ଫେରୁଛି ମହିଳା ଖୋ ଖୋ ଚମକ

ଭୁବନ, ୧୯।୧୧(ଡି.ଏନ୍‌.ଏ.):  ରାଜ୍ୟ ସରକାରଙ୍କ ପ୍ରୋତ୍ସାହନ ପରେ ଲୋକାଦୃତି ହାସଲ କରିଛି ହକି, ଫୁଟ୍‌ବଲ ଭଳି ଲୋକପ୍ରିୟ କ୍ରୀଡ଼ା। ପୁରୁଷଙ୍କ ଭଳି ମହିଳାମାନେ ମଧ୍ୟ ଆଉଟ୍‌ଡୋର ଗେମ୍‌ରେ ଦେଖାଉଛନ୍ତି ସେମାନଙ୍କ ଦକ୍ଷତା। ଖୋ ଖୋ, କବାଡ଼ି ଭଳି ପ୍ରତିଯୋଗିତାରେ ଏବେ ସେମାନଙ୍କ ଚମକ ରାଜ୍ୟ ପାଇଁ ନୂଆ ଆଶା ସଞ୍ଚାର କରିଛି। ଢେଙ୍କାନାଳ ଜିଲା ଭୁବନ ମହିଳା ଡିଗ୍ରୀ କଲେଜ ପଡ଼ିଆରେ ଶୁକ୍ରବାରଠାରୁ ଆରମ୍ଭ ହୋଇଥିବା ଆନ୍ତଃକଲେଜ ମହିଳା ଖୋ ଖୋ ପ୍ରତିଯୋଗିତାରେ ଏହାର ଝଲକ ଦେଖିବାକୁ ମିଳିଛି। ରମାଦେବୀ ବିଶ୍ୱବିଦ୍ୟାଳୟ ଅଧୀନରେ ଥିବା ୯ କଲେଜର ମହିଳା ଟିମ୍‌ ଏଥିରେ ଅଂଶଗ୍ରହଣ କରି କ୍ରୀଡ଼ା ନୈପୁଣ୍ୟ ପ୍ରଦର୍ଶନ କରିଛନ୍ତି।
ଏହି ପ୍ରତିଯୋଗିତାରେ ଯାଜପୁର ରୋଡ୍‌ ଇନ୍ଦିରା ଗାନ୍ଧୀ ମହିଳା ମହାବିଦ୍ୟାଳୟ, ବାଙ୍କୀସ୍ଥିତ ରାଣୀ ଶୁକଦେଈ ମହାବିଦ୍ୟାଳୟ, ଜଗତ୍‌ସିଂହପୁରସ୍ଥିତ ଗାଦିବ୍ରହ୍ମ କଲେଜ, ପୁରୀ ଚାରିଛକ ନିଗମାନନ୍ଦ କଲେଜ, ଯାଜପୁର ବିରଜା କଲେଜ, ଭୁବନେଶ୍ୱର ରମାଦେବୀ ବିଶ୍ୱବିଦ୍ୟାଳୟ, ନିମାପଡ଼ାସ୍ଥିତ ଆଇଜି ନିଗମାନନ୍ଦ କଲେଜ, ଖୋର୍ଦ୍ଧା, ଭୁବନ ଡିଗ୍ରୀ କଲେଜ ଅଂଶଗ୍ରହଣ କରିଥିଲେ। ରମାଦେବୀ ମହିଳା ବିଶ୍ୱବିଦ୍ୟାଳୟ ଟିମ୍‌କୁ ହରାଇ ଭୁବନ ଏବଂ ଯାଜପୁର ରୋଡ୍‌ ଇନ୍ଦିରା ଗାନ୍ଧୀ ମହିଳା କଲେଜକୁ ହରାଇ ପୁରୀ ଚାରିଛକ ନିଗମାନନ୍ଦ କଲେଜ ଫାଇନାଲରେ ପ୍ରବେଶ କରିଛନ୍ତି। ରବିବାର ଉଦ୍‌ଯାପନୀ ଦିବସରେ ଫାଇନାଲ୍‌ ମ୍ୟାଚ୍‌ ଖେଳାଯିବାକୁ ଥିବାବେଳେ ଏଥିରେ ଉଭୟ ଦଳ ପରସ୍ପରକୁ ଭେଟିବେ।
