ଢାକା,୬।୩: ଇତିମଧ୍ୟରେ ବାଂଲାଦେଶ ସ୍ବାଧୀନତା ପାଇବା ୫୦ ବର୍ଷ ପୂରଣ କରିଛି। ଏହି ଦେଶକୁ ପ୍ରଥମଥର ପାଇଁ କିନ୍ନର ନ୍ୟୁଜ ଆଙ୍କର ମିଳିଛନ୍ତି। ଏଠାକାର ଏକ ନ୍ୟୁଜ୍ ଚ୍ୟାନେଲରେ ପ୍ରଥମ ଥର ପାଇଁ ଜଣେ କିନ୍ନର ନ୍ୟୁଜ୍ ଆଙ୍କରଙ୍କୁ ନିଯୁକ୍ତି କରାଯାଇଛି। ତାଙ୍କ ନାଁ ତଶ୍ନୁଭା ଆନନ ଶିଶିର। ଯିଏ କି ଜଣେ ପ୍ରତିଭା ସମ୍ପନ୍ନ ମଡେଲ ଏବଂ ଅଭିନେତ୍ରୀ। ତଶ୍ନୁଭା ଆସନ୍ତା ଅନ୍ତର୍ଜାତୀୟ ମହିଳା ଦିବସ ଅବସରରେ ୮ ମାର୍ଚ୍ଚରେ ଖବର ପଢ଼ିବେ।
ତଶ୍ନୁଭା ୨୦୦୭ରେ ଟିଏଟରରେ ମଡେଲିଂ କରିବା ସହିତ ତାଙ୍କ ଅଭିନୟ କ୍ୟାରିୟର ଆରମ୍ଭ କରିଥିଲେ। ସେ ଦୁଇବର୍ଷ ପର୍ଯ୍ୟନ୍ତ ମଡେଲିଂ କରିଥିଲେ। ଦୁଇଟି ଫିଚର ଫିଲ୍ମରେ ମଧ୍ୟ ଅଭିନୟ କରିଛନ୍ତି।
ବର୍ତ୍ତମାନ ସେ ଅନ୍ତର୍ଜାତୀୟ ମହିଳା ଦିବସ ଅବସରରେ Boishkahi TVରେ ପ୍ରଥମଥର ବୁଲେଟିନ ପ୍ରସ୍ତୁତ କରିବେ। ଏହା ମାଧ୍ୟମରେ ସେ ଏକ ଅଦ୍ଭୁତପୂର୍ବ ଉଦାହରଣ ସୃଷ୍ଟି କରିବେ। ସେ ଜଣେ ଡ୍ୟାନ୍ସର, ମଡେଲ ଏବଂ ଭଏସ ଆର୍ଟିଷ୍ଟ ମଧ୍ୟ। ତଶ୍ନୁଭା ହଜାର ହଜାର କିନ୍ନର ମହିଳାଙ୍କ ପାଇଁ ଏକ ପ୍ରେରଣା ପାଲଟିବେ।
