ବ୍ୟବସ୍ଥିତ ନୁହେଁ ବ୍ୟବସ୍ଥା

ଅନୁଗୋଳ ଅଫିସ, ୫ା୮:  ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ଆସୁଥିବା ରୋଗୀ ଓ ସମ୍ପର୍କୀୟଙ୍କୁ କରାଯାଉଛି ଶୋଷଣ। ଏଠାରେ ବୁଲୁଥିବା ଦଲାଲମାନେ ସହଯୋଗ ଆଳରେ ସେମାନଙ୍କୁ ଠକେଇ କରୁଛନ୍ତି। କେତେବେଳେ ସରକାରୀ ଯୋଜନାରେ ଉପକୃତ କରାଇଦେବାକୁ କହି ଟଙ୍କା ନେଉଛନ୍ତି ତ ଆଉ କେବେ ଔଷଧ ଆଣିଦେବା ବାହାନାରେ ଗାଡ଼ି ନେଇ ଫେରାର ହୋଇଯାଉଛନ୍ତି। ଏପରି କି ଦିନବେଳା ବିଭିନ୍ନ ଓ୍ବାର୍ଡ ଏବଂ ଓଟି ନିକଟରୁ ଚୋରି ହେଉଥିବା ଦେଖାଯାଉଛି। ବାରମ୍ବାର ଏପରି ଘଟଣା ଘଟୁଥିଲେ ମଧ୍ୟ ଏହାକୁ ରୋକିବା ଦିଗରେ ଆବଶ୍ୟକ ପଦକ୍ଷେପ ଗ୍ରହଣ କରାଯାଉ ନାହିଁ। ମେଡିକାଲର ସୁରକ୍ଷା ବ୍ୟବସ୍ଥାକୁ ବ୍ୟବସ୍ଥିତ କରାଯାଉ ନ ଥିବାରୁ ଏହାର ସୁଯୋଗ ଦଲାଲ ଓ ଚୋରମାନେ ଉଠାଉଥିବା ଅଭିଯୋଗ ହେଉଛି।
ଗତ ଜାନୁୟାରୀ ୧୦ ତାରିଖରୁ ଜିଲା ମୁଖ୍ୟ ଚିକିତ୍ସାଳୟର ସୁରକ୍ଷା ଦାୟିତ୍ୱ ଏକ ଠିକା ସଂସ୍ଥାକୁ ଦିଆଯାଇଛି। ଏଠାରେ ମୋଟ୍‌ ୮୪ ଜଣ ସୁରକ୍ଷା କର୍ମୀ ନିୟୋଜିତ ହେବା କଥା। ସେମାନଙ୍କ ମଧ୍ୟରୁ ୬ ଜଣ ସୁପରଭାଇଜର ଓ ଅବଶିଷ୍ଟ ୭୮ ଜଣଙ୍କୁ ସୁରକ୍ଷା ଦାୟିତ୍ୱ ଦିଆଯିବା କଥା। କିନ୍ତୁ ସେମାନଙ୍କ ମଧ୍ୟରୁ ପାଖାପାଖି ୫୦ ଜଣ ସୁରକ୍ଷା କାର୍ଯ୍ୟରେ ନିୟୋଜିତ ରହିଛନ୍ତି। କେହି ଦିନିକିଆ କିମ୍ବା ସାପ୍ତାହିକ ଛୁଟିରେ ଗଲେ, ଉକ୍ତ ସ୍ଥାନ ଭରଣା ହୋଇପାରୁ ନାହିଁ। ଫଳରେ ସୁଯୋଗ ପାଇ ମେଡିକାଲ ମଧ୍ୟକୁ ଦଲାଲ୍‌ ଓ ଚୋରମାନେ ପ୍ରବେଶ କରି ରୋଗୀ ଏବଂ ସମ୍ପର୍କୀୟମାନଙ୍କୁ ଟାର୍ଗେଟ୍‌ କରୁଛନ୍ତି। ରୋଗୀ ନେଇ ଆସୁଥିବା ସମ୍ପର୍କୀୟଙ୍କ ସାମଗ୍ରୀ ବା ଟଙ୍କା ଚୋରି କରୁଛନ୍ତି। ବହୁ ସଂଖ୍ୟାରେ ଦଲାଲ୍‌ ଚିକିତ୍ସାଳୟ ପରିସରରେ ଆଡ୍ଡା ଜମାଇବା ସହ ଆସୁଥିବା ରୋଗୀଙ୍କୁ ସରକାରୀ ଯୋଜନାରେ ଟଙ୍କା ମିଳିବ ବୋଲି କହି ପ୍ରଲୋଭିତ କରୁଛନ୍ତି। ଏଥିପାଇଁ କିଛି ଅର୍ଥ ହାତଗୁଞ୍ଜା ଦେବାକୁ ହେବ କହି ଟଙ୍କାତକ ନେଇ ପଳାଇ ଯାଉଛନ୍ତି। କେତେବେଳେ ମେଡିସିନ୍‌ ଓ ରକ୍ତ ଆଣିଦେବା ଆଳରେ ମଧ୍ୟ ରୋଗୀ ଓ ସମ୍ପର୍କୀୟଙ୍କଠାରୁ ଦଲାଲମାନେ ଟଙ୍କା ନେଉଛନ୍ତି। ଗତ ଜୁଲାଇ ମାସରେ ଏପରି ୩ଟି ଘଟଣା ନଜରକୁ ଆସିଛି। ଦୁଇଟି ଘଟଣାରେ ଦୁଇଜଣଙ୍କୁ କାବୁ କରାଯାଇଛି, ଅନ୍ୟ ଜଣଙ୍କର ସନ୍ଧାନ ମିଳିନାହିଁ। ମେଡିକାଲରେ ବହୁ ଗୁରୁତ୍ୱପୂର୍ଣ୍ଣ ବିଭାଗ ସହ କୋଟି କୋଟି ଟଙ୍କାର ସାମଗ୍ରୀ ରହିଛି। କୋଭିଡ୍‌ ଭାକ୍ସିନ୍‌ ଷ୍ଟକ୍‌ ରଖାଯାଉଛି। କିନ୍ତୁ ଢିଲା ସୁରକ୍ଷା ବ୍ୟବସ୍ଥା ଯୋଗୁ ଏସବୁ ସାମଗ୍ରୀର ଉପଯୁକ୍ତ ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ସୁରକ୍ଷା ଦାୟିତ୍ୱ ନେଇଥିବା ଠିକା ସଂସ୍ଥାର ମନମାନି ଓ ମେଡିକାଲ କର୍ତ୍ତୃପକ୍ଷଙ୍କ ଅବହେଳା କାରଣରୁ ରୋଗୀ ଶୋଷଣ ଘଟଣା ବଢ଼ୁଥିବା କୁହାଯାଉଛି। ଠିକା ସଂସ୍ଥା ପକ୍ଷରୁ ସୁରକ୍ଷା କର୍ମଚାରୀଙ୍କୁ ଠିକ୍‌ ଭାବେ ଦରମା ଦିଆଯାଉ ନାହିଁ। ଏହାର ପ୍ରତିବାଦ କଲେ ଚାକିରିରୁ ବିଦା କରି ଦିଆଯିବ ବୋଲି ସଂସ୍ଥା ନାଲି ଆଖି ଦେଖାଉଥିବା କେତେଜଣ ସୁରକ୍ଷା କର୍ମଚାରୀ କହିଛନ୍ତି। ଏ ସମ୍ପର୍କରେ ଯୋଗାଯୋଗ ସମ୍ଭବ ନ ହେବାରୁ ଠିକା ସଂସ୍ଥାର ପ୍ରତିକ୍ରିୟା ମିଳିପାରି ନାହିଁ।

