ଶିଳ୍ପଜିଲା ହେବ ସୌନ୍ଦର୍ଯ୍ୟମୟ

ଅନୁଗୋଳ ଅଫିସ, ୧୫।୨( ଅମିତ କୁମାର ସାମଲ):  ପ୍ରକୃତିକୁ ଉପଭୋଗ କରିବାକୁ ଅନୁଗୋଳ ଆସୁଥିବା ପର୍ଯ୍ୟଟକ କେବଳ ସାତକୋଶିଆ ବୁଲି ଫେରିବେ ନାହିଁ। ଡେରଜାଙ୍ଗ ଡ୍ୟାମ୍‌ର ଆକର୍ଷଣ ସେମାନଙ୍କୁ ସେଠାକୁ ଟାଣିନେବ। ବନ୍ଧ ଉପର ବେଞ୍ଚ ମନକୁ ଶୀତଳ କରିଦେବ। ରାଣୀଗୁଡ଼ା ପୁଷ୍କରିଣୀର ଓ୍ବାଟର ଫାଉଣ୍ଟେନ ଆଖି ଝଲସାଇଦେବ। ନନ୍ଦିରା ନାଳ ଜଳକୁ ସ୍ପର୍ଶ କରି ଫୁଟ୍‌ ଓଭରବ୍ରିଜ୍‌ରେ ଚାଲିବାକୁ ପର୍ଯ୍ୟଟକ ନିଶ୍ଚିତ ଆଗ୍ରହ ଦେଖାଇବେ।
ଶିଳ୍ପ ସମୃଦ୍ଧ ଅନୁଗୋଳ ଜିଲା ହେବ ସୌନ୍ଦର୍ଯ୍ୟମୟ। ଡେରଜାଙ୍ଗ ଡ୍ୟାମ୍‌ ଠାରୁ ଆରମ୍ଭ କରି ନନ୍ଦିରା ନାଳ ଯାଏ ପର୍ଯ୍ୟଟକଙ୍କୁ ଆକର୍ଷିତ କଲାଭଳି ଅନେକ ସ୍ଥାନର ସୌନ୍ଦର୍ଯ୍ୟକରଣ କରାଯିବ। ଏସବୁ ସ୍ଥାନରେ ଓ୍ବାଟର ଫାଉଣ୍ଟେନ, ବୋଟିଂ, ଭୋଜି ପିଣ୍ଡି, ଫୁଟ୍‌ ଓଭରବ୍ରିଜ୍‌, ଓ୍ବାଚ୍‌ ଟାଓ୍ବାର ଆଦି ନିର୍ମାଣ କରାଯିବ। ଜିଲାରେ ଏପରି ଟୁରିଜମ୍‌ ସର୍କିଟ୍‌ ଉପରେ ଜିଲା ପ୍ରଶାସନ ପକ୍ଷରୁ ଗୁରୁତ୍ୱ ଦିଆଯାଉଛି। ବ୍ଲୁପ୍ରିଣ୍ଟ ପ୍ରସ୍ତୁତ ହୋଇସାରିଥିବାରୁ ଖୁବ୍‌ଶୀଘ୍ର କାର୍ଯ୍ୟ ଆରମ୍ଭ ହେବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
ଡେରଜାଙ୍ଗ ଡ୍ୟାମ୍‌କୁ ନୂଆ ରୂପ ଦିଆଯିବ। ବନ୍ଧ ରାସ୍ତାରେ ପର୍ଯ୍ୟଟକଙ୍କ ପାଇଁ ଚେୟାର ବ୍ୟବସ୍ଥା ହେବ। ସେଠାରେ ବସି ଆଗନ୍ତୁକମାନେ ସୂର୍ଯ୍ୟୋଦୟ ସହ ସୂର୍ଯ୍ୟାସ୍ତକୁ ଉପଭୋଗ କରିପାରିବେ। ଡ୍ୟାମ୍‌ ପାର୍ଶ୍ୱରେ ଭୋଜି ପିଣ୍ଡି ନିକଟରେ ପାନୀୟ ଜଳ, ଡଷ୍ଟବିନ୍‌, ଶୌଚାଳୟ ସହ ଅନ୍ୟ ସୁବିଧା