ଶେଷ ହେଉନି ପାଲା କଳାକାରଙ୍କ ସଂଘର୍ଷ

ବଇଣ୍ଡା, ୧୫ା୧୦ (ପରିକ୍ଷିତ ସାହୁ): ବର୍ଷକ ୧୨ ମାସରୁ ୯ ମାସ ବିତୁଥିଲା ଧର୍ମ ଚର୍ଚ୍ଚାରେ। କିଏ ମାନସିକ ପୂରଣ ପାଇଁ ଖୋଜୁଥିଲେ ତ ଆଉ କିଏ ଏକୋଇଶିଆ ପାଲା ପରିବେଷଣ ନିମନ୍ତେ ବଇନା ଦେବାକୁ ପହଞ୍ଚିଯାଉଥିଲେ ଗାୟକଙ୍କ ଦୁଆରେ। ହେଲେ କରୋନା କାରଣରୁ ୬ ମାସ ହେଲା ସାଂସ୍କୃତିକ କାର୍ଯ୍ୟକ୍ରମ ବନ୍ଦ ରହିଛି। ଫଳରେ ସଂକଟରେ ପଡ଼ିଛନ୍ତି ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡର ୩ଶହ ପାଲା କଳାକାର। ସରକାର ପାଲା ପରିବେଷଣ ପାଇଁ ଅନୁମତି ଦେଉ ନ ଥିବାରୁ ଶେଷ ହେଉନି ଏହି କଳାକାରମାନଙ୍କ ସଂଘର୍ଷ।
ଉପଖଣ୍ଡର ଆଠମଲ୍ଲିକ ଓ କିଶୋରନଗର ବ୍ଲକରେ ରହିଛି ମୋଟ୍‌ ୫୨ଟି ପାଲା ଦଳ। ଗାୟକ, ବାୟକ ଓ ଅନ୍ୟ ସହଯୋଗୀଙ୍କୁ ମିଶାଇ ୩ ଶହ କଳାକାର ଏହି ଦଳର ସଦସ୍ୟ। କେବଳ ବର୍ଷା ୩ ମାସ ଛାଡିଦେଲେ ଅନ୍ୟ ସମୟରେ ବିଭିନ୍ନ ସ୍ଥାନରେ ଏମାନେ ପାଲା ପରିବେଷଣ କରିଥାନ୍ତି। ସରକାରଙ୍କ ବହୁ ସଚେତନତାଧର୍ମୀ କାର୍ଯ୍ୟକ୍ରମ ଜରିଆରେ ମଧ୍ୟ ରୋଜଗାର ପାଇଥାନ୍ତି। ପର୍ବପର୍ବାଣି, ପୂଜା, ଯାନିଯାତ୍ରା ବେଳେ ବିଭିନ୍ନ ସହରରୁ ଏହି କଳାକାରମାନଙ୍କୁ ଡାକରା ମିଳେ। କେଉଁଠି ୫ ଦିନ ତ ଆଉ କେଉଁଠି ୭ ଦିନ ଧରି ଗୋଟିଏ ଲେଖାଏ ଦଳ ପାଲା ପରିବେଷଣ କରନ୍ତି। ବିଶେଷକରି ବାଦୀ ପାଲାର ଅଧିକ ଆଦର ଥିବାରୁ ଗୋଟିଏ ସ୍ଥାନରେ ଏକାଧିକ ଗାୟକ ନିଜ ଧାର୍ମିକ ଜ୍ଞାନର ଗଭୀରତା ଦେଖାଇଥାନ୍ତି। କିନ୍ତୁ କୋଭିଡ୍‌ ସଂକ୍ରମଣକୁ ଦୃଷ୍ଟିରେ ରଖି ସରକାର ଗତ ମାର୍ଚ୍ଚରୁ ସାଂସ୍କୃତିକ କାର୍ଯ୍ୟକ୍ରମ ଉପରେ କଟକଣା ଲଗାଇଥିବାରୁ ଉପଖଣ୍ଡ ପାଲା କଳାକାରମାନଙ୍କ ରୋଜଗାର ବାଟ ବନ୍ଦ ହୋଇଯାଇଛି। ଫଳରେ ପରିବାର ଚଳାଇବା ପାଇଁ ସେମାନଙ୍କୁ ଦୈନିକ ସଂଘର୍ଷ କରିବାକୁ ପଡ଼ୁଛି। ଯାହାଙ୍କ ଧର୍ମ ଚର୍ଚ୍ଚା ହଜାର ହଜାର ଶ୍ରୋତାଙ୍କ ମନମୁଗ୍ଧ କରୁଥିଲା ସେହି ଗାୟକମାନଙ୍କ ମଧ୍ୟରୁ ଏବେ କିଏ ପରିବା ବେପାର କରୁଛନ୍ତି ତ ଆଉ କିଏ ଗଁା ଗଁା ବୁଲି ମନୋହରି ସାମଗ୍ରୀ ବିକୁଛନ୍ତି। ପାଲା କଳାକାରମାନଙ୍କୁ ଏପରି ଦୁର୍ଦ୍ଦଶାରୁ ରକ୍ଷା କରିବାକୁ ସରକାର ସ୍ବତନ୍ତ୍ର ପ୍ୟାକେଜ୍‌ ଘୋଷଣା କରିବାକୁ ଦାବି ହେଉଛି। ଏ ନେଇ କିଶୋରନଗର ତହସିଲଦାର ଡ. ଲକ୍ଷ୍ମୀପ୍ରସାଦ ସାହୁ କହିଛନ୍ତି, ପାଲା ପରିବେଷଣ ପାଇଁ ସରକାରୀ ସ୍ତରରେ ଅନୁମତି ଆସିନାହିଁ। ଅନୁମତି ମିଳିଲେ ପାଲା କଳାକାରମାନଙ୍କୁ ଏଥିପାଇଁ ସୁଯୋଗ ପ୍ରଦାନ କରାଯିବ।