କର୍ଣ୍ଣପାତ କରୁନି ସଂସ୍ଥା
ବିଭିନ୍ନ ସମୟରେ ଅବ୍ୟବସ୍ଥା ଦେଖାଦେଲେ ସୁରକ୍ଷାକାର୍ଯ୍ୟ ନେଇଥିବା ଠିକା ସଂସ୍ଥାକୁ ତାଗିଦ୍‌ କରାଯାଉଛି। କିନ୍ତୁ ସଂସ୍ଥା କର୍ତ୍ତୃପକ୍ଷ କର୍ଣ୍ଣପାତ କରୁନାହାନ୍ତି। ପୂର୍ଣ୍ଣମାତ୍ରାରେ ସୁରକ୍ଷାକର୍ମୀ ନିୟୋଜିତ କରିବାକୁ ଲିଖିତ ଭାବେ ଅବଗତ କରାଯାଇଛି। ଏଥିରେ ଅବହେଳା ହେଲେ ପରବର୍ତ୍ତୀ ପନ୍ଥା ପାଇଁ ଉଚ୍ଚ କର୍ତ୍ତୃପକ୍ଷଙ୍କୁ ସୁପାରିସ କରାଯିବ।
-ଦେବାଶିଷ ଦାସ, ମେଡିକାଲ ପରିଚାଳକ

