ପୁରୁଷୋତ୍ତମପୁର,୨୬/୫(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଏନଏସି ପକ୍ଷରୁ ସ୍ବଚ୍ଛ ସର୍ବେକ୍ଷଣ ଆମ ଗଞ୍ଜାମ,ସ୍ବଚ୍ଛ ଗଞ୍ଜାମରେ ସାମୂହିକ ସଫେଇ କାର୍ଯ୍ୟକ୍ରମ ନିର୍ବାହୀ ଅଧିକାରୀ ସଙ୍ଗୀତା ସେଠୀଙ୍କ ତତ୍ତ୍ୱାବଧାନରେ ମଙ୍ଗଳବାର ଅନୁଷ୍ଠିତ ହୋଇଯାଇଛି। ସହରକୁ ସ୍ବଚ୍ଛତା ଓ ପରିସ୍କାର, ଜିରୋ ପ୍ଲାଷ୍ଟିକ ଭିଜିବିଲିଟି ସହ ସମ୍ପୂର୍ଣ ଆବର୍ଜନା ମୁକ୍ତ କରି ସ୍ବଚ୍ଛ ପୁରୁଷୋତ୍ତମପୁର ଗଢି ତୋଳିବା ଏହାର ମୁଖ୍ୟ ଲକ୍ଷ୍ୟ। ଏଭଳି ସାମୂହିକ କାର୍ଯ୍ୟକ୍ରମ ପ୍ରତ୍ୟହ ମଙ୍ଗଳବାର ଦିନ କରାଯିବ ବୋଲି ନିର୍ବାହୀ ଅଧିକାରୀ କହିଛନ୍ତି। ଏଥିରେ ଏନଏସି ଅଧ୍ୟକ୍ଷ କୃଷ୍ଣଚନ୍ଦ୍ର ପଣ୍ଡା, କାଉନସିଲର ଅଶୋକକୁମାର ମହାକୁଡ,ଭାସ୍କର ବେହେରା, ଲିଙ୍ଗରାଜ ବେହେରା,ଭବାନୀ ଶଙ୍କର ନାୟକ, କାଉନସିଲର ପ୍ରତିନିଧି, ଭାଗିରଥି ବେହେରା, ଲୋକନାଥ ବେହେରାଙ୍କ ସମେତ ଏନସି କର୍ମଚାରୀ,ସ୍ବଚ୍ଛସାଥି, ମହିଳା ସ୍ବୟଂ ସହାୟିକା ଗୋଷ୍ଠୀମାନେ ଯୋଗଦେଇ ସହରର ବିଭିନ୍ନ ସ୍ଥାନରେ ସଫେଇ କରିଥିଲେ। ଏହାକୁ ପରିମଳ ବିଭାଗ ଏକ୍ସପର୍ଟ ସତୀଶ କୁମାର ପାଣିଗ୍ରାହୀ ପରିଚାଳନା କରିଥିଲେ।
Dharitri – Odisha’s No.1 Odia Daily
