ବୌଦ୍ଧ, ୪ା୧୨(ସ୍ବ.ପ୍ର.)
ବୌଦ୍ଧ ଜିଲାପାଳଙ୍କ ପୁରୁଣା କୋଠା ସଂଗ୍ରହାଳୟ ହେବାକୁ ଯାଉଛି ା ଏଥିପାଇଁ ପ୍ରଶାସନିକ ସ୍ତରରେ ନିଷ୍ପତ୍ତି ହୋଇଛି ା ତଦନୁଯାୟୀ ପ୍ରାଥମିକ କାମ ଆରମ୍ଭ ହୋଇଯାଇଛି ା ଏହି ସଂଗ୍ରହାଳୟରେ ଜିଲାର ଏତିହ୍ୟ, କଳା, ସଂସ୍କୃତି ଓ ପରମ୍ପରା ସଂପର୍କିତ ବିଭିନ୍ନ ତଥ୍ୟ ଓ ସାମଗ୍ରୀ ସଂରକ୍ଷିତ ରଖିବାକୁ ବ୍ୟବସ୍ଥା କରାଯିବ । ଏଥିପାଇଁ ପ୍ରଶାସନ ପକ୍ଷରୁ ଜୋରଦାର ଉଦ୍ୟମ ଆରମ୍ଭ ହୋଇଛି ା ବୁଦ୍ଧଙ୍କ ନାମରେ ନାମିତ ଏହି ଜିଲାରେ ସପ୍ତମ ଶତାବ୍ଦୀରେ ଭଞ୍ଜ ରାଜାଙ୍କ ଦ୍ୱାରା ନିର୍ମିତ ବିରଳ ଗନ୍ଧରାଢୀ ମନ୍ଦିର ଅଛି ା ଏହାଛଡା ନବମ ଶତାବ୍ଦୀରେ ସୋମବଂଶୀଙ୍କ ଦ୍ୱାରା ନିର୍ମିତ ରାମେଶ୍ୱର ମନ୍ଦିର ପ୍ରାଚୀନ ଇତିହାସର ମୁକସାକ୍ଷୀ ଭାବେ ବିଦ୍ୟମାନ ରହିଛି। ଅନ୍ୟପକ୍ଷରେ ଯଦି କାହା ପାଖରେ କିଛି ପୁରାତନ କୀର୍ତ୍ତିରାଜି ଅଛି , ସେସବୁ ପ୍ରଶାସନକୁ ଦେବାକୁ ଜିଲାପାଳ ଅନୁରୋଧ କରିଛନ୍ତି ା
ଓଡିଶା ଇତିହାସରେ ପୁରାତନ ଗଡଜାତ ଅଞ୍ଚଳ ଭାବେ ବୌଦ୍ଧ ଜିଲାର ସ୍ବତନ୍ତ୍ର ସ୍ଥାନ ରହିଛି ା ବହୁ ପ୍ରାଚୀନ କାଳରୁ ଏଠାରେ ସଭ୍ୟତା ବିକଶିତ ହୋଇଛି ା ଏକଦା ୧୨୦ ବର୍ଗ ମାଇଲ ଅଞ୍ଚଳ ବ୍ୟାପ୍ତ ଥିବା ବୌଦ୍ଧ ଗଡଜାତ ରାଜ୍ୟ ଉଡ୍ର ମଣ୍ଡଳର ପ୍ରମୁଖ ସ୍ଥାନ ଥିଲା ା ଏହି ଅଞ୍ଚଳ ପୁରାତନ କାଳରୁ କେତେବେଳେ ଯଯାତିନଗର ତ କେତେବେଳେ ଝାରଖଣ୍ଡ ନାମରେ ନାମିତ ହୋଇଛି ା ପରବର୍ତ୍ତୀ ସମୟରେ ବୌଦ୍ଧ ନାମରେ ନାମିତ ହୋଇ ଅନେକ ପ୍ରାଚୀନ ଇତିହାସର ମୁକସାକ୍ଷୀ ପାଲଟିଛି। ୧୯୯୪ ଜାନୁୟାରୀ ୧ ତାରିଖରେ ବୌଦ୍ଧ ନୂତନ ଜିଲା ଭାବରେ ମାନ୍ୟତା ପାଇଥିଲା