ପରିବାର ଚଳାଇବା କଷ୍ଟକର ହେଉଛି
କଳା ସଂସ୍କୃତିକୁ ବଞ୍ଚାଇ ରଖିବା ପାଇଁ ପାଲା ଏକ ମାଧ୍ୟମ। ହେଲେ କରୋନା ଯୋଗୁ ଉପଖଣ୍ଡର ୩ଶହ କଳାକାରଙ୍କ ଜୀବନ ଜୀବିକା ବିପର୍ଯ୍ୟସ୍ତ ହୋଇପଡ଼ିଛି। ସରକାରଙ୍କ ପକ୍ଷରୁ ସ୍ବତନ୍ତ୍ର ସହାୟତା ପ୍ରଦାନ କରାଯାଉ।
-ଶ୍ରୀକାନ୍ତ ମାହାର (ଗାୟକ), ରଞ୍ଜନା, ମାଧପୁର
ରୋଜଗାର ପାଇଁ ଅଟୋ ଚଳାଉଛି
ଦୀର୍ଘ ୬ ମାସ ହେବ ପାଲା କଳାକାରମାନଙ୍କ ରୋଜଗାର ବନ୍ଦ ହୋଇଯାଇଛି। ଫଳରେ ଆର୍ଥିକ ସ୍ଥିତି ଜଟିଳ ହୋଇପଡ଼ିଛି। ତେଣୁ ପେଶା ବଦଳାଇ ଅଟୋ ଚଳାଇ ପରିବାର ପାଇଁ କିଛି ରୋଜଗାର କରିବାକୁ ବାଧ୍ୟ ହୋଇଛି।
-ଜଗତମୋହନ ମିଶ୍ର (ଗାୟକ), ବଇଣ୍ଡା
ପରିବା ବିକି ପରିବାର ଚଳାଉଛି
ପାଲାରେ ଗାୟକଙ୍କୁ ସହଯୋଗ କରି ବାର୍ଷିକ ୩୦ ହଜାରରୁ ଅଧିକ ଟଙ୍କା ରୋଜଗାର କରୁଥିଲି। ଲକ୍‌ଡାଉନ୍‌ ଯୋଗୁ ପାଲାକୁ ଅନୁମତି ମିଳୁ ନ ଥିବାରୁ ଆୟ ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା। ତେଣୁ ବାଧ୍ୟ ହୋଇ ପରିବା ବିକି ପରିବାର ଚଳାଉଛି।
-ବିନୟ ସ୍ବାଇଁ, ହଣ୍ଡପା
ମନୋହରି ସାମଗ୍ରୀ ବିକୁଛି
ବର୍ଷ ତମାମ କଳା ପରିବେଷଣ କରୁଥିଲୁ। କିନ୍ତୁ କରୋନା ଜୀବିକା ଛଡ଼ାଇ ନେଇଥିବାରୁ ଏବେ ଗଁା ଗଁା ବୁଲି ମନୋହରି ସାମଗ୍ରୀ ବିକ୍ରି କରୁଛି। ଭତ୍ତା ପାଇଁ ଆବେଦନ କରିଛି। ସରକାର ପାଲା କଳାକାରମାନଙ୍କ ପାଇଁ ସ୍ବତନ୍ତ୍ର ପ୍ୟାକେଜ୍‌ ଘୋଷଣା କରନ୍ତୁ।
-ଗଦାଧର ମେହେର (ଗାୟକ), ଡାବାରାପାଲି, ଆଠମଲ୍ଲିକ
ମନ୍ଦିରରେ ପୂଜକ ସାଜିଛି
ବର୍ଷକୁ ୯ ମାସ ବିଭିନ୍ନ ସ୍ଥାନରେ ପାଲା ପରିବେଷଣ ପାଇଁ ଡାକରା ମିଳୁଥିଲା। ୬ ମାସ ହେଲା ସାଂସ୍କୃତିକ କାର୍ଯ୍ୟକ୍ରମ ବନ୍ଦ ରହିଥିବାରୁ ଆୟ କିଛି ନାହିଁ। ତେଣୁ ଗଁା ମନ୍ଦିରରେ ପୂଜକ ସାଜି ଯାହା କିଛି ରୋଜଗାର କରୁଛି।
– ଶମ୍ଭୁନାଥ ମହାପାତ୍ର (ଗାୟକ), ବଡ଼ବର, ଆଠମଲ୍ଲିକ
କାମ ମିଳୁ ନ ଥିବାରୁ ଘରେ ବସିଛି
ପାଲା ଆମ ଜୀବନ ଥିଲା। ତେଣୁ ପରିବାର ଚଳାଇବାରେ ଅସୁବିଧା ହେଉ ନ ଥିଲା। କିନ୍ତୁ ସରକାରଙ୍କ ଅନୁମତି ନ ଥିବାରୁ ରୋଜଗାରର ବାଟ ବନ୍ଦ ହୋଇଯାଇଛି। ୬ ମାସ ହେଲା କାମଧନ୍ଦା ବି କିଛି ମିଳୁନାହିଁ। ଘରେ ବସି ରହିବା ଛଡ଼ା ଉପାୟ ନାହିଁ।
ଭ୍ରମରବର ମିଶ୍ର, ବଡ଼ଗୋବିନ୍ଦପୁର, କିଶୋରନଗର


