ଟିମ ଇଣ୍ଡିଆର ଦ୍ରୁତ ବୋଲର ମହମ୍ମଦ ସିରାଜ ଅଷ୍ଟ୍ରେଲିଆରୁ ଆସିବା ମାତ୍ରେ ବିଏମଡବ୍ଲୁ କାର କିଣଛନ୍ତି। ବର୍ଡର-ଗାଭାସ୍କର ଟ୍ରଫିର ଦ୍ୱିତୀୟ ଟେଷ୍ଟରେ ଡେବ୍ୟୁ କରିଥିବା ସିରାଜ ଟିମ ଇଣ୍ଡିଆର ଐତିହାସିକ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ। ୩ଟି ଟେଷ୍ଟରେ ସିରାଜ ତାଙ୍କ ନାମରେ ମୋଟ ୧୩ ଉଇକେଟ ନେଇଥିଲେ। ସେ ଅଷ୍ଟ୍ରେଲିଆରେ ଟିମ ଇଣ୍ଡିଆ ପାଇଁ ସର୍ବାଧିକ ଉଇକେଟ ନେଇଥିଲେ। ୨୬ବର୍ଷୀୟ ଯୁବ ବୋଲର ଏହି କାହାଣୀକୁ ନିଜ ଇନଷ୍ଟାଗ୍ରାମରେ ଶେୟାର କରି କହିିଛନ୍ତି। ସିରାଜଙ୍କ ପାଇଁ ଅଷ୍ଟ୍ରେଲିଆ ଗସ୍ତ ଚ୍ୟାଲେଞ୍ଜରେ ପରିପୂର୍ଣ୍ଣ ଥିଲା। ସିରିଜ୍ ମଧ୍ୟରେ ପିତାଙ୍କ ବାପାଙ୍କ ମୃତ୍ୟୁ ହୋଇଥିଲା। ଏହାସହ ଅଷ୍ଟ୍ରେଲିଆ ଦର୍ଶକଙ୍କଠାରୁ ଦୁର୍ବ୍ୟବହାର ଶୁଣିବାକୁ ପଡିଥିଲା। କିନ୍ତୁ କଠିନ ପରିଶ୍ରମ ଏବଂ ସ୍ବର୍ଗତ ପିତାଙ୍କ ଆଶୀର୍ବାଦ ହେତୁ ସିରାଜ ଏହି ସ୍ଥିତିରେ ପହଞ୍ଚିଛନ୍ତି। ଏମିତି ଏକ ସମୟ ଥିଲା ଯେତେବେଳେ ସିରାଜଙ୍କ ପିତା ମହମ୍ମଦ ଗୌସ ଏକ ଅଟୋ ଚଲାଇ ତାଙ୍କ ପରିବାରକୁ ପ୍ରତିପୋଷଣ କରୁଥିଲେ। କିନ୍ତୁ ଆଜି ସିରାଜ ଏକ ବିଏମ୍ଡବ୍ଲୁର ମାଲିକ। ସିରାଜ ନିଜ ସହରର ସ୍ଥାନୀୟ ଇଡଗା ଗ୍ରାଉଣ୍ଡରେ ଖାଲି ପାଦରେ ବୋଲିଂ କରିଥିଲେ। କିନ୍ତୁ ଆଜି ଟିମ ଇଣ୍ଡିଆର ଶ୍ରେଷ୍ଠ ବୋଲରଙ୍କ ମଧ୍ୟରେ ସିରାଜଙ୍କୁ ଗଣାଯାଉଛି। ଅଷ୍ଟ୍ରେଲିଆରୁ ହାଇଦ୍ରାବାଦକୁ ଫେରିବା ପରେ ସିରାଜ ପ୍ରଥମେ ବିଦାୟ ନେଇଥିବା ପିତାଙ୍କ ସମାଧିରେ ପହଞ୍ଚିଥିଲେ। ସେ ଏଠାକୁ ଆସିବା ପରେ ବହୁତ ଭାବପ୍ରବଣ ହୋଇଯାଇଥିଲେ। ତାଙ୍କ ପିତା ମହମ୍ମଦ ଗୌସଙ୍କ ସମାଧି ଉପରେ ଫୁଲ ରଖି ସିରାଜ ତାଙ୍କୁ ମନେ ପକାଇଥିଲେ। ଏହା ପରେ ସେ ଗଣମାଧ୍ୟମକୁ ଭେଟିଥିଲେ।