ା ଜିଲା ଗଠନ ପରେ ଅନେକ ନୂତନ କାର୍ଯ୍ୟାଳୟ ଖୋଲାଯାଇଛି ା ହେଲେ ରାଜାଙ୍କ କଚେରୀ ଭାବରେ ପରିଚିତ ଜିଲାପାଳଙ୍କ ପୁରୁଣା କାର୍ଯ୍ୟାଳୟ ତାର ସ୍ବତନ୍ତ୍ରତା ଏବେ ବି ବଜାୟ ରଖିଛି ା ଏହି ନାଲିକୋଠା ଆସନ୍ତା ମାସରେ ଶହେ ବର୍ଷ ପୂରଣ କରିବାକୁ ଯାଉଛି ା ୧୯୨୧ରେ ତତ୍କାଳୀନ ରାଜାଙ୍କ ଦ୍ୱାରା ନିର୍ମିତ ଏହି କଚେରୀ କୋଠା ବୌଦ୍ଧ ଉପଖଣ୍ଡ ଗଠନ ସମୟରୁ ପ୍ରଶାସନିକ କୋଠା ଭାବରେ ମାନ୍ୟତା ପାଇଥିଲା। ଜିଲା ହେବା ପୂର୍ବରୁ ଉକ୍ତ କୋଠାରେ ଏସ୍ଡିଜେଏମ୍ କୋର୍ଟ , ଅନ୍ୟସବୁ ନ୍ୟାୟାଳୟ ଓ କାର୍ଯ୍ୟାଳୟ ଖୋଲା ଯାଇଥିଲା। ବୌଦ୍ଧ ଜିଲା ହେବା ପରେ ଏହି କୋଠା ଜିଲାପାଳଙ୍କ କାର୍ଯ୍ୟାଳୟ ଭାବରେ ପରିଚିତ ହୋଇଥିଲା। ଜିଲା ଗଠନର ୨୫ ବର୍ଷ ପୂର୍ତ୍ତି ଅବସରରେ ନୂତନ କୋଠାକୁ ଜିଲାପାଳଙ୍କ କାର୍ଯ୍ୟାଳୟ ଓ ଅନ୍ୟ ସରକାରୀ କାର୍ଯ୍ୟାଳୟ ସ୍ଥାନାନ୍ତର ହୋଇଥିଲା ା କେତେକ କାର୍ଯ୍ୟାଳୟର ନିଜସ୍ବ କୋଠା ହୋଇ ପାରି ନ ଥିବାରୁ ବାହାରେ ଭଡାରେ ଚାଲୁଥିବା କାର୍ଯ୍ୟାଳୟଗୁଡିକ ବର୍ତ୍ତମାନ ଏହି କୋଠାରେ କାର୍ଯ୍ୟ କରୁଛି।
ତେବେ ଏହି ଶତାୟୁ କୋଠା ଏବେ ନୂଆ ପରିଚୟରେ ପରିଚିତ ହେବାକୁ ଯାଉଛି। ନିକଟରେ ଅନୁଷ୍ଠିତ ଜିଲା ସଂସ୍କୃତି ପରିଷଦ ବୈଠନରେ ଜିଲା ପ୍ରଶାସନ ପକ୍ଷରୁ ଜିଲାପାଳଙ୍କ ପୁରୁଣା କୋଠାକୁ ସଂଗ୍ରହାଳୟରେ ପରିଣତ କରିବାକୁ ନିଷ୍ପତ୍ତିି ଗ୍ରହଣ କରାଯାଇଛି ା ଏଠାରେ କାର୍ଯ୍ୟ କରୁଥିବା ସରକାରୀ କାର୍ଯ୍ୟାଳୟଗୁଡିକ ତୁରନ୍ତ ସ୍ଥାନାନ୍ତର କରାଯିବାକୁ ନିର୍ଦ୍ଦେଶ ଦିଆଯାଇଥିବା ଜଣାଯାଇଛି। ପ୍ରଶାସନର ଏହି କାର୍ଯ୍ୟକୁ ସାଧାରଣରେ ସ୍ବାଗତ କରାଯାଇଛି ା
