ବଅଁରପାଳ,୨୬ା୧୧(ଡି.ଏନ.ଏ.)- କେନ୍ଦ୍ର ସରକାରଙ୍କ ବିଭିନ୍ନ ଜନ ବିରୋଧୀ ନୀତି ବିରୋଧରେ କେନ୍ଦ୍ରୀୟ ଶ୍ରମିକ ସଙ୍ଗଠନଗୁଡ଼ିକ ପକ୍ଷରୁ ଗୁରୁବାର ଦିଆଯାଇଥିବା ଦେଶବ୍ୟାପୀ ଧର୍ମଘଟର ପ୍ରଭାବ ଅନୁଗୋଳ ଜିଲାରେ ଦେଖିବାକୁ ମିଳିଛି। ବିଶେଷକରି ନାଲ୍କୋର ସିପିପି ଓ ସ୍ମେଲଟର ପ୍ଲାଣ୍ଟ ସମ୍ମୁଖରେ ସକାଳୁ ଏନ୍ଏସ୍ସିୟୁ, ଏନ୍ଏନ୍ଇୟୁ, ସିଟୁ, ନେସ୍, ଏନ୍କେଏସ୍, ନେପୁ, ଏଆଇଟିୟୁସି, ନାଲ୍କୋ ନିର୍ମାଣ ମଜଦୁର ସଭା ସମେତ ବହୁ ଶ୍ରମିକ ସଙ୍ଗଠନର ସଦସ୍ୟ ବିକ୍ଷୋଭ କରିଥିଲେ। ଫଳରେ ପ୍ଲାଣ୍ଟ ଭିତରକୁ କୌଣସି ଶ୍ରମିକ ଓ ଅଧିକାରୀ ଯାଇପାରି ନ ଥିଲେ। ଏନ୍ଏସ୍ସିୟୁ ସାଧାରଣ ସମ୍ପାଦକ ପରେଶ ଜେନା, ବିଭବ ଜେନା, ସୁଜିତ ସେଠ, ବିଭୂତି ଶତପଥୀ, ପ୍ରଣବ ଜେନା, ଏନ୍ଏନ୍ଇୟୁ ସାଧାରଣ ସମ୍ପାଦକ ରତ୍ନାକର ପରିଡା, କାର୍ଯ୍ୟକାରୀ ସଭାପତି ନିର୍ମଳ ଶତପଥୀ, ଗନ୍ଧର୍ବ ବିଶ୍ୱାଳ, ସୁଶାନ୍ତ ସାମଲ, ନେସ୍ର ସାଧାରଣ ସମ୍ପାଦକ ନିର୍ମଳ ସାମଲ, ସଭପତି ପ୍ରଫୁଲ୍ଲ ସାହୁ, ବିଜନ ଦଳବେହେରା, ମନୋଜ ସାଇଁ, ମୁରଲୀଧର ପଣ୍ଡା, ନେପୁର ସାଧାରଣ ସମ୍ପାଦକ ବୈରାଗୀ ସେଠ, କାର୍ଯ୍ୟକାରୀ ସଭାପତି ମାଙ୍ଗିଲାଲ ସାମଲ, ଲିଟୁ ଗଡ଼ନାୟକ, ଜଗନ୍ନାଥ ସେଠ ଓ ବାବୁଲି ସେଠୀ, ପ୍ରଶ୍ନ ମହାନ୍ତି ପ୍ରମୁଖ ଏଥିରେ ସାମିଲ ଥିଲେ।