ଉଦ୍‌ଘାଟନୀ ସମାରୋହରେ ଏମ୍‌ପି ମହେଶ ସାହୁ ମୁଖ୍ୟ ଅତିଥି ଭାବେ ଯୋଗଦେଇ କହିଲେ, ରାଜ୍ୟ ସରକାର କ୍ରୀଡ଼ାକୁ ପ୍ରୋତ୍ସାହନ ଦେଉଛନ୍ତି। ଗ୍ରାମାଞ୍ଚଳ ଏବଂ ସହରାଞ୍ଚଳର କ୍ରୀଡ଼ାବିତ୍‌ ସେମାନଙ୍କ ପ୍ରତିଭା ପ୍ରଦର୍ଶନର ସୁଯୋଗ ପାଉଛନ୍ତି। ଆନ୍ତଃକଲେଜ ଖୋ ଖୋ ପ୍ରତିଯୋଗିତାରେ ଆଶାନୁରୂପକ ପ୍ରଦର୍ଶନ କଲେ ରାଜ୍ୟ ଦଳରେ ସ୍ଥାନ ପାଇବାର ସୁଯୋଗ ମିଳିବ ଏବଂ ରାଜ୍ୟରେ ମହିଳାଙ୍କୁ ନେଇ ଆୟୋଜିତ କ୍ରୀଡ଼ା ଭିନ୍ନ ସୋପାନ ଛୁଇଁବ ବୋଲି ଏମ୍‌ପି ଆଶାବ୍ୟକ୍ତ କରିଛନ୍ତି। ମୁଖ୍ୟ ବକ୍ତା ଭାବେ ନଗରପାଳ ଶୁଭେନ୍ଦୁ କୁମାର ସାହୁ, ସମ୍ମାନିତ ଅତିଥି ଆଦିତ୍ୟବାହିନୀ ମାର୍ଗଦର୍ଶକ ପଣ୍ଡିତ ମାତୃପ୍ରସାଦ ମିଶ୍ର, ଏବିଭିପିର କ୍ଷେତ୍ରୀୟ ସଙ୍ଗଠନ ମନ୍ତ୍ରୀ ଆପାଂଶୁ ଶେଖର ସିଲ, ଏବିଭିପି ପ୍ରାନ୍ତ ସଙ୍ଗଠନ ସମ୍ପାଦକ ବୈଲୋଚନ ସାହୁ, ଦେବବ୍ରତ ପୃଷ୍ଟି, ସନାତନ ସାମଲ, ପରଜଙ୍ଗ ବ୍ଲକର ଜିଲା ପରିଷଦ ସଦସ୍ୟ ନିରଞ୍ଜନ ପ୍ରଧାନ, ଭୁବନ ମହିଳା ଜୁନିୟର କଲେଜ ଅଧ୍ୟକ୍ଷ ସୁରେନ୍ଦ୍ର କୁମାର ପୋଥାଳ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ଭୁବନ ମହିଳା ଡିଗ୍ରୀ କଲେଜ ଅଧ୍ୟକ୍ଷ ଦିଲୀପ କୁମାର ଦାସ, ଶାରୀରିକ ଶିକ୍ଷା ଶିକ୍ଷକ ସୁବ୍ରତ କୁମାର ମିଶ୍ର, ଅନିଲ ନନ୍ଦ, ଜୀବନଜ୍ୟୋତି ବିଶ୍ୱାଳ, ପ୍ରହଲ୍ଲାଦ ସାହୁ, ଉମାକାନ୍ତ ଦାସ ପ୍ରମୁଖ ଖେଳ ପରିଚାଳନା କରିଥିଲେ। ଅଧ୍ୟାପକ ପ୍ରଶାନ୍ତ ରାଉତ, ଗଦାଧର ସାହୁ ମ୍ୟାନେଜର ଦାୟିତ୍ୱ ତୁଲାଇଥିବାବେଳେ କଲେଜର ସମସ୍ତ ଅଧ୍ୟାପିକା, ଅଧ୍ୟାପକ ଓ କର୍ମଚାରୀ ଏଥିରେ ସହଯୋଗ କରିଥିଲେ।

 

