼ୀ ତାଙ୍କୁ ଚିକିତ୍ସା କରିଥିଲେ। ଆହତଙ୍କ ମଧ୍ୟରେ ଦାରିଙ୍ଗବାଡି ତହସିଲ କାର୍ଯ୍ୟାଳୟର ମୁଖ୍ୟ କିରାଣୀ ବଳଭଦ୍ର ଯାନୀ, ବ୍ଲକ କାର୍ଯ୍ୟାଳୟର ସିନିୟର କ୍ଲର୍କ ସ୍ମୃତିରଞ୍ଜନ ମହାପାତ୍ର,ଜୁନିୟର ସନ୍ତୋଷ ବେହେରା ଏବଂ ଜଣେ ମହିଳା ରହିଥିଲେ।
ପ୍ରକାଶ ଯେ, ଫୁଲବାଣୀରୁ କାର ନଂ (ଓଡି ୦୨ସିସି୨୯୩୫) ଦାରିଙ୍ଗବାଡି ଅଭିମୁଖେ ଆସୁଥିଲେ। ପ୍ରାୟ ଫୁଲବାଣୀରୁ ୯୦କିମି ଦୂରତା ଆସିବା ପରେ ପ୍ରାୟ ୧୩ କିମି ଆଉ ଦାରିଙ୍ଗବାଡି ପହଞ୍ଚିବାକୁ ରହିଥିବା ବେଳେ ବର୍ଷାରେ ବ୍ରେକ ଦେବାରୁ ଗାଡିଟି ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ଜଣାପଡିଛି।
Dharitri – Odisha’s No.1 Odia Daily
