ବାରିପଦା ଅଫିସ,୧୪।୬: (ନୀଳାଦ୍ରି ବିହାରୀ ଦଣ୍ଡପାଟ): ବାହାନଗା ରେଳ ଦୁର୍ଘଟଣାରେ ଗୁରୁତର ଆହତଙ୍କ ସମେତ ପରିବାର ଲୋକେ ସହାୟତା ପାଇଁ ମୟୂରଭଞ୍ଜ ଜିଲାପାଳଙ୍କୁ ଭେଟିଛନ୍ତି। ଦୁର୍ଘଟଣାରେ ଆହତଙ୍କ ଚିକିସତ୍ା ନିମନ୍ତେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଘୋଷିତ ସରକାରୀ ସହାୟତା ପାଇଁ ନିବେଦନ କରିଛନ୍ତି। ତେବେ ପ୍ରସ୍ତୁତ ହୋଇଥିବା ତାଲିକା ଆସିବା ପରେ ସହାୟତା ରାଶି ପ୍ରଦାନ କରାଯିବ ବୋଲି ଜିଲାପାଳ ବିନୀତ ଭରଦ୍ୱାଜ ପ୍ରକାଶ କରିଛନ୍ତି ା
ସୂଚନାଯୋଗ୍ୟ, ମୟୂରଭଞ୍ଜ ଜିଲା କୁଳିଅଣା ଥାନା ଆସନଜଡା ଗ୍ରାମର ଗୋପା ସୋରେନଙ୍କ ସହ ଅନ୍ୟ ଜଣେ ଯୁବକ ଦାଦନ ଖଟିବାକୁ କରମଣ୍ଡଳ ଏକ୍ସପ୍ରେସ ଯୋଗେ ଚେନ୍ନାଇ ଅଭିମୁଖେ ଯାଉଥିଲେ। ଗତ ୨ତାରିଖରେ ଉଭୟ ବାଲେଶ୍ୱର ଷ୍ଟେଶନରେ ଜେନେରାଲ ବଗିରେ ବସିଥିଲେ ା ବାହାନଗାଠାରେ ଟ୍ରେନ ଦୁର୍ଘଟଣା ହେବାରୁ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ଗୋପାଙ୍କୁ ପ୍ରଥମେ ସୋର ଡାକ୍ତରଖାନା ଓ ପରେ ବାଲେଶ୍ୱର ଡାକ୍ତରଖାନାରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଥିଲା ା ପରବର୍ତ୍ତୀ ସମୟରେ ତାଙ୍କୁ ବାରିପଦା ପିଆର୍ଏମ୍ ମେଡିକାଲକୁ ସ୍ଥାନାନ୍ତର କରାଯାଇଥିଲା। ତାଙ୍କ ଡାହାଣ ଗୋଡ଼ରେ ଶକ୍ତ ଆଘାତ ଲାଗିଥିବା ବେଳେ ପେଟ ଓ ଛାତି ଯନ୍ତ୍ରଣା ହେଉଥିଲା। ଡାକ୍ତରଙ୍କ ଦ୍ୱାରା ପରୀକ୍ଷା ପରେ ତାଙ୍କ କୀଡନିରେ ତ୍ରୁଟି ରହିଥିବା ଜଣାପଡ଼ିଛି। ଏ ନେଇ ଡାକ୍ତରଙ୍କ ପରାମର୍ଶ କ୍ରମେ ଔଷଧ ସେବନ ଜାରି ରଖିଛନ୍ତି ା ତେବେ ରାଜ୍ୟ ସରକାରଙ୍କ ପକ୍ଷରୁ ଗୁରୁତର ଆହତଙ୍କୁ ୧ଲକ୍ଷ ଓ କେନ୍ଦ୍ର ସରକାରଙ୍କ ପକ୍ଷରୁ ୨ଲକ୍ଷ ଟଙ୍କା ସହାୟତା ରାଶି ଯୋଗାଇ ଦିଆଗଲେ ପୁଅର ଚିକିତ୍ସାରେ ବାଧା ସୃଷ୍ଟି ହେବନାହିଁ ବୋଲି ବାପା ମୁନା ସୋରେନ ନିବେଦନ କରିଛନ୍ତି।