କରାଯିବ। ପିଣ୍ଡି ଅପରପାର୍ଶ୍ୱରେ ଅତ୍ୟାଧୁନିକ ପାର୍କ ରହିବ। ପର୍ଯ୍ୟଟକମାନେ ଏଠାରେ ମନଫୂର୍ତ୍ତି ସହ ଛୋଟ ପିଲାମାନେ ଖେଳକୁଦ କରିପାରିବେ। ଡ୍ୟାମ୍‌ ବନ୍ଧ ଉପରେ ଥିବା ଲାଇଟ୍‌ଗୁଡ଼ିକର ମରାମତି କରାଯିବ। ରଙ୍ଗିନ ଏଲ୍‌ଇଡି ଆଲୋକରେ ଡେରଜାଙ୍ଗ ପ୍ରୋଜେକ୍ଟ ଝଲସିବ। ବୋଟିଂ ସୁବିଧା ହୋଇ ନ ପାରିଲେ ନାରଣ ସାଗରରେ କରାଯିବ। ସେହିପରି ରାଣୀଗୁଡ଼ା ପୁଷ୍କରିଣୀରେ ଓ୍ବାଟର ଫାଉଣ୍ଟେନ୍‌ ଯୋଜନା ରହିଛି। ପୁଷ୍କରିଣୀ ମଝିରେ ଏକ ମୂର୍ତ୍ତି ନିକଟରେ ପାଣିର ନୃତ୍ୟ ବେଶ୍‌ ମନୋମୁଗ୍ଧକର ହେବ। କୂଳରେ ଭଳକି ଭଳି ଗଛ ଲଗାଯିବ। ବିଦେଶୀ ଶୈଳୀରେ ଏଠାରେ ବନିଶୀ ପକାଇ ପର୍ଯ୍ୟଟକମାନେ ମାଛ ଧରିପାରିବା ଭଳି ବ୍ୟବସ୍ଥା ରହିବ। କୁକୁଡ଼ାଙ୍ଗସ୍ଥିତ ନନ୍ଦିରା ନାଳ ଉପରେ ଅତ୍ୟାଧୁନିକ ଫୁଟ୍‌ ଓଭରବ୍ରିଜ୍‌ ନିର୍ମାଣ କରାଯିବ। ପାଣିରେ ଗୋଡ଼ ବୁଡ଼ାଇ ବସିବାଭଳି ବେଞ୍ଚ, ଚୌକି ପ୍ରସ୍ତୁତ କରାଯିବ। ଏକ କୃତ୍ରିମ ୱାଟରଫଲ ଏଠାରେ ରହିବ। ନାଳ ଅପରପାର୍ଶ୍ୱ ୨୩ ଏକର ଜାଗାରେ ଆମ୍ବ ସହ ବିଭିନ୍ନ ଗଛ ଲଗାଯାଇ ଏକ ବଗିଚା କରାଯିବ। ଚଟ୍‌ପଟା ଓ ଅନ୍ୟ ସ୍ବାଦିଷ୍ଠ ଖାଦ୍ୟଦ୍ରବ୍ୟ ମିଳିବ। ଉପରୁ ପୂରା ଅଞ୍ଚଳର ସୌନ୍ଦର୍ଯ୍ୟ ଦେଖିହେବା ଭଳି ୱାଚ୍‌ ଟାୱାର ନିର୍ମାଣକ ହେବ। ଏହାଛଡ଼ା ଜିଲାର ଅନ୍ୟ ପର୍ଯ୍ୟଟନସ୍ଥଳୀଗୁଡ଼ିକର ଉନ୍ନତୀକରଣ ମଧ୍ୟ ପର୍ଯ୍ୟାୟକ୍ରମେ କରାଯିବ। ଜିଲାରେ ଏହି ଟୁରିଜମ୍‌ ସର୍କିଟ ନିର୍ମାଣ ପାଇଁ ସମସ୍ତ ପ୍ରକାର ଉଦ୍ୟମ କରାଯାଉଥିବା ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସମ୍ବର ମାଂସ ଜବତ, ୨ଗିରଫ

