ପାଚେରି ଡେଇଁ ବାହାରକୁ ଆସିଲା ସିଂହ ଛୁଆ

ବାରଙ୍ଗ,୮।୧୨(ଡି.ଏନ୍‌.ଏ.): ପ୍ରାଣୀ ଉଦ୍ୟାନ ନନ୍ଦନକାନନ ବିବାଦର ପିଛା ଛାଡୁ ନ ଥିବାବେଳେ ଏବେ ପୁଣି ଏକ ନୂଆ ବିବାଦରେ ଛନ୍ଦି ହୋଇଯାଇଛି। ବୁଧବାର ଲାଳନପାଳନ କେନ୍ଦ୍ରରେ ରହି ବଢୁଥିବା ସିଂହ ଛୁଆ କାମିନୀ ପାଇଁ ଜନ୍ତୁ ବିଭାଗର ଚିନ୍ତା ବଢ଼ିଯାଇଛି। ଲାଳନପାଳନ କେନ୍ଦ୍ର ଦାୟିତ୍ୱରେ ଥିବା କର୍ମଚାରୀଙ୍କ ଦାୟିତ୍ୱହୀନତା ଓ ପ୍ରାଣୀ ବିଭାଗର ଖାମଖିଆଲ ନୀତି ଯୋଗୁ କାମିନୀ ବଗିଚାରେ ଖେଳୁଥିବାବେଳେ ପାଚେରି ଡେଇଁ ବାହାରକୁ ଚାଲିଯାଇଥିଲା। ଏପରି କି କର୍ମଚାରୀମାନଙ୍କ ନଜରକୁ ଏହା ଆସି ନ ଥିବାବେଳେ ପ୍ରାୟ ୪୫ ମିନିଟ ପରେ ଘଟଣା ବିଷୟରେ ଜାଣି ତାକୁ ଖୋଜି ଉଦ୍ଧାର କରାଯାଇଛି।