ଚୋରି ହେଉଥିବାରୁ ଭୟ ଲାଗୁଛି
ଜିଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କ ବିଭିନ୍ନ ସାମଗ୍ରୀ, ଟଙ୍କା ଚୋରି ହେଉଥିବା ପୂର୍ବରୁ ଶୁଣିଛୁ। ତେଣୁ କାଳେ କେତେବେଳେ ଏପରି ଘଟଣା ଆମ ସହିତ ଘଟିବ, ତାହାକୁ ନେଇ ଭୟ ଲାଗୁଛି। କର୍ତ୍ତୃପକ୍ଷ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କଲେ ଏପରି ଭୟରୁ ଆମକୁ ମୁକ୍ତି ମିଳନ୍ତା।
-ରାକେଶ ପ୍ରଧାନ, ରୋଗୀଙ୍କ ସମ୍ପର୍କୀୟ

ସତର୍କଦୃଷ୍ଟି ରଖନ୍ତୁ ସୁରକ୍ଷାକର୍ମୀ
ମେଡିକାଲର ସୁରକ୍ଷା ବ୍ୟବସ୍ଥା ଢିଲା ଥିବାରୁ ବାରମ୍ବାର ଚୋରି ଘଟଣା ଘଟୁଛି। ଦଲାଲମାନେ ରୋଗୀ ଓ ସେମାନଙ୍କ ସମ୍ପର୍କୀୟଙ୍କ ନିକଟରେ ପହଞ୍ଚୁଛନ୍ତି। ସୁରକ୍ଷା କର୍ମୀମାନେ ଏହା ଉପରେ ସତର୍କ ଦୃଷ୍ଟି ରଖିଲେ ରୋଗୀମାନେ ଏପରି ସ୍ଥିତିରେ ପଡ଼ି ଶୋଷଣର ଶିକାର ହୁଅନ୍ତେ ନାହିଁ।
-ସୁନୀଲ ଦେହୁରୀ, ରୋଗୀଙ୍କ ସମ୍ପର୍କୀୟ

ଗ୍ରାମାଞ୍ଚଳ ଲୋକଙ୍କୁ ଟାର୍ଗେଟ୍‌
ଜିଲା ମୁଖ୍ୟ ଚିକିତ୍ସାଳୟରେ ବୁଲୁଥିବା ଦଲାଲମାନେ ଗ୍ରାମାଞ୍ଚଳର ଲୋକଙ୍କୁ ଟାର୍ଗେଟ କରୁଛନ୍ତି। କିଏ ସରକାରୀ ଯୋଜନା ସମ୍ପର୍କରେ ଜାଣିଛନ୍ତିି, ଆଉ କିଏ ସେମାନଙ୍କୁ ବିଶ୍ୱାସ କରିବେ, ଦଲାଲମାନେ ଆରମ୍ଭରୁ ତାହା ଠଉରାଇ ନେଉଛନ୍ତି। ତେଣୁ ରୋଗୀଙ୍କୁ ଏଠାରେ ଠକାମିର ଶିକାର ହେବାକୁ ପଡ଼ୁଛି।
-ସବିତା ଦାସ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ରାଜନୈତିକ ଦଳ ପ୍ରତିନିଧିଙ୍କ ସହ ପ୍ରଶାସନର ବୈଠକ: ଆସନ୍ତା ୧୫ରୁ ଭୋଟର ତାଲିକା ସଂଶୋଧନ

ଅନୁଗୋଳ ଅଫିସ, ୧୧।୧୦- ଭାରତର ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ ଭୋଟର ତାଲିକାକୁ ଶତ ପ୍ରତିଶତ ତ୍ରୁଟିଶୂନ୍ୟ କରିବା ପାଇଁ ଚଳିତ ମାସ ୧୫ ତାରିଖରୁ ଭୋଟର...

୭ ଦଲାଲ୍‌ଙ୍କୁ ଗିରଫ କଲା ପୋଲିସ

ଅନୁଗୋଳ ଅଫିସ, ୨୫।୨ ଅନୁଗୋଳ ଆଞ୍ଚଳିକ ପରିବହନ କାର୍ଯ୍ୟାଳୟରେ ଦଲାଲି କରୁଥିବା ଅଭିଯୋଗରେ ୭ଜଣଙ୍କୁ ଅନୁଗୋଳ ପୋଲିସ ଗିରଫ କରି ସୋମବାର କୋର୍ଟ ଚାଲାଣ କରିଛି।...