ବାଜି ରାଉତଙ୍କ ମାଟିରେ ଖେଳିବାର ଅନୁଭବ ଅନନ୍ୟ
ରାଜ୍ୟସ୍ତରରେ ବିଭିନ୍ନ ସ୍ଥାନରେ ଖେଳିବାର ସୁଯୋଗ ମିଳିଥିଲେ ମଧ୍ୟ ଶହୀଦ ବାଜି ରାଉତଙ୍କ ମାଟିରେ ଖେଳିବାର ଅନୁଭବ ଅନନ୍ୟ। ଅଞ୍ଚଳବାସୀଙ୍କ ଖେଳ ପ୍ରତି ଉତ୍ସାହ ଦେଖି ଖୁସି ଲାଗୁଛି।
-ସସ୍ମିତା ଗୋଚ୍ଛି, ବାଙ୍କୀ ଦଳର ଅଧିନାୟିକା
ଶ୍ରେଷ୍ଠ ପ୍ରଦର୍ଶନ ପାଇଁ ପ୍ରଚେଷ୍ଟା ଜାରି ରହିବ
କ୍ରୀଡ଼ା ହେଉଛି ଓଡ଼ିଶାର ପରିଚୟ। ଖୋ ଖୋରେ ଶ୍ରେଷ୍ଠ ପ୍ରଦର୍ଶନ ପାଇଁ ପ୍ରୟାସ ଜାରି ରହିବ। ଟର୍ଫ ପିଚ୍‌ରେ ଖେଳିବା ସାମାନ୍ୟ କଷ୍ଟକର। ମ୍ୟାଟ୍‌ ପିଚ୍‌ ହୋଇଥିଲେ ପ୍ରଦର୍ଶନ ଆହୁରି ଭଲ ହୁଅନ୍ତା
-ଶୁଭଦର୍ଶିନୀ ବେହେରା, ଜଗତ୍‌ସିଂହପୁର ଦଳର ଅଧିନାୟିକା
ଘରୋଇ ପରିବେଶର ଫାଇଦା ନେବୁ
ହୋମ ଗ୍ରାଉଣ୍ଡରେ ଦର୍ଶକଙ୍କ ଭରପୂର ସମର୍ଥନ ମିଳୁଛି। ବିଗତ ଦିନରେ ଏଠାରେ ଚାମ୍ପିୟନ ହୋଇଥିଲୁ। ଚଳିତବର୍ଷ ଦଳରେ ୨ ଭଲ ଖେଳାଳି ସାମିଲ ଅଛନ୍ତି। ଘରୋଇ ପରିବେଶର ଫାଇଦା ଉଠାଇବୁ।
-ଦୀପିକା ପୃଷ୍ଟି, ଭୁବନ ଦଳର ଅଧିନାୟିକା
ଛୋଟ ଛୋଟ ତ୍ରୁଟିରୁ ମ୍ୟାଚ୍‌ ହାତଛଡ଼ା ହେଲା
ଭୁବନରେ ଖେଳ ପରିବେଶ ବେଶ ଉତ୍ତମ। କିନ୍ତୁ ସମନ୍ବୟ ଅଭାବ ଏବଂ ଛୋଟ ଛୋଟ ତ୍ରୁଟି ଯୋଗୁ ମ୍ୟାଚ୍‌ ହାତଛଡ଼ା ହୋଇଗଲା। ମ୍ୟାଟ୍‌ ପିଚ୍‌ ହୋଇଥିଲେ ଫଳାଫଳ ଆମ ସପକ୍ଷରେ ଯାଇଥାଆନ୍ତା।
-ଲକ୍ଷ୍ମୀପ୍ରିୟା ମୁର୍ମୁ, ରମାଦେବୀ ବିଶ୍ୱବିଦ୍ୟାଳୟ ଦଳର ଅଧିନାୟିକା


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?