ମାମଲା ନିୟନ୍ତ୍ରଣ କରୁଛନ୍ତି ମଧ୍ୟସ୍ଥ

ଢେଙ୍କାନାଳ ଅଫିସ, ୩୧।୩(ରତନ ନାୟାର): ୨୦୨୦ରେ ୪ ହଜାର ୯୭, ୨୦୨୧ରେ ୪ ହଜାର ୭୨୧, ୨୦୨୨ରେ ୫ ହଜାର ୧୮୧ ଏବଂ ୨୦୨୩ ଫେବୃୟାରୀ ୨୮ ସୁଦ୍ଧା ୯୦୮ଟି ଆପରାଧିକ ମାମଲା ରେକର୍ଡ ହେବା ଢେଙ୍କାନାଳ ଜିଲାରେ ଆଇନଶୃଙ୍ଖଳା ସ୍ଥିତି କେତେ ବିପର୍ଯ୍ୟସ୍ତ ତାହାକୁ ସ୍ପଷ୍ଟ କରିଛି। କେବଳ ଏତିକି ନୁହେଁ, ଅନୁସୂଚିତ ଜାତି ଏବଂ ଜନଜାତି ବର୍ଗ ସମ୍ପର୍କିତ ମାମଲା ମଧ୍ୟ ଆଶାତୀତ ବୃଦ୍ଧି ପାଇବା ପୋଲିସ ପ୍ରଶାସନ ପାଇଁ ଚିନ୍ତାର କାରଣ ପାଲଟିଛି।
ଆପରାଧିକ କାର୍ଯ୍ୟକଳାପ ଉପରେ ଅଙ୍କୁଶ ଲଗାଇବାକୁ ଢେଙ୍କାନାଳ ଜିଲାରେ ରହିଛି ୧୫ ଥାନା ଏବଂ ୯ ଫାଣ୍ଡି। ତଥାପି ବର୍ଷକୁ ବର୍ଷ ଅପରାଧ ସଂଖ୍ୟା ବଢ଼ିବା ପୋଲିସ ପ୍ରଶାସନ କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଏସବୁ ଭିତରେ ଯେଉଁ କଥାଟି ସମ୍ମୁଖକୁ ଆସିଛି ତାହା ଯେତିକି ସମ୍ବେଦନଶୀଳ, ସେତିକି ଚିନ୍ତାଜନକ ମଧ୍ୟ। କାରଣ ଆପରାଧିକ କାର୍ଯ୍ୟକଳାପ ସମ୍ପର୍କିତ ସୂଚନା ସଂଗ୍ରହ କରିବା ଲାଗି ପୋଲିସ ପକ୍ଷରୁ ନିୟୋଜିତ ଇନ୍‌ଫର୍ମର ନିରପେକ୍ଷତା ଅବଲମ୍ବନ କରୁନାହାନ୍ତି। ସେମାନେ ଅଭିଯୁକ୍ତ ପକ୍ଷ ଆଡ଼କୁ ଢଳୁଛନ୍ତି। ଟଙ୍କା ନେଇ ମାମଲାର ଦିଗ ମୋଡ଼ି ଦେଉଛନ୍ତି। ଅନେକ ସମୟରେ ପୀଡ଼ିତଙ୍କୁ ଗିରଫଦାରି ଭୟ ଦେଖାଇ ମାମଲା ଉଠାଇନେବାକୁ ବାଧ୍ୟ କରୁଛନ୍ତି। ଅଭିଯୋଗକାରୀଙ୍କ ମାମଲାକୁ କୋହଳ କରିବା ଉଦ୍ଦେଶ୍ୟରେ ଅଭିଯୁକ୍ତଙ୍କୁ ମତାଇ ପାଲଟା ଅଭିଯୋଗ କରୁଛନ୍ତି। ଏହାକୁ ନେଇ କାଉଣ୍ଟର କେସ୍‌ ସଂଖ୍ୟା ବଢୁଛି ଏବଂ ବର୍ଷ ବର୍ଷ ଧରି କୋର୍ଟରେ ମାମଲା ଗଡ଼ିଚାଲୁଛି। ଏଭଳି ଘଟଣା ବୃଦ୍ଧି ପାଉଥିବାରୁ ପୀଡ଼ିତ ପରିବାର ଥାନା କଚେରିକୁ ଦୌଡ଼ିବା ଅପେକ୍ଷା ଅନେକ କ୍ଷେତ୍ରରେ ଇନ୍‌ଫର୍ମରଙ୍କ କଥା ମାନିବାକୁ ବାଧ୍ୟ ହେଉଛନ୍ତି।
