ବିଶ୍ୱରେ ଆଜିକାଲି ପ୍ରତ୍ୟେକ ଜିନିଷ ନିଲାମ ହେଉଛି। ସେଥିମଧ୍ୟରୁ ଏମିତି କିଛି ଜିନିଷ ନିଲାମ ହୁଏ, ଯାହାର ଦାମ୍କୁ ନେଇ ପୂରା ଦୁନିଆରେ ଚର୍ଚ୍ଚା ହୋଇଥାଏ। ସେମିତି ଏକ ଜିନିଷ ଲଣ୍ଡନରେ ନିଲାମ ହୋଇଥିଲା। ଯାହା ୧ କୋଟିରୁ ଅଧିକ ଟଙ୍କାରେ ନିଲାମ କରାଯାଇଥିଲା। ଏହା କୌଣସି ବଡ଼ ଜିନିଷ ମଧ୍ୟ ନୁହେଁ। ସାମାନ୍ୟ ଏକ ଭ୍ୟାନିଟି। ୨୦୧୮ରେ ଏହି ନିଲାମ ହୋଇଥିଲା। ୨୦୦୮ରେ ହର୍ମିସ ବର୍କିନ ଏକ ଭ୍ୟାନିଟିକୁ ୨୧୬,୧୪୪ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୧ କୋଟି ୫୮ ଲକ୍ଷ ଟଙ୍କାରୁ ଅଧିକରେ ନିଲାମ ହୋଇଥିଲା। କାରଣ ଏଥିରେ ୧୮ କ୍ୟାରେଟ୍ର ସୁନା ଏବଂ ହୀରାର ଲକ୍ ଲାଗିଥିଲା। ୩୦ ସେଣ୍ଟିମିଟର ଲମ୍ବା ଏହି ଭ୍ୟାନିଟିରେ ହ୍ବାଇଟ୍ ଗୋଲ୍ଡ ବ୍ୟବହାର କରାଯାଇଥିଲା। ୧୯୮୧ ମସିହାରେ ପ୍ରଥମ ଥର ପାଇଁ ଫ୍ରାନ୍ସର ଲଗ୍ଜରୀ ଫ୍ୟାଶନ ହାଉସ ହର୍ମିସ ଏହି ଭ୍ୟାନିଟିର ଡିଜାଇନ କରିଥିଲା। ଏହି ଭ୍ୟାନିଟିର ନାଁ ବର୍କିନ। ଅଭିନେତ୍ରୀ ତଥା ଗାୟିକା ଜେନି ବର୍କିନଙ୍କ ନାମ ଅନୁସାରେ ଏହି ବ୍ୟାଗ୍ର ନାମ ରଖାଯାଇଥିଲା। ସେତେବେଳେ ଏହି ବ୍ୟାଗ୍ ସମଗ୍ର ବିଶ୍ୱରେ ଲୋକପ୍ରିୟ ହୋଇଥିଲା। ୨୦୧୭ରେ ହର୍ମିସ କମ୍ପାନୀର ବ୍ୟାଗ୍ ହଂକଂରେ ୩,୮୦,୦୦୦ ଡଲାରରେ ବିକ୍ରି ହୋଇଥିଲା। ସାଧାରଣତଃ ହର୍ମିସ ବ୍ରାଣ୍ଡର ପ୍ରତ୍ୟେକ ଜିନିଷକୁ ସେଲିବ୍ରିଟିମାନେ ବହୁତ ପସନ୍ଦ କରନ୍ତି। ଏହି ବ୍ୟାଗ୍ର ଦାମ୍ ୬ ଲକ୍ଷରୁ ଆରମ୍ଭ ହୋଇଥାଏ।