Enter your email to get our daily news in your inbox.

All Right Reserved By Dharitri.Com

ପୁରୁଣା ଅଶ୍ୱତ୍ଥ ଗଛ ଉପୁଡ଼ି ଭଦ୍ରକ-ଆଖଣ୍ଡଳମଣି ମୁଖ୍ୟ ରାସ୍ତା ଅବରୋଧ

ଧାମନଗର ,୧୩।୧୧(ଡି.ଏନ.ଏ.)- ଭଦ୍ରକ କିଲା ଧାମନଗର ବ୍ଲକଦେଇ ଯାଇଥିବା ଭଦ୍ରକ- ଆଖଣ୍ଡଳମଣି ମୁଖ୍ୟ ରାସ୍ତାର ସୂର୍ଯ୍ୟପୁର ଛକରେ ଥିବା ଏକ ପୁରାତନ ବିରାଟ ଅଶ୍ୱତ୍ଥ ଗଛ...

‘ସ୍ବାସ୍ଥ୍ୟ, ଶିକ୍ଷା, କୃଷି ସବୁ କ୍ଷେତ୍ରରେ ସରକାର ବିଫଳ’

ଭୁବନେଶ୍ୱର,୩୧।୭(ବ୍ୟୁରୋ): ସ୍ବାସ୍ଥ୍ୟ, ଶିକ୍ଷା, ଜଳସେଚନ ସବୁକିଛି ବିପର୍ଯ୍ୟସ୍ତ। ରାଜ୍ୟରେ ପ୍ରାୟ ୩ ଲକ୍ଷ ପଦବୀ ଖାଲି ପଡ଼ିଛି। ୧୮୦୦ ବିଦ୍ୟାଳୟରେ ଜଣେ ମାତ୍ର ଶିକ୍ଷକ ଅଛନ୍ତି।...