ଅନ୍ୟପଟେ ଜିଲାର ବହୁ ପୋଲିସ ଅଧିକାରୀଙ୍କ ବ୍ୟବହାର ଦିନକୁ ଦିନ ଅସହ୍ୟ ହେବାରେ ଲାଗିଛି। ଆଚରଣ ଏବଂ ଉଚ୍ଚାରଣରେ ପାର୍ଥକ୍ୟ ଯୋଗୁ ଥାନା, ଫାଣ୍ଡିକୁ ଯିବା ପୂର୍ବରୁ ସାଧାରଣ ଜନତା ଅନେକ ଥର ଭାବୁଛନ୍ତି। ପୋଲିସ ବିଭାଗରେ ଅଧସ୍ତନ କର୍ମଚାରୀଙ୍କଠାରୁ ପଦସ୍ଥ ଅଧିକାରୀମାନେ ଦୀର୍ଘଦିନ ହେଲା ଗାଦି ମାଡ଼ିବସିଛନ୍ତି। ଜନ ପ୍ରତିନିଧିଙ୍କ ବାହୁଛାୟା ତଳେ ରହି ସେମାନେ ନିଜର ପତିଆରା ବଢ଼ାଇ ଚାଲିଛନ୍ତି। ଗୋ-ଚାଲାଣକାରୀ, ପଥର ମାଫିଆଙ୍କ ସମେତ ବିଭିନ୍ନ ବେଆଇନ କାର୍ଯ୍ୟକଳାପରେ ସମ୍ପୃକ୍ତ ବ୍ୟକ୍ତିଙ୍କ ସହ ସଲାସୁତରା କରି ବିପୁଳ ଅର୍ଥ ଆଦାୟ କରୁଥିବା ଅଭିଯୋଗ ହେଉଛି। କେବଳ ଏତିକି ନୁହେଁ, ଅନୁସୂଚିତ ଜାତି ଓ ଜନଜାତି ବର୍ଗର ଲୋକଙ୍କୁ ଧମକାଇ ସେମାନଙ୍କଠାରୁ ଶାଗମାଛ ଦରରେ ଜମି କିଣି ନେଇ ଜିଲାର ସ୍ଥାୟୀ ବାସିନ୍ଦା ପାଲଟିଯିବା ମଧ୍ୟ ନଜିର ରହିଛି। ୨୦୨୨ରେ ଏଭଳି ବେଆଇନ କାର୍ଯ୍ୟକଳାପରେ ସମ୍ପୃକ୍ତ ଅଭିଯୋଗରେ ଡିଏସ୍‌ପି ର଼୍ୟାଙ୍କର ଜଣେ ଅଧିକାରୀଙ୍କ ସମେତ ଅନ୍ୟ କେତେଜଣ କର୍ମଚାରୀ ଭିଜିଲାନ୍ସ ଜାଲରେ ପଡ଼ିଥିଲେ। ପ୍ରତି ଥାନା, ଫାଣ୍ଡିରେ ଅସାଧୁ କାର୍ଯ୍ୟରେ ଲିପ୍ତ ଏଭଳି ଅନେକ କର୍ମଚାରୀ ଅଛନ୍ତି। ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦିଗରେ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଉନାହିଁ। ଏଭଳି ଅଧିକାରୀ ଓ କର୍ମଚାରୀଙ୍କ କାର୍ଯ୍ୟକଳାପ ଖାକିରେ କଳଙ୍କ ବୋଳୁଥିବାବେଳେ ପୋଲିସ ଏବଂ ଜନତାଙ୍କ ମଧ୍ୟରେ ଦୂରତା ବଢୁଥିବା ବୁଦ୍ଧିଜୀବୀମାନେ କହିଛନ୍ତି।
ଏ ସଂକ୍ରାନ୍ତରେ ନୂତନ ଏସ୍‌ପି ଜ୍ଞାନରଞ୍ଜନ ମହାପାତ୍ର କୁହନ୍ତି, ଜିଲାରେ ଯୋଗଦେବା ପରେ ପୋଲିସ ବ୍ୟବସ୍ଥାକୁ ସଜଡ଼ାଯାଉଛି। ଏସ୍‌ସି, ଏସ୍‌ଟି ମାମଲା ଓ କାଉଣ୍ଟର କେସ୍‌ ବୃଦ୍ଧି ପାଉଛି। ଜିଲାକୁ ଯେପରି ଅଧିକ ସଂଖ୍ୟକ ପୋଲିସ ଅଫିସର ଆସିବେ, ସେ ଦିଗରେ ପଦକ୍ଷେପ ନିଆଯାଉଛି।


