ଜଣେ ମହିଳାଙ୍କୁ ଖୁଆଇବା ପାଇଁ ରେଷ୍ଟୁରାଣ୍ଟ ମାଲିକ ପ୍ରାୟ ୮୫୦ କିଲୋମିଟର ଦୂର ଯାତ୍ରା କରିଥିଲେ। ଜଣେ ଗ୍ରାହକ ରେଷ୍ଟୁରାଣ୍ଟକୁ ଇମେଲ ପଠାଇ କହିଥିଲେ ତାଙ୍କର କ୍ୟାନସର ପୀଡ଼ିତ ଶାଶୁଙ୍କରୁ ଏହି ରେଷ୍ଟୁରାଣ୍ଟର ଖାଦ୍ୟ ଖୁବ୍ ପସନ୍ଦ। ଖାଦ୍ୟ ପଠାଇ ପାରିବେ କି ବୋଲି ବ୍ୟକ୍ତି ଜଣକ ରେଷ୍ଟୁରାଣ୍ଟ ମାଲିକଙ୍କୁ ଅନୁରୋଧ କରିଥିଲେ। ଏହା ପରେ ରେଷ୍ଟୁରାଣ୍ଟ ମାଲିକ ନିଜେ ଖାଦ୍ୟ ନେଇ ୮୫୦ କିଲୋମିଟର ଯାଇଥିଲେ।
ଏହି ଘଟଣା ଆମେରିକାର ଭର୍ମୋଟ ରାଜ୍ୟରେ ଘଟିଛି। ଏଠାରେ ରହୁଥିବା ଜଣେ ମହିଳା ଷ୍ଟେଜ୍ ୪ ଲଙ୍ଗ୍ସ କ୍ୟାନସରେ ପୀଡ଼ିତ। ତାଙ୍କୁ ଟେମ୍ପୁରା ବ୍ରୋକଲି ରେଷ୍ଟୁରାଣ୍ଟର ଖାଦ୍ୟ ଭାରି ପସନ୍ଦ। ଏହି କାରଣରୁ ତାଙ୍କ ଝିଅ ରୀନା ଏବଂ ଜ୍ୱାଇଁ ବ୍ରାଇଡେନ ଜୋନ୍ସ ରେଷ୍ଟୁରାଣ୍ଟରୁ ଖାଇବା ମଗାଇବା ପାଇଁ ଚାହିଁଥିଲେ। ଯେହେତୁ ରେଷ୍ଟୁରାଣ୍ଟ ଘରଠାରୁ ଦୂର ଥିଲା ସେ ରେଷ୍ଟୁରାଣ୍ଟ ମାଲିକଙ୍କୁ ଇମେଲ ପଠାଇ ଖାଦ୍ୟ ଆଣି ପହଞ୍ଚାଇବା ପାଇଁ ଅନୁରୋଧ କରିଥିଲେ।
ଯେତେବେଳେ ରେଷ୍ଟୁରାଣ୍ଟ ମାଲିକ ଏ ବିଷୟରେ ଜାଣିଥିଲେ ଯେ, ଜଣେ କ୍ୟାନସର ରୋଗୀ ତାଙ୍କ ଦୋକାନ ଜିନିଷ ଖାଇବାକୁ ମନ କରିଛନ୍ତି ସେ ନିଜେ ଖାଦ୍ୟ ନେଇ ପହଞ୍ଚାଇବା ପାଇଁ ନିଷ୍ପତ୍ତି ନେଇଥିଲେ। ଏଥିପାଇଁ ସେ ୮୫୦ କିଲୋମିଟର ଯାତ୍ରା କରି ମହିଳାଙ୍କୁ ଖାଦ୍ୟ ନେଇ ଦେଇ ଆସିଥିଲେ। ସୋସିଆଲ ମିଡିଆରେ ଏହି ଘଟଣା ଏବେ ଖୁବ୍ ଭାଇରାଲ ହେଉଛି। ସୋସିଆଲ ମିଡିଆରେ ମହିଳାଙ୍କ ଜଣେ ସମ୍ପର୍କୀୟ ଲେଖିଛନ୍ତି, ମୋତେ ଏବେସୁଦ୍ଧା ବିଶ୍ୱାସ ହେଉନି କି ଏତେ ବାଟ ପର୍ଯ୍ୟନ୍ତ ମାଲିକ ନିଜେ ଖାଇବା ଆଣି ପହଞ୍ଚାଇଛନ୍ତି। ସେହିପରି ଆଉ ଜଣେ ୟୁଜର ଲେଖିଛନ୍ତି, ମାଲିକଙ୍କ ଏପରି ମହାନତା ଅନ୍ୟମାନଙ୍କୁ ନିଶ୍ଚିତ ପ୍ରେରଣା ଯୋଗାଇବ।
