ଯେକୌଣସି ଖେଳ ସମୟରେ ଖେଳାଳିଙ୍କ ମଧ୍ୟରେ ଉତ୍ସାହ ବଢ଼ିବା ସ୍ବାଭାବିକ କଥା। ମାତ୍ର ଜଣେ ଖେଳାଳିଙ୍କ ଉତ୍ସାହ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏକ ବାସ୍କେଟ ବଲ୍ ମ୍ୟାଚ ଚାଲିଥିବା ସମୟରେ ଅଧିକ ଉତ୍ସାହିତ ହୋଇପଡ଼ିଥିବା ଖେଳାଳି ଜଣକ ବଲ ବଦଳରେ ନିଜେ ଝୁଲି ରହିଗଲେ ନେଟ୍ରେ। ଏହା ଦେଖି ଅନ୍ୟ ଖେଳାଳିଙ୍କ ହୋସ୍ ଉଡ଼ିଗଲା। ଯେତେବେଳେ ଖେଳାଳିଙ୍କ ହାତ ଖସିଗଲା, ସିଧା ଆସି ପଡ଼ିଲେ ତଳେ। ଏଥିରେ ତାଙ୍କୁ ଗଭୀର ଆଘାତ ଲାଗିଛି। ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରଙ୍କ କହିବା ଅନୁଯାୟୀ, ତାଙ୍କର ଜୀବନ ପ୍ରତି ବିପଦ ଅଛି।
ବର୍ତ୍ତମାନ ଏହି ଖେଳ ସମୟର ଭିଡିଓଟି ସାମ୍ନାକୁ ଆସିଛି। ଭିଡିଓଟି କେଉଁଠିକାର ଯଦିଓ ସ୍ପଷ୍ଟ ହୋଇନାହିଁ ମାତ୍ର ଏହାକୁ ଦେଖିବା ପରେ ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଭିଡିଓରେ ସ୍ପଷ୍ଟ ଦେଖାଯାଇଛି, ଖେଳାଳି ଜଣକ ନେଟ୍ରେ ଝୁଲିକି ରହିଛନ୍ତି। କିଛି ସମୟ ପରେ ତାଙ୍କ ଓଜନ ଅଧିକ ଯୋଗୁ ସେ ତଳକୁ ଖସି ପଡ଼ିଛନ୍ତି। ଯଦି ଏହି ସମୟରେ କେହି ତଳେ ଠିଆ ହୋଇଥାନ୍ତେ ତେବେ ସେମାନଙ୍କ ଅବସ୍ଥା ମଧ୍ୟ ବାର୍ ବାଜିଥାନ୍ତା। ଭିଡିଓଟି ଭାଇରାଲ ହେବାରେ ଲୋକେ କହୁଛନ୍ତି, ଏତେ ଉତ୍ସାହିତ ହୋଇ ଖେଳିବା ଦରକାର ନାହିଁ କି ହୋସ ଉଡ଼ାଇବାର ନାହିଁ।