କେନ୍ଦ୍ରମନ୍ତ୍ରୀଙ୍କୁ କୋରାପୁଟ ଜିଲା ପ୍ରଶାସନର ଅସହଯୋଗ

ଭୁବନେଶ୍ୱର,୧୩।୪(ବ୍ୟୁରୋ): କେନ୍ଦ୍ର ସରକାରଙ୍କ ସମସ୍ତ ଜନକଲ୍ୟାଣ କାର୍ଯ୍ୟର ହିସାବ ସାଧାରଣ ଜନତାଙ୍କ ନିକଟରେ ଉପସ୍ଥାପିତ କରାଯିବ। ସମସ୍ତ ଯୋଜନା ଓ କାର୍ଯ୍ୟକ୍ରମ ପ୍ରସଙ୍ଗରେ ସଚେତନତା ସୃଷ୍ଟି...

ବାମରାରେ ଟ୍ରେନ୍‌ ରହଣି ଦାବିରେ ରେଳରୋକୋ

କୁଚିଣ୍ଡା,୩୦।୩(ଡି.ଏନ୍‌.ଏ): ସମ୍ବଲପୁର ଜିଲାର ବାମରା ରେଳ ଷ୍ଟେସନଠାରେ ସମସ୍ତ ଟ୍ରେନ ରହଣି ଦାବିରେ ବୁଧବାର ଅଞ୍ଚଳବାସୀଙ୍କ ପକ୍ଷରୁ ରେଳରୋକୋ ଆନ୍ଦୋଳନ କରାଯାଇଛି। ସକାଳ ୬ଟାରୁ ଆରମ୍ଭ...

ନିଜ ସର୍ଭିସ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ବିଏସ୍‌ଏଫ୍‌ ଯବାନ

କୋରାପୁଟ,୬।୩(ସ୍ବ.ପ୍ର.): କୋରାପୁଟ ଜିଲାର ଜଲାପୁଟସ୍ଥିତ ବିଏସ୍‌ଏଫ୍‌ ୧୫ ବାଟାଲିଅନରେ କାର୍ଯ୍ୟରତ ଯବାନ ଶନିବାର ନିଜ ସର୍ଭିସ ବନ୍ଧୁକରୁ ଗୁଳିଫୁଟାଇ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତ ଯବାନଙ୍କ...

ଅପରାହ୍ନ ୪ଟା ଯାଏ ଗୃହ ମୁଲତବୀ

ଭୁବନେଶ୍ୱର,୭।୧୨(ବ୍ୟୁରୋ): ଷଷ୍ଠ ଦିନରେ ବି ଚାଲି ପାରିଲାନି ବିଧାନସଭା। ମଙ୍ଗଳବାର ଅଧିବେଶନ ଆରମ୍ଭରୁ ଗୃହ ମଧ୍ୟ ଭାଗରେ ପ୍ଲାକାର୍ଡ ଧରି ବିରୋଧୀଙ୍କ ହଟ୍ଟଗୋଳ ଦେଖିବାକୁ ମିଳିଛି।...

ଦଶହରାରେ ଆତଙ୍କବାଦୀ ଆକ୍ରମଣ ଆଶଙ୍କା : ଓଡ଼ିଶାରେ ହାଇ ଆଲର୍ଟ, ବଢ଼ିଲା ସୁରକ୍ଷା

ଭୁବନେଶ୍ୱର,୪ା୧୦(ବ୍ୟୁରୋ) : ଭାରତକୁ ପାକିସ୍ତାନ ପଟୁ ପଶି ଆସିଛନ୍ତି ଆତଙ୍କବାଦୀ। ଆତଙ୍କବାଦୀ ସଂଗଠନ ଜୈସ-ଇ-ମହମ୍ମଦ ଦିଲ୍ଲୀ ସମେତ ଦେଶର ବଡ଼ ବଡ଼ ସହରକୁ ଟାର୍ଗେଟ କରିଛି।...

ଗେଷ୍ଟହାଉସ୍‌ରେ ସେକ୍ସ ରାକେଟ ଠାବ: ୧୨ଜଣଙ୍କୁ ଉଠାଇନେଲା ପୋଲିସ

ଜଗତସିଂହପୁର ଅଫିସ,୨୭।୧୧: ସ୍ଥାନୀୟ ସିପି ଛକ ନିକଟ ଏକ ଗେଷ୍ଟ ହାଉସ୍‌ରେ ବୁଧବାର ଜଗତସିଂହପୁର ପୋଲିସ ସେକ୍ସ ରାକେଟ ଠାବ କରିଛି। ସେଠାରୁ ୬ଜଣ ମହିଳା...

Advertisement
Archives

Model This Week