ନୂଆଦିଲ୍ଲୀ,୪।୭: ବଜାରରୁ କିଣାକିଣି କରିବା ପରେ ମିଳୁଥିବା ଖୁଚୁରା ପଇସାର ଯାଞ୍ଚ ଆମେ ପ୍ରାୟତଃ ତରତରରେ କରିନଥାଉ। କିନ୍ତୁ ଜାଲ ନୋଟର ବଢୁଥିବା ଚଳନ ମଧ୍ୟରେ ଆପଣଙ୍କର ଗୋଟିଏ ଛୋଟ ଅବହେଳା ଆପଣଙ୍କୁ ମହଙ୍ଗା ପଡ଼ିପାରେ। ଗ୍ରାହକମାନଙ୍କୁ ଏହି ପ୍ରତାରଣାରୁ ରକ୍ଷା କରିବା ପାଇଁ ଆରବିଆଇ (RBI) ୨୦୦ ଟଙ୍କିଆ ଅସଲି ନୋଟ ଚିହ୍ନିବା ପାଇଁ ୭ଟି ବିଶେଷ ଟିପ୍ସ ସେୟାର କରିଛି।
୨୦୦ ଟଙ୍କିଆ ଅସଲି ନୋଟର ବାମ ପଟେ ତଳ ଆଡ଼କୁ ଏକ ସ୍ୱତନ୍ତ୍ର ସୱଚ୍ଛ (Transparent) ଅଂଶ ଥାଏ। ଯେତେବେଳେ ଆପଣ ଏହି ନୋଟକୁ ଆଲୋକ ସମ୍ମୁଖରେ ସିଧା କରି ଦେଖିବେ, ସେହି ଖାଲି ଦେଖାଯାଉଥିବା ଅଂଶରେ ଆପଣଙ୍କୁ ‘୨୦୦’ ଲେଖା ହୋଇଥିବା ସ୍ପଷ୍ଟ ଭାବେ ନଜର ଆସିବ।
ଅସଲି ନୋଟର ଅନ୍ୟ ଏକ ବଡ଼ ବିଶେଷତ୍ୱ ହେଉଛି ଯେ ଏଥିରେ ମୁଖ୍ୟ ଅଙ୍କ ବ୍ୟତୀତ ଦେବନାଗରୀ (ହିନ୍ଦୀ) ଲିପିରେ ମଧ୍ୟ ସ୍ପଷ୍ଟ ଭାବରେ ଛପା ଯାଇଥାଏ। ଜାଲ ନୋଟରେ ପ୍ରାୟତଃ ଏହି ସୂକ୍ଷ୍ମ ଛପାର ଫିନିସିଂ ଗାଏବ ଥାଏ।
୨୦୦ ଟଙ୍କିଆ ଅସଲି ନୋଟର ସମ୍ମୁଖ ଭାଗର (Front Side) ଠିକ କେନ୍ଦ୍ର ଅର୍ଥାତ୍ ମଝିରେ ମହାତ୍ମା ଗାନ୍ଧୀଙ୍କ ପାରମ୍ପରିକ ଚିତ୍ର ରହିଥାଏ, ଯାହା ଅତ୍ୟନ୍ତ ସ୍ପଷ୍ଟ ଭାବରେ ଦେଖାଯାଏ।
ନୋଟର ଡାହାଣ ପଟେ ତଳ ଆଡ଼କୁ ଆପଣଙ୍କୁ ଆରବିଆଇ (RBI) ଗଭର୍ଣ୍ଣରଙ୍କ ସୱାକ୍ଷର, ଧାରକଙ୍କୁ ସେହି ପରିମାଣର ଅର୍ଥ ପ୍ରଦାନ କରିବାର ପ୍ରତିଶ୍ରୁତି (ଗ୍ୟାରେଣ୍ଟି କ୍ଲଜ) ଏବଂ ରିଜର୍ଭ ବ୍ୟାଙ୍କର ଆଧିକାରିକ ଲୋଗୋ ଛପା ହୋଇଥିବା ଦେଖିବାକୁ ମିଳିବ।
ଅସଲି ନୋଟ ଛପା ହେବାର ଏହା ଏକ ଚମତ୍କାର ସୁରକ୍ଷା ବୈଶିଷ୍ଟ୍ୟ (Security Feature)। ନୋଟର ଉପର ପାଖ ବାମ କୋଣରେ ଏବଂ ତଳ ପାଖ ଡାହାଣ କୋଣରେ ନମ୍ୱରଗୁଡ଼ିକର ଏକ ପ୍ୟାନେଲ ଥାଏ। ଏହି ପ୍ୟାନେଲରେ ଲେଖାଯାଇଥିବା ଅଙ୍କଗୁଡ଼ିକ ବାମରୁ ଡାହାଣକୁ ଯିବା ସହ ଆକାରରେ ଛୋଟରୁ ବଡ଼ ହୋଇଥାଏ।
୨୦୦ ଏବଂ ୫୦୦ ଟଙ୍କିଆ ନୋଟର ତଳ ଡାହାଣ (Right) ଅଂଶରେ ଥିବା ଅଶୋକ ସ୍ତମ୍ଭ ପ୍ରତୀକର ମ୍ୟାକ୍ରୋ ଶଟ। ନୋଟର ସମ୍ମୁଖ ଭାଗରେ ତଳ ଆଡ଼କୁ ଡାହାଣ ପଟେ (Right Bottom Corner) ଆମର ଜାତୀୟ ପ୍ରତୀକ ଅଶୋକ ସ୍ତମ୍ଭ (Ashoka Pillar) ରହିଥାଏ। ଏହି ପ୍ରତୀକଟି ସାମାନ୍ୟ ଉପରକୁ ଉଠିଥିବା ଭଳି (ଉଭରା) ହୋଇଥାଏ, ଯାହାକୁ ଛୁଇଁକରି ମଧ୍ୟ ଅନୁଭବ କରାଯାଇପାରିବ।
