ବାଲେଶ୍ୱର ଅଫିସ,୧୬।୭: ବାଲେଶ୍ୱର ଜିଲା ଜଳେଶ୍ୱର ଥାନା ଉତ୍ତରପଡ଼ା ଗ୍ରାମରେ ଚୋରି ଉଦ୍ୟମକରି ଜଣେ ଯୁବକ ଧରାପଡ଼ିଛନ୍ତି। ଚନ୍ଦ୍ରକାନ୍ତ ପାଳ ନାମକ ଜଣେ ଯୁବକ ୪ ଜଣ ସହଯୋଗୀଙ୍କୁ ନେଇ ଚୋରି ଉଦ୍ୟମ କରିବା ପାଇଁ ଯୋଜନା କରୁ ଥିବା ସମୟରେ ପୋଲିସ ଜଣଙ୍କୁ କାବୁ କରି ଗିରଫ କରିଛି। ତାଙ୍କ ପାଖରୁ ଗାଟିଏ ବନ୍ଧୁକ,୨ଟି ଜୀବନ୍ତ ଗୁଳି, ଛୁରି , ୨ଟି ମୋବାଇଲ ଓ ଗୋଟିଏ ଲଙ୍କା ଗୁଣ୍ଡପ୍ୟାକେଟ୍ ଜବତ କରାଯାଇଥିବା ଜଳେଶ୍ୱର ଥାନା ଅଧିକାରୀ ପର୍ଶୁରାମ ସହୁୁ କହିଛନ୍ତି। ଚନ୍ଦ୍ରକାନ୍ତଙ୍କ ଘର ଜଳେଶ୍ୱର ଥାନା ଖଳାବଡ଼ିଆ ଗ୍ରାମରେ। ତାଙ୍କ ନାମରେ ଆଗରୁ ମଧ୍ୟ ଅନେକ ମାମଲା ରହିଛି। ପୋଲିସ ଏ ସମ୍ପର୍କରେ ଏକ ମାମଲା ରୁଜୁ କରି ତଦନ୍ତ ଚଳାଇଛି ।