Enter your email to get our daily news in your inbox.

All Right Reserved By Dharitri.Com

ଗାଡ଼ି ଜବତ କରିବାକୁ ଗୁଣ୍ଡା ବ୍ୟବହାର କରିପାରିବେନି ଫାଇନାନ୍ସ କମ୍ପାନୀ: ହାଇକୋର୍ଟ

ପ୍ରୟାଗରାଜ,୧୬ା୧୧(ପି.ଟି.): ଋଣ ପରିଶୋଧ କରୁ ନ ଥିବା କାରଣରୁ ଗାଡ଼ି ଜବତ କରିବା ପାଇଁ ଫାଇନାନ୍ସ କମ୍ପାନୀ ଗୁଣ୍ଡାଙ୍କୁ ବ୍ୟବହାର କରିପାରିବେ ନାହିଁ ଏବଂ ଚାପ ପକାଇବାକୁ…

ଭାଜପାର ପଞ୍ଜାବ ନିର୍ବାଚନ ଇସ୍ତାହାର କମିଟିରେ ରାଘବ, ହରଭଜନ

ଚଣ୍ଡିଗଡ଼,୧୬ା୧୧: ଆସନ୍ତା ବର୍ଷ ପଞ୍ଜାବ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ଭାଜପା ଏହାର ଇସ୍ତାହାର କମିଟିରେ ରାଜ୍ୟ ସଭା ସଦସ୍ୟ ରାଘବ ଚଢ଼ା ଏବଂ ହରଭଜନ…

ଆଜି ମୁମ୍ବାଇ ଆସିବେ ବ୍ରିଟିଶ ଯୁବରାଜ ଓ୍ବିଲିୟମ୍‌

ଲଣ୍ଡନ,୧୬ା୧୧(ପି.ଟି.): ବ୍ରିଟିଶ ଯୁବରାଜ ଓ୍ବିଲିୟମ ୨୦୨୬ ଆର୍ଥଶଟ୍‌ ପ୍ରାଇଜ୍‌ ପାଇଁ ଯୁବରାଣୀ କେଟ୍‌ ମିଡିଲଟନ୍‌ଙ୍କ ସହ ସୋମବାର ମୁମ୍ବାଇ ଆସିବେ। ମଙ୍ଗଳବାର ସେମାନେ ନୂଆଦିଲ୍ଲୀ ଯାଇ ବୁଧବାର…

ପାକ୍‌ ଲିଙ୍କ୍‌ ଥିବା ୨ ଅଭିଯୁକ୍ତ ପଞ୍ଜାବରୁ ଗିରଫ

ଚଣ୍ଡିଗଡ଼,୧୬ା୧୧: ରାଜସ୍ଥାନର ଶ୍ରୀଗଙ୍ଗାନଗର ରେଳଲାଇନରେ ବିସ୍ଫୋରଣ ସହ ସମ୍ପୃକ୍ତି ନେଇ ଜଣେ ମହିଳାଙ୍କ ସହ ୨ ଜଣଙ୍କୁ ପଞ୍ଜାବରୁ ଗିରଫ କରାଯାଇଛି। ରାଜସ୍ଥାନ ଆତଙ୍କବାଦ ନିରୋଧୀ ସ୍କ୍ବାଡ୍‌…

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?