ମାଲକାନଗିରି,୨୦ା୧: ମାଲକାନଗିରି ସଦର ବ୍ଲକ ପେଡ଼ାକୋଣ୍ଡା ପଞ୍ଚାୟତଠାରୁ ଦେଢ଼ କି.ମି. ଦୂରରେ ଥିବା ଏକ ପୋଖରୀ ନିକଟରୁ ଜଣେ ଯୁବକଙ୍କ ମୁଣ୍ଡବିହୀନ ମୃତଦେହ ବୁଧବାର ଗ୍ରାମବାସୀ ଠାବ କରିଛନ୍ତି। ଅନ୍ୟପକ୍ଷେ ଗ୍ରାମର ଜଣେ ଯୁବକ ଦୁଇଦିନ ହେଲା ନିଖୋଜ ଅଛନ୍ତି। ଏନେଇ ସମ୍ପୃକ୍ତ ଯୁବକଙ୍କ ମୃତଦେହ ବୋଲି ଗ୍ରାମବାସୀ ଅନୁମାନ କରୁଛନ୍ତି। ଖବର ପାଇ ମାଲକାନଗିରି ଥାନା ଆଇଆଇସି ରାମ ପ୍ରସାଦ ନାଗ ଘଟଣା ସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ। ଏ ନେଇ ମାଲକାନଗିରି ଥାନା ପୋଲିସ ଏକ ମାମଲା(ନଂ.୨୪/୨୧) ରୁଜୁ କରି ଘଟଣାର ତଦନ୍ତ ଚଳାଇଛି। ସୂଚନା ଯୋଗ୍ୟ ସୁନ୍ଦରଗଡ଼ ଜିଲା ପୋଲିସ କିଛିଦିନ ତଳେ ଜଣେ ଗାଁ ସାଥୀଙ୍କ କଟା ମୁଣ୍ଡ ଜବତ କରିଥିଲା। ପୋଲିସ ତଦନ୍ତ ପରେ ଅନୈତିକ ସମ୍ପର୍କ ଲାଗି ବାଧ୍ୟ କରିବାରୁ ଗାଁ ସାଥୀଙ୍କୁ ହତ୍ୟା କରାଯାଇଥିବା ପର୍ଦ୍ଦାଫାଶ କରିଥିଲା। ଏହି ଘଟଣାରେ ପୋଲିସ ଶାଶୁ, ଜ୍ୱାଇଁଙ୍କୁ ଗିରଫ କରିଥିଲା।