ପ୍ରକାଶ ଯେ, ଡାକ୍ତରଖାନା ପଛପଟେ ରହିଛି ଲାଳନପାଳନ କେନ୍ଦ୍ର। ଜଣେ ଅସ୍ଥାୟୀ କର୍ମଚାରୀ ହାତକୁ ଏହା ଟେକିଦେଇ ପ୍ରାଣୀ ବିଭାଗ ଠିକାଦାରି କାମରେ ଲାଗିପଡିଛି। ଏହି କର୍ମଚାରୀ ଜଣଙ୍କ ବୁଧବାର ଦ୍ୱିପ୍ରହର ସମୟରେ ବଜ୍ରକାପ୍ତା ପ୍ରଜନନ କେନ୍ଦ୍ର ସମ୍ମୁଖରେ ଥିବା ଛୋଟ ବଗିଚାରେ ସିଂହ ଛୁଆ କାମିନୀ ଓ ବାଘଛୁଆ ହିମାଂଶୀକୁ ଖେଳିବାକୁ ଛାଡ଼ିଦେଇଥିଲେ। କିଛି ସମୟ ପରେ ଅଳିଆ ପକାଇବାକୁ ସେହି ରାସ୍ତାରେ ଆସୁଥିବା ଏକ ଟ୍ରାକ୍ଟରର ଚକ ଖାଲରେ ପଡ଼ିଯିବାର ଶବ୍ଦ ହୋଇଥିଲା। ଏଥିରେ ଭୟଭୀତ ହୋଇ କାମିନୀ ବଗିଚାର ଛୋଟ ପାଚେରି ଡେଇଁ ବାହାରକୁ ଚାଲିଯାଇଥିବାବେଳେ ହିଂମାଶୀ ରହଣିସ୍ଥାନକୁ ପଳାଇଥିଲା। ଏହି ଦୁଇ ବନ୍ୟପ୍ରାଣୀ ଛୁଆକୁ ଖେଳିବାକୁ ଛାଡ଼ି ନିଜ କାମରେ ଯାଇଥିବା କର୍ମଚାରୀ ଜଣଙ୍କ ଆସି ଦେଖିବାବେଳକୁ ଦୁଇଟିଯାକ ଛୁଆ ବଗିଚାରେ ନ ଥିଲେ। ଏହାପରେ ହିଂମାଶୀକୁ ରହିବାଘରେ ପାଇଥିବାବେଳେ କାମିନୀକୁ ନ ପାଇ ଚିନ୍ତା ବଢିଯାଇଥିଲା। ବହୁ ଖୋଜାଖୋଜି କରି ନିରାଶ ହେବା ପରେ ପ୍ରାଣୀ ବିଭାଗକୁ ଖବର ଦେଇଥିଲେ। ଏହାପରେ ପ୍ରାଣୀ ବିଭାଗର କର୍ମଚାରୀମାନେ ଆସି ଖୋଜିବାର ପ୍ରାୟ ୪୫ମିନିଟ ପରେ ଜନ୍ତୁ ଖାଦ୍ୟସଂଗ୍ରହ ଘର ପଛପଟ ଜଙ୍ଗଲକୁ ସଫା କରି ଏକ ଗଛମୂଳରେ ଲୁଚିଥିବା ସିଂହ ଛୁଆ କାମିନୀକୁ ଉଦ୍ଧାର କରାଯାଇଥିଲା। ଏହି ସମୟରେ ୩ଜଣ ମହିଳା ପର୍ଯ୍ୟଟକ ଭୁଲବଶତଃ ଡାକ୍ତରଖାନା ପାର୍ଶ୍ୱ ରାସ୍ତାରେ ପଶିଯାଇଥିବାବେଳେ ସିଂହଛୁଆଟି ବାହାରେ ଦୌଡ଼ି ଯିବାର ଦେଖି ଭୟରେ ସେଠାରୁ ଆସି କିଛି ଦୂରରେ ଥିବା ଜଣେ କର୍ମଚାରୀଙ୍କୁ ସୂଚନା ଦେଇଥିଲେ। କର୍ମଚାରୀ ଜଣଙ୍କ ମହିଳାଙ୍କ କଥାକୁ ସହଜରେ ବିଶ୍ୱାସ କରି ନ ଥିବାବେଳେ ଶେଷରେ କାମିନୀକୁ ଖୋଜିବାରେ ମହିଳା ପର୍ଯ୍ୟଟକଙ୍କ ସୂଚନା କାମରେ ଲାଗିଥିଲା। ତେବେ ଏକ ବଡ଼ ବିବାଦରୁ ନନ୍ଦନକାନନ ବର୍ତ୍ତିଯାଇଥିବାବେଳେ ଅସ୍ଥାୟୀ କର୍ମଚାରୀଙ୍କ ଉପରେ ଦାୟିତ୍ୱ ନ୍ୟସ୍ତ କରିଦେଇ କାମ ସାରିଦେଉଥିବାର ଏହା କୁପରିଣାମ ବୋଲି ଚର୍ଚ୍ଚା ଜୋର ଧରିଛି।


Enter your email to get our daily news in your inbox.

All Right Reserved By Dharitri.Com

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

ହାଇଆଲର୍ଟରେ ଗଞ୍ଜାମ ପ୍ରଶାସନ: ୩ ଦିନ ପାଇଁ ସମସ୍ତ ସମୁଦ୍ର ବେଳାଭୂମି ମନା, ୧୧୩୯ ଆଶ୍ରୟସ୍ଥଳୀ ପ୍ରସ୍ତୁତ, ସୁରକ୍ଷିତ ସ୍ଥାନକୁ…

ଛତ୍ରପୁର, ୧୭।୧୧ (ଦିଲୀପ ସାମଲ): ବାତ୍ୟା ‘ଅକ୍ୱାନ’ ଓ ସମ୍ଭାବ୍ୟ ବନ୍ୟା ପରିସ୍ଥିତିର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଓ ସତର୍କତାମୂଳକ…

ଆସାମ ସିଲାବସରେ ସଞ୍ଜୟଙ୍କ ଭୂଗୋଳ ବହି

କୋକସରା,୧୭ା୧୧ (ଦୁଷ୍ମନ୍ତ କୁମାର ପାଟ୍ଟଯୋଷୀ) ଓଡ଼ିଶା ଏବଂ ଜମ୍ମୁ-କଶ୍ମୀର ପରେ ଏବେ ଆସାମ ରାଜ୍ୟର ଦ୍ୱାଦଶ ଶ୍ରେଣୀ ଛାତ୍ରୀଛାତ୍ର କଳାହାଣ୍ଡି ଜିଲାର ସୁନାମଧନ୍ୟ ଅଧ୍ୟାପକ ସଞ୍ଜୟ କୁମାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?