ଶିକ୍ଷକଙ୍କୁ ଧାରୁଆ ଅସ୍ତ୍ରରେ ମାରିଲେ ମାନସିକ ବିକୃତ ବ୍ୟକ୍ତି
6:46 pmDecember 24, 2021December 24, 2021

ରାୟଗଡ଼ା ଅଫିସ,୨୪।୧୨: ରାୟଗଡା ଜିଲା କାଶୀପୁର ବ୍ଲକ ଦୋରାଗୁଡ଼ା ଥାନା ଅନ୍ତର୍ଗତ ତୁରେଇଘାଟି ଗ୍ରାମରେ ଜଣେ ମାନସିକ ବିକୃତ ବ୍ୟକ୍ତିଙ୍କ ଆକ୍ରମଣରେ ଶିକ୍ଷକଙ୍କ ମୃତ୍ୟୁ ଘଟିଛି। ମୃତ ଶିକ୍ଷକ ହେଲେ ମୁକୁନ୍ଦ ପ୍ରସାଦ ନାଥଶର୍ମା । ତାଙ୍କ ଘର ଡଙ୍ଗାସିଲ ଗ୍ରାମରେ ।
ସୂଚନାଯୋଗ୍ୟ, ମୁକୁନ୍ଦ ସବୁଦିନ ଭଳି ଶୁକ୍ରବାର ନିଜ ସାଇକେଲରେ ତୁରେଇଘାଟି ବିଦ୍ୟାଳୟ ଯାଇଥିଲେ । ବିଦ୍ୟାଳୟ କାମ ଶେଷ କରି ଘରକୁ ଫେରିବା ବେଳେ ଜଣେ ମାନସିକ ବିକୃତ ବ୍ୟକ୍ତି ତାଙ୍କ ଉପରେ ଆକ୍ରମଣ କରିଥିଲେ । ସେ ଏକ ଧାରୁଆ ଅସ୍ତ୍ରରେ ମୁକୁନ୍ଦଙ୍କ ଉପରେ ଆକ୍ରମଣ କରିଥିଲେ । ଫଳରେ ମୁକୁନ୍ଦ ଗୁରୁତର ହୋଇଥିଲେ । କିଛି ସମୟ ମଧ୍ୟରେ ତାଙ୍କର ମୃତ୍ୟୁ ଘଟିଥିଲା। ଖବରପାଇ କାଶୀପୁର ବ୍ଲକ ଅଞ୍ଚଳର ଶିକ୍ଷକ ସମେତ ପୋଲିସ ଘଟଣାସ୍ଥଳରେ ପହଞ୍ଚିଥିବା ଜଣାପଡିଛି ।