ବ୍ୟବସାୟୀଙ୍କୁ ବଳପୂର୍ବକ ଉଠାଇଦେଲେ

ଅନୁଗୋଳ ଅଫିସ,୧୮ା୫: ଅନୁଗୋଳ ସହରର ସୌନ୍ଦର୍ଯ୍ୟକରଣ କରାଯାଇଛି। ରାସ୍ତା ପାଶର୍‌ବରେ ଆଲୋକୀକରଣ ହୋଇଛି। କିନ୍ତୁ ଏହି ସୌନ୍ଦର୍ଯ୍ୟକୁ ଉଠା ବ୍ୟବସାୟୀମାନେ ନଷ୍ଟ କରୁଛନ୍ତି। ଛତୁ, ଫଳ...

ଜଳିଗଲେ ୫୦୦ କୁକୁଡ଼ା ଚିଆଁ

ଛେଣ୍ଡିପଦା,୧୮।୧୨ (ସ୍ବ.ପ୍ର.)-ଛେଣ୍ଡିପଦା ବ୍ଲକ କୋଶଳା ଗ୍ରାମ ଶିମିଳିସାହିର ବାଉରି ସାହୁଙ୍କ କୁକୁଡା ଫାର୍ମରେ ମଙ୍ଗଳବାର ଅଗ୍ନିକାଣ୍ଡ ଘଟିଛି। ଫାର୍ମରେ ଥିବା ୫ଶହରୁ ଊର୍ଦ୍ଧ୍ୱ କୁକୁଡା ଚିଅଁା...

ନାଲ୍‌କୋ ବସଲା ସାହି ହଟିଂ ନିକଟରୁ ନବଜାତ ଶିଶୁକନ୍ୟା ଉଦ୍ଧାର

ବଅଁରପାଳ,୧୨।୩(ଡି.ଏନ୍‌.ଏ.): ଅନୁଗୋଳ ଜିଲା ନାଲ୍‌କୋ ଥାନା ଅନ୍ତର୍ଗତ ବଳରାମପ୍ରସାଦ ବସଲା ସାହି ନିକଟ ପଡ଼ିଆରୁ ଗୁରୁବାର ଏକ ନବଜାତ ଶିଶୁକନ୍ୟାକୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି।...

ଟ୍ରକ୍‌-ବାଇକ୍‌ ମୁହାଁମୁହିଁ : ବାଇକଚାଳକ ମୃତ

ଅନୁଗୋଳ ଅଫିସ,୮।୮: ଅନୁଗୋଳ ସହର ଉପକଣ୍ଠ ହୁଲୁରିସିଂହା ପୋଲ ନିକଟରେ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ହୋଇଛି। ସୂଚନା ଅନୁଯାୟୀ, ଅନୁଗୋଳରୁ ବେପାର ସାରି ରନ୍ତଲେଇ...

ଆଗରେ ରହିବ ଅନୁଗୋଳ

ଅନୁଗୋଳ ଅଫିସ, ୩।୧୨: ଅନୁଗୋଳକୁ କରାଯିବ ମଡେଲ୍‌ ସିଟି। ରାଜ୍ୟର ପ୍ରଥମ ହେଲ୍‌ଥ କରିଡର ଏଠାରେ ନିର୍ମାଣ ହେବ। ଏଥିସହ ସହରକୁ ଏପରି ନବରୂପ ଦିଆଯିବ ଯେ...

ହିଙ୍ଗୁଳା କୋଇଲା ଖଣିରେ ଦୁର୍ଘଟଣା: ଡ୍ରିଲ୍‌ ମେଶିନରୁ ଖସି ଠିକା କର୍ମଚାରୀ ମୃତ

ତାଳଚେର,୬ା୫(ନି.ପ୍ର.) – ତାଳଚେରସ୍ଥିତ ଏମ୍‌ସିଏଲ୍‌ର ହିଙ୍ଗୁଳା କୋଇଲା ଖଣିରେ ମଙ୍ଗଳବାର ଦୁର୍ଘଟଣାରେ ଠିକା କର୍ମଚାରୀ ସୋମେତ ଜମାଡଙ୍କ ମୃତ୍ୟୁ ହୋଇଛି। ତାଙ୍କ ଘର ଛତିଶଗଡ ରାଜ୍ୟରେ।...

Advertisement
Archives

Model This Week