ନୂଆଦିଲ୍ଲୀ,୨୯।୮: ପ୍ରଧାନମନ୍ତ୍ରୀ ଜନଧନ ଯୋଜନା(ପିଏମ୍ଜେଡିଓ୍ବାଇ) ୬ ବର୍ଷ ପୂରଣ କରିଛି। ୨୦୧୪ ଅଗଷ୍ଟରେ ଏହି ଯୋଜନାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁଭାରମ୍ଭ କରିଥିଲେ। ଲୋକଙ୍କ ମଧ୍ୟରେ ଆର୍ଥତ୍କ ଅନ୍ତର୍ଭୁକ୍ତୀକରଣକୁ ଉତ୍ସାହିତ କରିବା ଦିଗରେ ଏହି ଯୋଜନାକୁ ସରକାର ଉନ୍ମୋଚନ କରିଥିଲେ। ବ୍ୟାଙ୍କିଙ୍ଗ୍ ସିଷ୍ଟମ ସହ ଲୋକଙ୍କୁ ଯୋଡିବା ଲାଗି ଆସିଥିବା ଏହି କାର୍ଯ୍ୟକ୍ରମ ଏକ ଗେମ୍ ଚେଞ୍ଜର ସାବ୍ୟସ୍ତ ହୋଇଛି। ପ୍ରଧାନମନ୍ତ୍ରୀ ମୋଦି ଏହାକୁ ନେଇ ଶୁକ୍ରବାର ଲୋକଙ୍କୁ ଶୁଭେଚ୍ଛା ଜଣାଇଛନ୍ତି। ବର୍ତ୍ତମାନ ସୁଦ୍ଧା ଏହି ଯୋଜନାରେ ୪୦.୩୫ କୋଟି ଖାତା ଖୋଲାଯାଇଛି। ଏହା ଅଧୀନରେ ଖୋଲାଯାଇଥିବା ମୋଟ୍ ଆକାଉଣ୍ଟ ମଧ୍ୟରୁ ୫୫.୨% ଖାତା ମହିଳାଙ୍କର ବୋଲି ଜଣାପଡିଛି। ସେହିଭଳି ୬୪% ଖାତା ଗ୍ରାମାଞ୍ଚଳରେ ରହିଥିବା ବେଳେ ବଳକା ୩୬% ସହରାଞ୍ଚଳରେ ରହିଛି। ଏହି ଯୋଜନାରେ ଜିରୋ ବାଲାନ୍ସରେ ବ୍ୟାଙ୍କ ଖାତା ଖୋଲାଯାଇଥାଏ। ଯୋଜନା ଅନ୍ତର୍ଗତ ୨ ଲକ୍ଷ ଟଙ୍କାର ଦୁର୍ଘଟଣା ବୀମା ମଧ୍ୟ ପ୍ରଦାନ କରାଯାଉଛି। ଏଥିଲାଗି କୌଣସି ପ୍ରିମିୟମ ମଧ୍ୟ ଦେବାକୁ ପଡି ନ ଥାଏ। ଜନଧନ ଖାତାରେ ଡେବିଟ୍ କାର୍ଡ ସୁବିଧା ମଧ୍ୟ ରହିଛି।