ବଇଣ୍ଡା,୧୩।୧୦(ଡି.ଏନ.ଏ.): ଆଠମଲ୍ଲିକ ବ୍ଲକ ଧଣ୍ଡାତୋପା ଜଙ୍ଗଲରେ ଧଣ୍ଡାତୋପା ବନବିଭାଗ ପକ୍ଷରୁ ଚଢାଉ କରାଯାଇ ୨୧ କେଜି ସମ୍ବର ମାଂସ ଜବତ କରାଯାଇଛି। ଏଥିସହିତ ବନ ବିଭାଗ...

ବିବାଦୀୟ ଲେଖକଙ୍କ କୁଶ ପୁତ୍ତଳିକା ଦାହ

ବଅଁରପାଳ,୨୪ା୫(ଡି.ଏନ.ଏ.)- ଭୀମ ଭୋଇଙ୍କ ଚରିତ୍ରକୁ ଆକ୍ଷେପ କରି ପ୍ରକାଶିତ ପୁସ୍ତକକୁ ନେଇ ବଅଁରପାଳ ବ୍ଲକ କୁଲାଡ଼ ମହାନିତ୍ୟ ମହିମା ସମାଜ ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ...

ଭୋର ୪ଟା ୧୦ରେ ଉଠିବ ଦୀପ

ବଅଁରପାଳ, ୨୦ା୨(ଡି.ଏନ.ଏ.) – ଆଉ ଦିନକ ପରେ ପାଳନ ହେବ ମହାଶିବରାତ୍ରି। ଏହାକୁ ନେଇ ଚଳଚଞ୍ଚଳ ହୋଇଉଠିଛି ଅନୁଗୋଳ ଜିଲା ବଅଁରପାଳ ବ୍ଲକ କୁଲାଡ ଗ୍ରାମର...

ପାଉଁଶ ଉଡ଼ିବାକୁ ନେଇ ଉତ୍ତେଜନା: ନାଲ୍‌କୋ ଅଧିକାରୀଙ୍କୁ ମାଡ଼ ଅଭିଯୋଗ

ବଅଁରପାଳ, ୨୯ା୫(ଡି.ଏନ.ଏ.)- ନାଲ୍‌କୋ ଆଶପଣ୍ଡରୁ ଗୁରୁବାର ପାଉଁଶଗୁଣ୍ଡ ଉଡିବାକୁ ନେଇ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇବା ସହ ଉତ୍ତେଜନା ଦେଇଦେଇଛି। ପ୍ରତିବାଦରେ...

୧୦ ପଜିଟିଭ୍‌ ଭିତରୁ ନାଲ୍‌କୋରୁ ୬

ଅନୁଗୋଳ ଅଫିସ୍‌/ବଅଁରପାଳ,  ୫।୭:  ଅନୁଗୋଳରେ ଶନିବାର ଆଉ ୧୦ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୨ ଜଣ କ୍ବାରାଣ୍ଟାଇନ୍‌ ସେଣ୍ଟରରୁ ହୋଇଥିବାବେଳେ...

ବନ ବିଭାଗର ନାଲିଆଖିରେ ମତ୍ସ୍ୟଜୀବୀ ଅତିଷ୍ଠ

ଅନୁଗୋଳ ଅଫିସ, ୨୩।୧୨:  ଅନୁଗୋଳ ଜିଲା ସାତକୋଶିଆ ମହାନଦୀ ଗଣ୍ଡ ଅଞ୍ଚଳରେ ମାଛଧରି ପରିବାର ପ୍ରତିପୋଷଣ କରୁଥିବା ମତ୍ସ୍ୟଜୀବୀଙ୍କୁ ବନ ବିଭାଗର ବାରମ୍ବାର ନାଲିଆଖି ଅତିଷ୍ଠ କରୁଛି।...

ଗହଳି ପାରିଲେନି ସମ୍ଭାଳି

ଅନୁଗୋଳ ଅଫିସ, ୨୨।୪ – ଲକ୍‌ଡାଉନ୍‌ ଘୋଷଣା ପରଠାରୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ରୋଗୀ ସଂଖ୍ୟା ହ୍ରାସ ପାଇଥିଲା। ହେଲେ ୨୦ ତାରିଖରୁ କିଛିଟା...

୧୫ ଏକର ଫସଲ ଦଳିଦେଲେ

ଖମାର, ୨୨ା୮ ଅନୁଗୋଳ ଜିଲା ପାଲଲହଡ଼ା ବ୍ଲକ ଖମାରରେ ଥମୁନି ହାତୀ ଉପଦ୍ରବ। ବାରମ୍ବାର ଗଁା ନିକଟକୁ ଆସି ଧନ ଜୀବନ ନଷ୍ଟ କରୁଥିବାବେଳେ ଶୁକ୍ରବାର...

Advertisement
Archives

Model This Week